2 Kol 6:6 - Musamu Wamubwete 2013

⁶ mu nsyemukunu, mu nyaabulu, mu nkindusulu-mutima, mu mbweeyulu-mutima, mu Mpeeve Yangisi, mu ntiilu yahele bumpitu-bumpyoongo,

2 Kol 6:6 ပူးပေါင်းရင်းမြစ်များ

Mukaanda kuri bari Loma 12:9

Ntiilu yiba yahele na bumpitu-bumpyoongo. Yitikee mamabi, kaangamee mu mamabwe.

Mukaanda kuri bari Loma 15:19

mu mpinu dza bidiimbu na dza bimaangu, mu mpinu dza Mpeeve ya Nzaambi. Mu didyo, me kuholosono ku Yerusalemi na ku lumperi natee ku nkoonsi ya Iluriko, nyakukisila kuyaabisa Musamu Wamubwete wa Kiristo.

1 Kol 12:8

Mukwongo, kuri wamosi Mpeeve waha maampu ma madyeele, kuri wakaka maampu ma nyaabulu bu tiiri Mpeeve yiniyo,

1 Kol 13:4

Ntiilu yiri na nkindusulu-mutima, yayibwete, yahele na musoki, ntiilu yahele na nzala-kubila, yahele na masiiku,

1 Kol 2:16

Mukwongo, «na wayaaba kitsimi kya Mfumu? Na wutsiitsa kumuyikisa?» Beetu ngo bari, turi na kitsimi kya Kiristo.

1 Kol 2:4

Mu maampu na mu nyaabusulu dzaami, mwaba mwahele nzoonsulu dza madyeele dziri lo baatu bataambula, ngo kasi nsoongulu ya mpinu dza Mpeeve,

2 Kol 1:23

Nzaambi mbaangi yaami, me nyilaba maalu mu kidziingu kya me-meene ti: me nyasii bweese kwiisa ku Korinto ko, mu kulubatisa misamu.

2 Kol 11:11

Bukuri nki? Mu kuri ti me nyahele ku lutya? Nzaambi yaari.

2 Kol 11:4

Mukwongo, mbuti muutu wiisiri kuri beenu, wuluyaabisiri Yesu dikimi diri beetu twasii yaabisa ko, bunu pe lutaamburi mpeeve yasoboko na yiyo yi lwataamburi, bunu pe Musamu Wamubwe wasoboko na wunde wu lwataamburi, lo beenu mya bubwo ngo miri lukuundaa.

2 Kol 11:6

Mbuti mu mya kudzoonso me nyahele na lungweensu, ngo kari mu mya nyaabulu ko; mimyo beetu twasoongo mu mpisi mpwaani, na mu biteesu byobinso kuri beenu.

2 Kol 12:15

Me ngo wuri, nyiri na kutya mu kuha bi nyiri na byo, na sa nyaha kidziingu kyaami mu ntoono miheebulu mya beenu. Habaanaa me nyiri na ntiilu yalaka mu beenu, buri lo beenu ntiilu yantele luba na yo mu me?

2 Kol 13:10

Hango-nkuumbu, bu nyiri la na beenu me nyilutinina misamu mimyo, mpisi heki ha nyiba ha busu bwa beenu, me mpele kusalila kibakala, bunu buri lutumu lwa mpa Mfumu, mu kutuunga nkani ka mu kutsyaamuna ko.

2 Kol 2:10

Beenu lusiilaa muutu mpemisi, lo me se nyimusiriri mpemisi; mukwongo, mpemisi ngo yiri me nyasa, na mbuti nyasiila muutu mpemisi mu musamu, lo mu ntoono beenu, ha busu bwa Kiristo,

2 Kol 2:4

Mukwongo, mu mpasi dzalaka na mutima kinkuukulu, na mu mansangasa malaka me nyalutinini; kari mu kulukotoso mu ngebe ko, ngo mu kuri ti luyaaba ntiilu ya bunsaalisi yi nyiri na yo mu beenu.

2 Kol 3:3

Nkati diri dyayabakana ti, beenu ngo mukaanda Kiristo wu turi twatubula beetu, wahele kuba watinu mu ntiinta yapiinda, ngo mu Mpeeve Nzaambi yamwooyo; wahele kuba watinu mu bibari bya malweende, ngo mu mabaya ma mitima mya muswinyi.

2 Kol 4:6

Bukuri Nzaambi waleeriri ti: «Mu mampimbisi, buungi sa bwaseme!» Nde wasemini mu mitima myeetu, mu kusoongo nteendele ya nyaabulu nkeembu Nzaambi, ku busu bwa Yesu Kiristo.

2 Kol 7:2

Taambulee beetu mu mitima myeenu; beetu twasii yirikila muutu mamabi ko, twasii maana kuholo bya muutu ko, na twasii diila muutu manene ko.

