2 Kol 6:1 - Musamu Wamubwete 2013

¹ Ngo bukuri tukwesala kintwaari na nde, beetu tulusyaamisa mu kuhele kuhololo kwa buunu, bweese bwa Nzaambi buluri lwataambula.

2 Kol 6:1 ပူးပေါင်းရင်းမြစ်များ

Musamu wamubwete watina Matayi 23:37

«Yerusalemi, Yerusalemi, ye wudzusaa babikiri, wudzusaa mu matari bantumu baba bakuheekele, mantaangu makwe me nyatiiri kukutikisa baala baaku, bunu bu kutikisaa nguri nsusu baala baandi kunsa mapaapu maandi, ngo beenu lusii tya ko.

Biyiriki bya Bantumu 11:23

Nde bu katubuka, wamoono bweese bwa Nzaambi, wakeembe na wasyaamisa bobanso mu mutima mosi, mu kukaangama mu Mfumu,

Biyiriki bya Bantumu 14:3

Hango, bo balutisa mwaa-ntaangu yalaka, badzoonsolo mu nsiitu mu Mfumu, wata kimbaangi mu maampu ma bweese bwaandi, na wa baha mpinu mu kuyirika bidiimbu na bimaangu mu myooko mya bo.

Mukaanda kuri bari Loma 12:1

Hango me nyisyaamisa beenu bampaangi, mu kyaari kya Nzaambi, mu kuyekele manyutu meenu bunu kikabu kyamwooyo, kyangisi na kyabweeye kuri Nzaambi. Yiyo ngo nsambukulu yangwanwa kuri beenu.

1 Kol 3:9

Bukuri beetu turi bakwesala kintwaari na Nzaambi. Beenu luri nseke Nzaambi, na luri nzo ya Nzaambi.

2 Kol 10:1

Me Pawulo, nyilusyaamisa me-meene mu bundeembu, na mu mutima-bubwete wa Kiristo. Bakweleele ti, me nyiri na nsoni habaanaa nyiri ha kakati dya beenu, ngo kasi nyakasuka habaanaa nyiri la na beenu;

Mukaanda kuri bari Ngalatya 2:21

Me nyahele kulooso bweese bwa Nzaambi. Mukwongo, mbuti ndulukulu yiri mu ntoono Mangisi, lo Kiristo kwa buunu kari kafwiila.

Mukaanda kuri bari Ngalatya 3:4

Buri momanso ma luri lwayika mamo mabuunu? Heki mbuti ngwanwa ti mabuunu!

1 Tes 3:5

Hango-nkuumbu, me nkoonaa kukiinga, ha nyaheekiri Timoteho mu kwiisa kuyaaba bunu buri kanyi dya beenu, mu kubata kuri ti Musindukiri kakwiisa kulusindukila na kisalu kya beetu kihele kuba kya buunu.

Mukaanda kuri Tito 2:11

Mukwongo, bweese bwa Nzaambi Mubvuukisi, bwamonokono kuri baatu bobanso.

Mukaanda kuri Bahebeleho 12:15

Seenee madyeele, mpisi muutu kahele kubisa bweese bwa Nzaambi, na kuhele kuba mwaansi wankari wumene mu kukotoso kisaangila, na kubiyisa baatu balaka.

Mukaanda kuri Bahebeleho 12:25

Seenee madyeele, mu kuhele kubisa kuyuka wunde wudzoonso. Bukuri mbuti, babo babisiri kuyukula wunde waba balubulaana ha butoto, basii bvuuka mu nseembulu ko, lo beetuneenu se, tubvuuka mu nseembulu ko, mbuti tubisiri kuywiila wunde wudzoonso ku mayulu.

Mukaanda kuri Bahebeleho 4:1

Ngo tuseenee madyeele, lusiilulu lwa kukoto mu mpuumunu yaandi bu lwakiri, muutu mu beenu kahele kumono kuri ti, nde wasaala ku lumperi.

1 Pet 4:10

Mpisi muutu, bunu buri kikabu kikari kataambula, kasalila kyo mu ndaandu ya bobanso, bunu bakebi bababwete ba mabweese ma Nzaambi, ma bitsuumbu-bitsuumbu.