2 Kol 6:4 - Musamu Wamubwete 2013

⁴ Ngo kasi mu myominso, beetu tutiiri kumonokono beetu-meene bunu bisari bya Nzaambi, kunsa kifiki kyalaka, mu mpasi, mu manyoongi, mu kinkuukulu,

2 Kol 6:4 ပူးပေါင်းရင်းမြစ်များ

Musamu wamubwete watina Luka 21:19

Bu lunamitini, lo sa lwabvuukisa miheebulu myeenu.»

Musamu wamubwete watina Yowane 16:33

Me nyiluleeriri misamu mimyo, mpisi heki luba na kiyeengi mu me. Beenu luri na mpasi ha nsi, ngo lwaatee kibakala, me nyabwiisiri nsi!»

Biyiriki bya Bantumu 2:22

"Bari Isaheli, yukeenu maampu mamama: Yesu wa ku Nadzareti, Nzaambi wamusooriri mu kuyirika bimaangu, mya nkimukunu na bidiimbu mu ntoono beenu. Nzaambi wayirika byo mu nde ha kakati dya beetu, bunu bu luyaari beenu-meene

Biyiriki bya Bantumu 20:34

Beenu-meene luyaari ti myooko mimami, myabakisiryee me-meene na banduku baami mu manzala.

Biyiriki bya Bantumu 9:16

bukuri, me sa nyamusoongo mamo mayelemini kuri nde, mu kumono mpasi mu nkuumbu yaami."

Mukaanda kuri bari Loma 14:18

Wunde wusalila Kiristo mu kiteesu kikyo, lo wabweeye kuri Nzaambi, na wataambulu kuri baatu.

Mukaanda kuri bari Loma 16:10

Heenee mboto kuri Apele, nde wasoongiri bimbaangi byaandi mu Kiristo. Heenee mboto kuri babo bari mu nzo Aristobulo.

Mukaanda kuri bari Loma 3:5

Ngo mbuti kunsa bubayi bwa beetu nsungumunu ya Nzaambi yimonokono, lo nki tuleele? Buri Nzaambi kabaka nkesi, lo weki ngaa-bubayi? Me mu kimuutu nyiri mu kudzoonsolo.

Mukaanda kuri bari Loma 5:8

Nzaambi wasoongo ntiilu yaandi mu beetu, bukuri, bu twaba twakiri bangaa-masumu, Kiristo watufwiila.

1 Kol 3:5

Heki Apolo nki? Pawulo nki? Bisari biri beenu mu byo luri lwataambula kanyi, bunu bwaheeriri Mfumu kuri muutu-muutu.

1 Kol 4:1

Mu didyo, baatu bayelemini kutuhololo bunu bisari bya Kiristo, na bakebi ba mpaanu dza Nzaambi.

1 Kol 9:11

Mbuti beetu twakunini bya kimpeeve mu ntoono beenu, buri lo weki musamu wamunene, mbuti beetu tutoriri bya ha butoto kuri beenu?

2 Kol 11:23

Bisari bya Kiristo bari? Me nzoonsulu bunu kilawuku, mu kuleele ti me mvuriri na bo; mu bisalu bya makwa, me mvuriri na bo; mu maboroko, me mvuriri na bo; mu nkuba kubwilikila, me mvuriri na bo; na me mvuriri kuba mu nsisi dza lufwa mu ntaangu ngo ntaangu.

2 Kol 11:27

Me nyasala na nyamono mpasi, me nyakyeelele bitulu bya bwiisi ntaangu ngo ntaangu, nyakolo nzala na mpwiisu, nyakoto maloomi ntaangu ngo ntaangu, nyakuukila kyoosi na nyaba mpene.

2 Kol 11:9

Ha nyaba kuri beenu, bu nyaba na nzala lubakusu, me nyasii diila muutu manene ko; ngo me nyataambula lubakusu kuri bampaangi bafumini ku Makedonya; mu myominso me nyabisiri kuri ti beenu lumbuungula, na sa nyanamitina kubisa ntoono yiyo.

2 Kol 12:10

Hango-nkuumbu, me nyimono kiminu mu buyonsi, mu bitari, mu mbamusunu, mu nkwamusunu na kinkuukulu mu ntoono Kiristo; bukuri me mbaanaa nyiri na buyonsi, lo haho ngo ha nyiri na makwa.

2 Kol 12:12

Bidiimbu bisoongo kuri ti me ntumu, byayirimini ha kakati dya beenu mu ntaangu ngo ntaangu: bidiimbu, biyiriki byankimukunu, na bimaangu.

2 Kol 2:17

Mukwongo, beetu turi bunu bakaka bakweyarika maampu ma Nzaambi ko; ngo kasi mu ngwanwa, mu nkuumbu ya Nzaambi na ha busu bwaandi, beetu turi mu kwedzoonsolo mu Kiristo.

