2 Kol 4:2 - Musamu Wamubwete 2013

² Ngo kasi beetu twabisa mansweeki mansoni, tukwedyaatila kwahele mawunu, na twahele kwekitula maampu ma Nzaambi, ngo mu nsoongulu ngwanwa, beetu turi mu kwesaka kuri ti baatu batufyongokono, ha busu bwa Nzaambi.

2 Kol 4:2 ပူးပေါင်းရင်းမြစ်များ

Mukaanda kuri bari Loma 1:16

Mukwongo, me nyahele na nsoni mu Musamu Wamubwete, bukuri nde ngo mpinu dza Nzaambi, mu mvuukulu ya mpisi wunde wusiila kanyi, ha tete kuri Bayudayo tumi kuri Bahelene.

Mukaanda kuri bari Loma 6:21

Ngo nkya bimbutu luri na byo? Mu lumalu beenu lweki na nsoni mu byo, bukuri manunu ya byo lufwa.

1 Kol 4:5

Hango, yaa lutsuundisa muutu ko, tekesele ntaangu yitubuka, natee Mfumu wiisiri. Nde mbasi-tsuku wuyaabisa mansweeki mari ku mampimbisi, na kusoongo bitsimi bya mitima. Haho, mpisi muutu kataambula masiiku kuri Nzaambi.

2 Kol 1:12

Mukwongo, kimweese kyeetu ngo kimbaangi kya nsimunu yeetu, beetu twadyaatiri ha nsi, na ha busu bwa beenu, mu nkulukulu na mu nsyemukunu ya Nzaambi, kari mu madyeele ma kimuutu ko, ngo mu bweese bwa Nzaambi.

2 Kol 11:3

Ngo bunu bwaba wuna nyoko Eva mu lupyelu lwaandi, me nyibata ti bitsimi bibiya na biba la na nkulukulu na nsyemukunu ha busu bwa Kiristo.

2 Kol 11:6

Mbuti mu mya kudzoonso me nyahele na lungweensu, ngo kari mu mya nyaabulu ko; mimyo beetu twasoongo mu mpisi mpwaani, na mu biteesu byobinso kuri beenu.

2 Kol 2:17

Mukwongo, beetu turi bunu bakaka bakweyarika maampu ma Nzaambi ko; ngo kasi mu ngwanwa, mu nkuumbu ya Nzaambi na ha busu bwaandi, beetu turi mu kwedzoonsolo mu Kiristo.

2 Kol 5:11

Ngo bu tuyaari buri kibvumi kya mfumu, beetu tusakaana kuri ti baatu babakula dyo. Nzaambi wutuyaari nkati kwafwaana; na me nsimini ti mu mitima myeenu beenu se luyaari kwafwaana.

2 Kol 6:8

mu nkeembu na mu nsaanunu, mu mvuumfu yayibi na yayibwe, bunu bangaa-mpya koomosoko turi bangaa-ngwanwa,

2 Kol 7:14

Ngo mbuti ha busu bwa nde, me nyasoongiri kimweese mu ntoono beenu, lo me nyasii mono nsoni mu mimyo ko, ngo kasi bunu buri ngwanwa yoyinso yi turi twaleele kuri beenu, bunubwo se kimweese ki twasoongiri kuri Tito mu ntoono beenu, kiri kyangwanwa.

Mukaanda kuri bari Efeso 4:14

Haho lo tubweese kuba baala, banyingusu na bakweyende mu mpisi kiteembu kya nyikusulu dza kimpa kya baatu, mu lupyelu lwa bo ko, na mu mawunu na lumvuki lwa bo.

Mukaanda kuri bari Efeso 5:12

Mukwongo, diri dyansoni mu kudzoonsolo ma bari mu kweyirika bo mu nsweeki.