2 Kol 5:15 - Musamu Wamubwete 2013

¹⁵ Nde wafwiila mu bobanso, mpisi heki bamwooyo bahele kubweese kuba bamwooyo mu bo-meene, ngo mu wunde wafwiiri na wafulukiri mu ntoono bo.

2 Kol 5:15 ပူးပေါင်းရင်းမြစ်များ

Musamu wamubwete watina Luka 1:74

mu kutukuula mu myooko mya bataatu, mpisi heki tumusalila kwahele kuba na boomo,

Musamu wamubwete watina Yowane 5:24

«Ngwanwa mu ngwanwa me nyiluleele ti: wunde wuyuka maampu ma me, na wusa kanyi mu wunde wampeeke, lo wuri na kidziingu kyahele manunu. Nde wahele kwiisa ku mutsuundu, ngo wayeki wayisika mu lufwa mu kuluta ku bumwooyo.

Musamu wamubwete watina Yowane 6:57

Bunu buri Taata wampeeke wuri mwooyo, na me nyiri mwooyo mu nde; bunu bubwo se wunde wudya me, sa kaba mwooyo mu me.

Mukaanda kuri bari Loma 12:1

Hango me nyisyaamisa beenu bampaangi, mu kyaari kya Nzaambi, mu kuyekele manyutu meenu bunu kikabu kyamwooyo, kyangisi na kyabweeye kuri Nzaambi. Yiyo ngo nsambukulu yangwanwa kuri beenu.

Mukaanda kuri bari Loma 4:25

Nde bamuyekele mu ntoono masumu meetu, na Nzaambi wamufulukisi mpisi tuba basuunguma.

Mukaanda kuri bari Loma 6:2

Ti bele na dyo pe! Beetuneenu bari twafwa mu masumu, buri tubweese kubeele bamwooyo mu masumu?

Mukaanda kuri bari Loma 6:6

Bu tuyaari kuri ti, muutu weetu wamukulu bayeki bamukomono kintwaari na nde, mpisi heki nyutu ya masumu yiba yatsyaamunu, na tuhele kubweese kuba bankutu ba masumu.

Mukaanda kuri bari Loma 8:10

Mbuti Kiristo wuri mu beenu, lo nyutu yafwa mu ntoono masumu, ngo Mpeeve yiluha bumwooyo, mu ntoono nsungumunu.

Mukaanda kuri bari Loma 8:2

Bukuri, ngisi ya Mpeeve, ya bumwooyo mu Kiristo Yesu, yayeki yakuula me mu ngisi ya masumu na ya lufwa.

Mukaanda kuri bari Loma 8:6

Ndyaatulu ya muswinyi yinataa ku lufwa, ngo kasi ndyaatulu ya Mpeeve yinataa ku bumwooyo na ku kiyeengi.

1 Kol 10:33

ngo beenee bunu me, wuri mu myominso, nyisakaa kubweeye kuri bobanso. Me nyahele kusaka ndaandu ya wunu me-meene kitsu, ngo ndaandu ya balaka, mpisi baba babvuukusu.

2 Kol 12:10

Hango-nkuumbu, me nyimono kiminu mu buyonsi, mu bitari, mu mbamusunu, mu nkwamusunu na kinkuukulu mu ntoono Kiristo; bukuri me mbaanaa nyiri na buyonsi, lo haho ngo ha nyiri na makwa.

2 Kol 3:6

nde watuha makwa mu kuba bisari bya lulelusunu lwamoono, kari mu kisoni ko, ngo Mpeeve, bukuri kisoni kidzusaa, kasi Mpeeve yihaanaa bumwooyo.

2 Kol 5:16

Hango-nkuumbu, kubandika lumalu beetu twahele kuyaaba muutu mu muswinyi; na mbuti twayaaba Kiristo mu muswinyi, lo mu lumalu twahele bweese kumuyaabila bubwo.

Mukaanda kuri bari Ngalatya 5:25

Mbuti turi mwooyo mu Mpeeve, lo tudyaatilee se mu Mpeeve.

Mukaanda kuri bari Efeso 4:17

Mu didyo, me nyileele na nyitswiikisa mu Mfumu ti, yaa lubweese kwedyaatila bunu bangooyi ko bakwedyaatila mu madyeele ma bo-meene mahele mufunu.

Mukaanda kuri bari Efeso 5:14

bukuri momanso ma baanaa mamonokono lo meki buungi. Hango-nkuumbu, kaleele ti: «Siimbika, ye wuri tolo, teleme ha kakati dya bafwa, na Kiristo kasemese buungi bwaandi ha yulu ye.»

Mukaanda kuri bari Kolosayi 2:12

Beenu baludziikiri mu mampeembe kintwaari na nde, mu mbotokulu; mu nde se, beenu bari balufukisa mu kanyi, mu mpinu dza Nzaambi wamufulukisi mu bafwa.

Mukaanda kuri bari Kolosayi 3:1

Mbuti beenu lwafulukusu na Kiristo, lo sakeenu bya ku yulu, kukwo kwadzakala Kiristo ha lubakala lwa Nzaambi.

Mukaanda kuri bari Kolosayi 3:17

Na momanso ma lutsiitsa kuyirika mu nzoonsulu, bunu pe mu biyiriki, yirikilee momanso mu nkuumbu ya Mfumu Yesu, mu mvutukulu matoondo mu nde, kuri Taata Nzaambi.

Mukaanda kuri bari Kolosayi 3:23

Mamo ma lutsiitsa kuyirika, yirikilee mo mu mutima wamutsiina, bunu ti kuri Mfumu, nkani ka kuri baatu ko,

1 Tes 5:10

Nde wafwa mu ntoono beetu, mpisi heki, ti hayuku turi naana ti hayuku twabwa tolo, lo tubeeneenu mwooyo kintwaari na nde.

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

1 Pet 4:6

Mukwongo, mu bubwo, bari bayikisa Musamu Wamubwete kuri bafwa se, mpisi baba batsuundusu mu muswinyi bunu bu tiiriri baatu, na baba mwooyo mu Mpeeve bunu bu tiiriri Nzaambi.

1 Yow 4:9

Bumabu ntiilu ya Nzaambi yiri yayabakana ha kakati dya beetu: nde waheeke Mwaana waandi ndemosi mu nsi, mpisi heki tuba mwooyo mu nde.

Nyabusulu ya Yowane 1:18

wamwooyo, me nyabee nyafwa, ngo mono me nyiri mwooyo mu bibvu ngo bibvu; me nyiri na mafungula ma lufwa na ma lubila.