2 Kol 3:6

nde watuha makwa mu kuba bisari bya lulelusunu lwamoono, kari mu kisoni ko, ngo Mpeeve, bukuri kisoni kidzusaa, kasi Mpeeve yihaanaa bumwooyo.

2 Kol 4:17

Mukwongo, mpasi dzeetu dzaleenge mu ntaangu yi, dziri mu kubuta kilemu kya nkeembu ha yulu nkeembu, yahele manunu kuri beetu.

2 Kol 4:2

Ngo kasi beetu twabisa mansweeki mansoni, tukwedyaatila kwahele mawunu, na twahele kwekitula maampu ma Nzaambi, ngo mu nsoongulu ngwanwa, beetu turi mu kwesaka kuri ti baatu batufyongokono, ha busu bwa Nzaambi.

2 Kol 4:8

Beetu batuswetekese mu mpele ngo mpele, ngo twahele kunyifuka, turi mu kwedunga, ngo twahele kukoono,

2 Kol 7:11

Sa monee mu lumalu, nkya kifiki ngebe dza ntiilu ya Nzaambi dzibutiri mu beenu: nkya mampemisi, nkya minyoongi, nkya boomo, nkya musoongo, nkya kuheme, nkya maseembu! Mu myominso beenu lwasoongiri ti, lwahele na kibila mu musamu wunde.

Mukaanda kuri bari Kolosayi 1:11

Mu bubwo beenu luba na mpinu mu myominso bunu buri makwa ma nkeembu yaandi, mu kuba na kifiki na kukiindisa mutima mu myominso. Mu kiminu,

Mukaanda kuri bari Kolosayi 1:24

Mu lumalu, me nyimono kiminu, kunsa mpasi mu ntoono beenu, na me nyiri mu kukukisa mpasi dza mbamunu Kiristo, mu muswinyi waami, mu ntoono nyutu yaandi, ngo dibuundu.

1 Tes 3:7

Mu didyo, bampaangi, kunsa mpasi dzeetu na manyoongi meetu, beetu twabakiri mboondulu mu beenu mu ntoono kanyi dyeenu.

1 Tes 5:14

Beetu tulusyaamisa, bampaangi: seembeenu babo bari kunsa kisaangila, syaamiseenu bari na boomo, kumiseenu bari na bubolo, beeneenu na nkindusulu-mutima mu bobanso.

1 Tim 2:15

Ngo nde sa kaba wabvuuka mu ntoono mbutulu, mbuti namitini kuba mu kanyi, mu ntiilu, na mu bungisi, kunsa nkulukulu.

1 Tim 4:6

Wubaangulaana misamu mimyo kuri bampaangi, lo ye sa ba kisari kyakibwete kya Kiristo Yesu, kyadiisulu mu maampu ma kanyi, na mu nyikusulu dzadzibwete, dzi wuri mu kunama kwa kubwete.

1 Tim 6:11

Ngo ye muutu Nzaambi, bata misamu mimyo. Yende wesaka nsungumunu, kinzaambi, kanyi, ntiilu, nkindusulu-mutima, bundeembu.

2 Tim 1:8

Yaa ba na nsoni ko mu kuta kimbaangi mu Mfumu yeetu, bunu pe mu me nyiri mu bikonyi mu ntoono nde. Kasi mono mpasi ha kimosi na me mu ntoono Musamu Wamubwete, bunu buri mpinu dza Nzaambi.

2 Tim 2:24

Kisari kya Mfumu wahele kuyelemene kunwaana, ngo yelemini kuba na musoongo mu baatu bobanso, wakuka mu kuyikisa, na wukuunda mamabi.

2 Tim 4:5

Ngo ye, ba wasoongolo mu myominso, kuunda mpasi, sa kisalu kya budingisi, kukisa kisalu kyaaku.

Mukaanda kuri Bahebeleho 12:1

Mu didyo, beetuneenu se, bukuri bambaangi balaka batudyengekele, tuloosee mpisi kilemu na masumu mahele na mpasi mu kutunzungukila, na tudzumunee ntiinu mu kifiki, mu kiteesu ki bari batutakala.

Nyabusulu ya Yowane 1:9

Me Yowane, mpaangi yeenu, wu luri ntwaari mu nsiitsulu, mu kimfumu, mu nkwikumunu mu Yesu; me nyabeeri ku kibuma ki bateelaa ti Patomo, mu dyaambu dya Maampu ma Nzaambi na kimbaangi kya Yesu.

Nyabusulu ya Yowane 3:10

Mu bukuri ye wakebiri maampu maami mu kifiki, me se sa kebe ye mu ntaangu ya nsindukulu, dziyelemini kutubuka mu nsi yoyinso ya baatu, mu kusindukila babo badzakala mu nsi.