2 Kol 6:13 - Musamu Wamubwete 2013

¹³ Me nyiludzoonsolo bunu baala baami, beenu se mu kuha mvutu, dzibulee mitima.

2 Kol 6:13 ပူးပေါင်းရင်းမြစ်များ

Musamu wamubwete watina Malako 11:24

Hango-nkuumbu, me nyiluleeriri ti, momanso ma lusambikila na ma luloombo, siilee kanyi ti lumwaa mataambula, lo sa mayirima kuri beenu.

Mukaanda kuri bari Ngalatya 4:12

Bampaangi, me nyikuyingukila, beeneenu bunu me, bukuri me se, nyiri bunu beenu. Beenu lwahele kunyirikila ntoono ti mosi yayibi.

Mukaanda kuri bari Ngalatya 4:19

Baala baami, me nyiri mu kubweese kumono misoongo mya mbutulu, natee kuyirima Kiristo munsa beenu.

1 Tes 2:11

Beenu luyaari se ti, beetu twaba kuhololo mosi mosi mu beenu bunu bu hololaana taayi baala baandi.

1 Yow 2:1

Mwaa-baala baami, me nyilutinina mamama, mpisi luhele kubwa mu masumu. Ngo mbuti muutu bwiiri mu masumu, lo turi na Nkariri kuri Taata, ngo Kiristo Yesu, ngaa-kusuunguma.

1 Yow 3:18

Mwaa-baala, yaa twetiilee mu bini bibori ko; ngo twetiilee mu biyiriki na mu ngwanwa.

1 Yow 3:7

Mwaa-baala, muutu yaa kaludziimbisa ko. Wunde wusalilaa nsungumunu, lo wasuunguma bunu Kiristo wuri wasuunguma.

3 Yow 1:4

Kiminu kya me kibvuriri bunene, mu kuyuka ti baala ba me, ba kwedyaatila mu ngwanwa.