Mukaanda kuri bari Ngalatya 3:2

Yaabiseenu me ntoono mosi: Mpeeve yi luri lwataambula, haho mu biyiriki bya mangisi, hoti mu ma luri lwayuka ma kanyi?

Mukaanda kuri bari Ngalatya 3:5

Wunde wuri mu kuluha Mpeeve, na wuri mu kweyirika bimaangu ha kakati dya beenu, haho mu biyiriki bya mangisi, hoti mu Maampu ma luri lwayuka ma kanyi?

Mukaanda kuri bari Ngalatya 5:22

Kasi kimbutu kya Mpeeve ngo: ntiilu, kiminu, kiyeengi, nkindusulu-mutima, mbweeyulu-mutima, nzala-baatu, kanyi,

Mukaanda kuri bari Efeso 3:4

Lumanaa kutaanga, beenu sa lwabakula nkya madyeele me nyiri na mo, mu mitariri mpaanu dza Kiristo,

Mukaanda kuri bari Efeso 4:2

mu nkulukulu yoyinso, mu bundeembu, mu nkindusulu-mutima, mu kwekuunda bambaasi beenu na beenu mu ntiilu.

Mukaanda kuri bari Efeso 4:32

Beeneenu na mbweeyulu-mutima mu beenu na beenu, bangaa-bundeembu, kwehemesene beenu na beenu, bunu bwa luhemesene Nzaambi mu Kiristo.

Mukaanda kuri bari Kolosayi 1:27

Kuri bo, Nzaambi katiiri kuyaabisa, ha kakati dya makaanda, bunu buri busina bwa nkeembu ya mpaanu yimayi. Mpaanu yiyo ngo Kiristo mu beenu, nsiitu ya nkeembu.

Mukaanda kuri bari Kolosayi 2:3

mu nde mwaswekeme busina bwobunso bwa madyeele, na bwa nyaabulu.

Mukaanda kuri bari Kolosayi 3:12

Ngo bu luri lwasoolu kuri Nzaambi, luri bangisi, na lwatya kuri nde, beeneenu na mutima wa ngebe, wa mbweeyulu, wa nkulukulu, wa bundeembu na wa nkindusulu.

1 Tes 2:10

Beenu luri bambaangi, Nzaambi se mbaangi: ndyaatulu beetu yaba yangisi, yasuunguma, na yahele maseembu ha busu bwa beenu basiila kanyi.

1 Tim 4:12

Muutu yaa kasaana butuuti bwa ye ko, ngo soongo kifwaani kuri bangaa-kanyi, mu nzoonsulu, mu ndyaatulu, mu ntiilu, mu kanyi, na mu bungisi.

1 Tim 5:2

bakyeetu babuuka, bahololo bunu banguri, bantuumba bunu bibusi, kunsa bungisi bwobunso.

2 Tim 3:10

Ngo ye wanemi kwakubwete nyikusulu dzaami, ndyaatulu yaami, bitaasi byaami, kanyi dyaami, nkindusulu-mutima yaami, ntiilu yaami, kifiki kyaami,

2 Tim 4:2

yikisa Maampu, landukina mu ntaangu yayelemene na yahele kuyelemene, seembe, ŋaŋina, syaamisa, mu nkindusulu-mutima yoyinso kunsa nyikusulu.

Mukaanda kuri Tito 2:7

mu myominso. Ye-meene se, soongo kifwaani mu biyiriki byabibwete, nsyemukunu na lukiinsu kunsa nyikisulu.

Mukaanda wa Yakobo 3:17

Ngo kasi madyeele ma ku yulu, hatete mari nkati matsyeemeke, tumi ma kiyeengi, madzuuna, matumuma, maluula mu ngebe na mu bimbutu byabibwete, mahele na munsoori na mahele na bumpitu-bumpyoongo.

1 Pet 1:12

Babayaabisa kuri ti, dyaambu di baba kwesalilaana dyaba diri dya bo-meene ko, ngo dya beenu. Na mu lumalu bayikisi ba Musamu Wamubwete bamwaluyaabisa dyo, mu Mpeeve Yangisi yafumuna ku yulu. Bambasi se batiiri kuyaaba dyaambu didyo.

1 Pet 1:22

Beenu lwatsyeemese miheebulu myeenu mu kutumuma kuri ngwanwa, mu dyaambu dya ntiilu ya kimpaangi, yahele na bumpitu-bumpyoongo. Tilisineenu beenu na beenu kwalaka mu mutima watsyeemeke,

1 Yow 3:18

Mwaa-baala, yaa twetiilee mu bini bibori ko; ngo twetiilee mu biyiriki na mu ngwanwa.