2 Kol 2:7 - Musamu Wamubwete 2013

⁷ Beenu ngo bari, siilee wa bubwo mpemisi, na muboondeenu mpisi kahele kudyaama kunsa ngebe dzibvuriri bunene.

2 Kol 2:7 ပူးပေါင်းရင်းမြစ်များ

1 Kol 15:54

Mbasi-tsuku nyutu yibolaa yimayi, yilwaataana kiteesu kyahele mbolulu, na nyutu yifwanaana yimayi, yilwaataana kiteesu kyahele mfwiilu, haho ngo hayirima maampu matina ti: «Lufwa balumingutini kunsa ndulukulu!»

2 Kol 2:8

Hango-nkuumbu, me nyilusyaamisa mu kusoongo kimbaangi kya ntiilu yeenu mu nde.

2 Kol 5:4

Mukwongo, bu turi munsa musaampu wumawu, tukwekuuma kunsa kilemu, bukuri twahele kutya kusyonono kinkuta, ngo tutiiri kulwaata kikimi ha yulu, mpisi heki bikoofwa biba byadyaama kunsa bumwooyo.

2 Kol 7:10

Bukuri ngebe dza ntiilu ya Nzaambi, dzibutaa nyiingulu madyeele, mu kubaka mvuukulu kwahele kunyoongo; ngo kasi ngebe dza nsi dzibutaa lufwa.

Mukaanda kuri bari Efeso 4:32

Beeneenu na mbweeyulu-mutima mu beenu na beenu, bangaa-bundeembu, kwehemesene beenu na beenu, bunu bwa luhemesene Nzaambi mu Kiristo.

Mukaanda kuri bari Filipo 2:27

Mukwongo, nde wabee wabeele, na ha ntele hasiiri nkani wafwiiri, ngo kasi Nzaambi wamubakiri ngebe, kari wunu nde ko, ngo na me se, mpisi heki me mpele kuba na kyaari ha yulu kyaari.

Mukaanda kuri bari Kolosayi 3:13

Yendeenu lwekuunda bambaasi beenu na beenu, na kwehemesene beenu na beenu. Mbuti mosi mu beenu wuri na mwaa munyoongi mu mbaasi, lo bunu bwaluhemesene Mfumu, beenu se seenee bubwo.

1 Tes 4:13

Bampaangi, beetu tutii ko ti beenu luba kunsa lubu, mu mitariri babo ba mwaafwa, mpisi luhele kwenyoongo bunu bakaka bahele na nsiitu.

2 Tes 3:6

Bampaangi, beetu tululoombiri mu nkuumbu ya Mfumu yeetu Yesu Kiristo, mu kutatuku la na mpisi mpaangi yi kwedyaatila kunsa kisaangila, kwahele kuyelemene na kikulu ki lwataambula kuri beetu.