2 Kol 7:1 - Musamu Wamubwete 2013

¹ Ngo banduku ba mutima, bukuri turi na nsiilulu dza bubwo, tutsyeemekeenu mu mamviindu momanso ma muswinyi na ma kiluunsi, na tukukiseenu bungisi kunsa kibvumi kya Nzaambi.

2 Kol 7:1 ပူးပေါင်းရင်းမြစ်များ

Musamu wamubwete watina Matayi 12:33

«Mbuti muti wamubwete, lo bimbutu se byabibwete; na mbuti muti wamubi, lo bimbutu se byabibi. Bukuri muti kumuyaabilaa mu bimbutu."

Musamu wamubwete watina Matayi 5:48

Hango beenee bayirima kwakuka, bunu buri Taayi dyeenu diri ku mayulu nde wayirima kwakuka.»

Musamu wamubwete watina Matayi 5:8

Kiminu kuri batsyeemeke mu mitima, bukuri bo sa bamono Nzaambi!

Biyiriki bya Bantumu 9:31

Dibuundu dyaba na kidzuunu mu Yudaya dyodinso, mu Ngalili na mu Samariya, dyatuunguma na dyadyaata mu kibvumi kya Mfumu, na mu mboondulu ya Mpeeve Yangisi, dyo dyaba Kwefununaana.

Mukaanda kuri bari Loma 5:20

Mangisi mayisa mpisi heki lumvuki lufunina; ngo haho hafunina masumu, hanaho se ha buukulaa bweese,

1 Kol 6:20

Mukwongo, beenu bayeki balukuula mu ntalu yayinene. Ngo keembeseenu Nzaambi mu nyutu yeenu.

2 Kol 1:20

Mukwongo, nsiilulu dza Nzaambi dzodzinso mu nde dini «heehe» diri, Mu didyo se beetu tukooleelaa ti «Amene» kuri Nzaambi, mu kumuha nkeembu.

Mukaanda kuri bari Efeso 2:3

Beetu-banso se twaba kintwaari na bo, na twaba kwedyaatilaana mu ntaangu yayikulu, bunu buri nyiimunu dza muswinyi weetu, mu kweyirika matiiri muswinyi na bitsimi byeetu byabibi. Mu mbeelu yeetu, twaba baala bayelemene kubwiilikila nkesi dza Nzaambi bunu bakaka.

1 Tes 3:13

Hemese nde kakumisa mitima myeenu, mpisi heki beenu luba bangisi na bahele maseembu ha busu bwa Taayi dyeetu Nzaambi, mu ntaangu ya nyisulu Mfumu yeetu Yesu kintwaari na bangisi baandi bobanso. [Amene].

1 Tes 4:7

Mukwongo, Nzaambi ka siiri kututeele mbila mu kuba kunsa nsumukunu ko, ngo mu kuba kunsa bungisi.

1 Tes 5:23

Hemese Nzaambi ya kiyeengi nde-meene, kalusa bangisi mu kiteesu kyakuka, na bumuutu bwa beenu bwobunso, kiluunsi, muheebulu na nyutu, biba byakebu kwahele maseembu, mu nyisulu Mfumu yeetu Yesu Kiristo.

Mukaanda kuri Bahebeleho 12:23

bebele na dibuundu dya babutuka batete, batinuma ku mayulu, na Nzaambi mutsuundisi wa bobanso, na biluunsi bya basuunguma batubuka ku nyirimunu,

Mukaanda kuri Bahebeleho 12:28

Ngo bukuri sa twataambula kimfumu kiri kyaningina ko; tubvutulee matoondo na tusalilee Nzaambi bwayelemene, kunsa kinzaambi na mu kibvumi.

Mukaanda kuri Bahebeleho 4:1

Ngo tuseenee madyeele, lusiilulu lwa kukoto mu mpuumunu yaandi bu lwakiri, muutu mu beenu kahele kumono kuri ti, nde wasaala ku lumperi.

Mukaanda kuri Bahebeleho 6:9

Ngo banduku ba mutima, ti bukuri turi mu kudzoonsolo bubwo, beetu tuyirikiri kuyaaba mu mitariri beenu, ti luri mu kiteesu kibvuriri bubwete, na lwakwaata mvuukulu.

Mukaanda wa Yakobo 4:8

Kokosolee kuri Nzaambi, na nde sa kakokosolo kuri beenu. Swaakee myooko myeenu, beenu bangaa-masumu. Tsyeemesee mitima myeenu, beenu bangaa-maketi-keti.

1 Pet 1:15

Ngo bunu buri wunde waluteele mbila, wuri wangisi, beenu se beenee bangisi mu ndyaatulu yeenu yoyinso.

1 Pet 1:17

Na mbuti beenu luteelaa mu lusaambulu ti Taata, wunde wahele na kimpengeki, wutsuundisa muutu-muutu bunu buri biyiriki byaandi, lo dyaatileenu mu kibvumi, mu ntaangu ya kidziingu kyeenu mu nsi ya bunzeense yi,

1 Pet 1:22

Beenu lwatsyeemese miheebulu myeenu mu kutumuma kuri ngwanwa, mu dyaambu dya ntiilu ya kimpaangi, yahele na bumpitu-bumpyoongo. Tilisineenu beenu na beenu kwalaka mu mutima watsyeemeke,

1 Pet 2:11

Banduku ba mutima, me nyilusyaamisa bunu minzakikiri miri ku bunzeense, mu kukaanga mutima, mu kuhele kubwa mu nyiimunu dza muswinyi, dzikwenwaanisa muheebulu.

1 Pet 5:10

Nzaambi ya mabweese momanso, waluteele mbila mu kukoto mu nkeembu yaandi yahele manunu mu Kiristo Yesu, bu lumwiini mpasi mu mwaa-ntaangu, sa kabweese kalutelemese nde-meene, sa kalukumisa, sa kaluha makwa na sa kalusa na keketee.

1 Yow 1:7

mbuti beetu tudyaatila kunsa buungi, lo turi mu kintwaari beetu na beetu, na makila ma Yesu, Mwaana waandi, matutsyeemisaa mu mpisi sumu.

1 Yow 1:9

Mbuti tutambukilaa masumu meetu, lo nde wuri wakwiikama na wasuunguma, mu kutuhemesene masumu meetu, na mu kututsyeemese mu mpisi lumvuki.

1 Yow 3:3

Mpisi wunde wuri na nsiitu dza bubwo mu Kiristo, lo wutsyeemikaa nde-meene, bunu bu kari katsyeemeke nde.