2 Kol 13:9 - Musamu Wamubwete 2013

⁹ Mukwongo, beetu tumonaa kiminu mpisi ntaangu yiri, beetu turi na buyonsi kasi beenu luri na makwa; mi turi mu kusambikilaa beetu miri ti beenu lubaanguka.

2 Kol 13:9 ပူးပေါင်းရင်းမြစ်များ

Mukaanda kuri bari Loma 15:2

Mpisi muutu mu beetuneenu kayirika ma kiminu kuri mbaasi yaandi, mu ntoono mamabwe mu ntuungulu.

1 Kol 1:10

Bampaangi, me nyiluyingukila mu nkuumbu ya Mfumu yeetu Yesu Kiristo, yukusuneenu beenu na beenu, na yaa kuba nkabunu ha kakati dya beenu ko; beenee kintwaari mu mpeeve mosi na mu kitsimi kimosi.

1 Kol 2:3

Na ha busu bwa beenu, me nyaba na buyonsi, na boomo, na mantekete.

1 Kol 4:10

Beetu turi bilawuku mu ntoono Kiristo, kasi beenu luri bangaa-madyeele mu Kiristo; beetu turi na buyonsi, kasi beenu luri na makwa; beenu luri bakeembusu kasi beetu turi banyaafunu.

2 Kol 11:30

Ngo mbuti mu kusa kimweese, lo me nsiiri kimweese mu misamu mitariri buyonsi bwaami.

2 Kol 13:11

Mu misiiri ngo miri, bampaangi, monee kiminu, sakeenu kuba babaanguka, syamisinee beenu na beenu, beenee kitsimi kimosi, beenee na kiyeengi, na Nzaambi ya ntiilu na ya kiyeengi sa kaba na beenu.

2 Kol 13:4

Mukwongo, nde bamukomini ha kuruwa mu ntoono buyonsi, ngo kasi wuri mwooyo mu mpinu dza Nzaambi. Na beetu se turi na buyonsi mu nde, ngo kasi sa twaba mwooyo mu mpinu dza Nzaambi kuri beenu.

2 Kol 4:12

Mu didyo lufwa luri mu kusala mu beetu, ngo bumwooyo buri mu kusala mu beenu.

2 Kol 7:1

Ngo banduku ba mutima, bukuri turi na nsiilulu dza bubwo, tutsyeemekeenu mu mamviindu momanso ma muswinyi na ma kiluunsi, na tukukiseenu bungisi kunsa kibvumi kya Nzaambi.

Mukaanda kuri bari Kolosayi 1:28

Nde beetu turi mu kweyaabisa, mu kulubula mpisi muutu, na kuyikisa mpisi muutu, mu madyeele momanso, mpisi muutu kaba nyirimunu yakuka mu Kiristo.

Mukaanda kuri bari Kolosayi 4:12

Epafara, wa beenu-meene wuluheekiri mboto. Nde nkutu Kiristo Yesu, wukwelunwanikina mpisi ntaangu mu nsaambulu, mpisi heki beenu luteleme nangwii, luba bakuka mu kuyirika momanso matiiri Nzaambi.

1 Tes 3:10

Butsuku na mwiini, beetu turi mu kwesaambilaana kwalaka mpisi tubweese kulumono na kukukisila mari mu kuhele mu kanyi dyeenu.

2 Tim 3:17

mpisi heki muutu Nzaambi kaba wayirima, na kabaka biri mufunu mu nyirikulu momanso mamabwete.

Mukaanda kuri Bahebeleho 12:23

bebele na dibuundu dya babutuka batete, batinuma ku mayulu, na Nzaambi mutsuundisi wa bobanso, na biluunsi bya basuunguma batubuka ku nyirimunu,

Mukaanda kuri Bahebeleho 13:21

kaluha makwa ma kuyirika myominso myamibwete, mu kukukisa kutya kwaandi, kayirika mu beetu mamo mamabwete, ha busu bwa Yesu Kiristo, kuri nde kuba nkeembu mu bibvu ngo bibvu. Amene!

Mukaanda kuri Bahebeleho 6:1

Hango-nkuumbu, yaa tubeenee munu mu nyikusulu dzatete dza mu Kiristo ko, ngo tusakeenu nyikusulu dza baatu babuuka. Yaa tutuungee lufulu lukimi ko, mu kubweese kuyiinga madyeele, mu kusiisa biyiriki byafwa, na mu kusa kanyi mu Nzaambi;

1 Pet 5:10

Nzaambi ya mabweese momanso, waluteele mbila mu kukoto mu nkeembu yaandi yahele manunu mu Kiristo Yesu, bu lumwiini mpasi mu mwaa-ntaangu, sa kabweese kalutelemese nde-meene, sa kalukumisa, sa kaluha makwa na sa kalusa na keketee.