2 Kol 4:17 - Musamu Wamubwete 2013

¹⁷ Mukwongo, mpasi dzeetu dzaleenge mu ntaangu yi, dziri mu kubuta kilemu kya nkeembu ha yulu nkeembu, yahele manunu kuri beetu.

2 Kol 4:17 ပူးပေါင်းရင်းမြစ်များ

Musamu wamubwete watina Matayi 5:12

Monee kiminu na keembeenu kweenu, bukuri museendu weenu wuri wamunene mu mayulu; mukwongo, bunubwo se bakwaamisini babikiri batekisiri na beenu.»

Musamu wamubwete watina Luka 6:23

Monee kiminu mu kiluumbu kikyo, na dyeenee nkaaka, bukuri museendu weenu wamunene ku yulu. Bunubwo se bataayi ba beenu, baba yirikaana kuri babikiri.»

Biyiriki bya Bantumu 20:23

Mpeeve Yangisi yiri mu kunswiikisila ti, mu bvula ngo bvula bikonyi na mpasi biri mu kunkiingila.

Mukaanda kuri bari Loma 2:7

Sa kaha kidziingu kyahele manunu kuri babamosi, bakwesaka mu kifiki kunsa kisalu kyaandi, nkeembu, lukiinsu na kiteesu kyahele mbolulu.

Mukaanda kuri bari Loma 8:18

Me nyitsima ti, mpasi dza lumalu dzahele kuyelemene, na nkeembu mbasi-tsuku wuba wayabakana kuri beetu.

Mukaanda kuri bari Loma 8:34

Na wubakesele mukanu? Kiristo Yesu wafwiiri, ha yulu haho se wafulukiri, wuri ha lubakala lwa Nzaambi, na wuri mu kutunwaanikinaa mu lusaambulu.

Mukaanda kuri bari Loma 8:37

Kasi mu momanso mamo, beetu tubvuriri kuba baluuluka mu wunde watutya.

1 Kol 2:9

Kasi, bunu bu diri dyatinu ti: «Mimyo miri miisu mya hele kumono, makutu ma hele kuyuka na miri muutu wahele kutsima mu mutima, Nzaambi wayirikisa myo mu ntoono babo bamutiiri.»

2 Kol 3:18

Beetu-banso bari busu bwahele kufuka nsaanda, nkeembu ya Mfumu yiri mu kuseme mu beetu, bunu ti mu lumweenye, mu kifwaani kikyo turi twakituka mu nkeembu na nkeembu, mu Mfumu wuri Mpeeve.

Mukaanda kuri bari Filipo 1:19

bukuri me nyaari ti mimyo sa myatwaala mvuukulu kuri me, mu ntoono lusaambulu lwa beenu na lubakusu lwa Mpeeve ya Yesu Kiristo.

2 Tes 1:4

Hango-nkuumbu, beetu turi na kimweese mu beenu ha kakati dya mabuundu ma Nzaambi, mu ntoono kifiki kyeenu na kanyi dyeenu, kunsa nkwamusunu dzeenu dzodzinso, na manyoongi ma luri mu kwekuunda.

2 Tes 1:6

Mukwongo, diri dyasuunguma ti Nzaambi kabvutula manyoongi kuri babo bakwelusoongo manyoongi;

2 Tim 2:10

Hango-nkuumbu, me nyiri mu kwekiindisa mutima mu myominso, mu ntoono basoolu, mpisi heki bo se babaka mvuukulu yiri mu Kiristo Yesu, na nkeembu ya mantaangu momanso.

Mukaanda wa Yakobo 1:12

Muutu wukuunda nsindukulu wuri mu lwambwe, bukuri bu bameeni kumutsiitsa, nde sa kataambula lukoongolo lwa bumwooyo lwataambukila Nzaambi kuri bamutyaanaa.

1 Pet 4:7

Nsukulu bitotolo byobinso yeki bele. Ngo dyaatileenu mu madyeele, na beenee na ndiilu na nwiinu byayelemene, mu ntoono lusaambulu.

1 Pet 5:10

Nzaambi ya mabweese momanso, waluteele mbila mu kukoto mu nkeembu yaandi yahele manunu mu Kiristo Yesu, bu lumwiini mpasi mu mwaa-ntaangu, sa kabweese kalutelemese nde-meene, sa kalukumisa, sa kaluha makwa na sa kalusa na keketee.

1 Yow 3:2

Banduku ba mutima, mu lumalu turi baala ba Nzaambi, na bubwo mbasi-tsuku bu tubeenee bwakiri kumonokono pe. Tuyaari kuri ti: mbuti nde monokini, lo beetu sa twafwanikina na nde, bukuri sa twamumono bunu bu kari.

Mukaanda Yuda 1:24

Kuri wunde wakuka mu kulukebe kwahele kubumuna makya, na kulutelemese ha busu bwa nkeembu yaandi, kwahele maseembu, kunsa nyeense,