2 Kol 13:5 - Musamu Wamubwete 2013

⁵ Fyongokinee mitima myeenu beenu-meene, mu kumono kari luri mu kanyi, tswiikiseenu mitima myeenu; hoti lwahele kubakula beenu-meene, ti Yesu Kiristo wuri mu beenu? Mbuti pele, lo beenu lwahele kuba batswiikama.

2 Kol 13:5 ပူးပေါင်းရင်းမြစ်များ

Musamu wamubwete watina Yowane 14:23

Yesu wabvutula, waleele kuri nde ti: «Mbuti muutu tiiri me, lo sa kakebe Maampu maami; na Taayi dyaami sa kamutya, na kuri nde sa tweende, na beetu sa twadzakala kuri nde.

Musamu wamubwete watina Yowane 15:4

Namitinee kuba mu me, na me mu beenu. Bunu buri kimpaala, lo kyahele kubangusina kubuta bimbutu mu kyomeene, mbuti kyahele namitina kuba mu mudzi bviinya; bwobumosi kuri beenu, luri natina bimbutu ko, mbuti lwahele kusa kikuundi mu me.

Musamu wamubwete watina Yowane 17:23

me mu bo, ye mu me, mpisi heki bo baba mosi mu kiteesu kyakuka, kuri heki nsi yiyaaba ti ye wampeeke, na ye wabatya bunu bu wuri watiila me.

Musamu wamubwete watina Yowane 17:26

Me nyabayaabisa nkuumbu yaaku, na me sa mbweese kubayaabisa, mpisi heki ntiilu yi wuri watiila me, yiba mu bo, na me se mu bo.»

Musamu wamubwete watina Yowane 6:56

Wunde wudya muswinyi waami, na wunwa makila maami, wasa kikuundi mu me, na me mu nde.

Musamu wamubwete watina Yowane 6:6

Nde waleele mamo mu kumutsiitsa; mukwongo nde-meene waba yaari ma kaba katsima kuyirika.

Mukaanda kuri bari Loma 1:28

Ngo bukuri bahele na musoongo wa kuyaaba Nzaambi mu ngwanwa, Nzaambi wabayekele kunsa madyeele maaku mamabi, mu kweyirika mahele kuyelemene.

Mukaanda kuri bari Loma 8:10

Mbuti Kiristo wuri mu beenu, lo nyutu yafwa mu ntoono masumu, ngo Mpeeve yiluha bumwooyo, mu ntoono nsungumunu.

1 Kol 11:28

Ngo mpisi muutu, kafyongokono mu mutima waandi, tumi kadya mpa yi, na kanwa mbasa yi,

1 Kol 11:31

Mbuti tufyongokini mitima myeetu, lo tuba batsuundusu ko.

1 Kol 3:16

Buri beenu lwahele kuyaaba ti beenu luri nzo-Nzaambi, na ti Mpeeve Nzaambi yadzakala mu beenu?

1 Kol 6:15

Buri beenu lwahele kuyaaba ti, manyutu ma beenu ngo binamu bya Kiristo? Buri me lo mporiri binamu bya Kiristo mu kubikitula binamu bya mukyeetu wa kiyala? Ti bele na dyo pe!

1 Kol 6:19

Buri beenu lwahele kuyaaba ti, nyutu beenu, ngo Nzo-nzaambi Mpeeve Yangisi, yiri mu beenu, yi luri lwataambula kuri Nzaambi, na lwahele kubweese kuba ba beenu-meene?

1 Kol 6:2

Buri beenu lwahele kuyaaba ti bangisi sa batsuundisa nsi? Ngo mbuti beenu lutsuundisa nsi, lo buri beenu lwahele kuyelemene mu kulalama misamu mya ntele?

1 Kol 9:24

Buri beenu lwahele kuyaaba ti badzumuni ba ntiinu, bobanso bakoodzumunaa ntiinu kunsa mbasi, ngo kasi muutu mosi kitsu wubaka kimbwanga? Beenu se dzumukineenu bubwo, mpisi lubaka kimbwanga.

1 Kol 9:27

ngo me nyiri mu kwebamisa nyutu me-meene, na nyayidzitikila misiinga, mpisi heki me-meene mpele kuba ha luteke, ha mambisa ma kuyikisa bakaka.

2 Kol 6:16

Nkya nyukusunu yiri ha kakati dya Nzo ya Nzaambi na biteki? Bukuri beetuneenu turi Nzo ya Nzaambi yamwooyo, bunu bwaleele Nzaambi ti: «Me sa nzakala ha kakati dya bo, na me sa nyeyende na bo, Me sa mba Nzaambi bo, na bo sa baba baatu baami.»

Mukaanda kuri bari Ngalatya 2:20

Me nyiri mwooyo, ngo kari me ko, kasi Kiristo wuri mwooyo mu me. Mi nyikwemono me lumalu, mu kidziingu kya me mu muswinyi, me nyikwenata myo mu kanyi di nyiri na dyo mu Mwaana Nzaambi, wantya na wayekiri nyutu yaandi mu ntoono me.

Mukaanda kuri bari Ngalatya 4:19

Baala baami, me nyiri mu kubweese kumono misoongo mya mbutulu, natee kuyirima Kiristo munsa beenu.

Mukaanda kuri bari Ngalatya 6:4

Hemese mpisi muutu kayirika kutala kisalu kyaandi, tumi yiyo yiba ntoono ya kimweese mu nde-meene, nkani ka mu mukimi ko.

Mukaanda kuri bari Efeso 3:17

Nde kadzakisa Kiristo kunsa mitima myeenu mu kanyi, na luba lwamene myaansi na lwatuunguma kunsa ntiilu,

Mukaanda kuri bari Kolosayi 1:23

Ngo luyelemini kunamitina kuba batuunguma, na kuba na keketee mu kanyi, kwahele kusasika mu nsiitu ya Musamu Wamubwete wu luri lwayuka, wu bari bayaabisa kuri biyiriki byobinso ha butoto, na wu nyayeki me Pawulo kisari.

Mukaanda kuri bari Kolosayi 1:27

Kuri bo, Nzaambi katiiri kuyaabisa, ha kakati dya makaanda, bunu buri busina bwa nkeembu ya mpaanu yimayi. Mpaanu yiyo ngo Kiristo mu beenu, nsiitu ya nkeembu.

Mukaanda kuri bari Kolosayi 2:19

Bo bahele kukaangama na mutu, bwakaangama nyutu yoyinso, mu biyikulu na misiinga mya nyutu, kuri nyutu yikwebuuka mu mbuukulu yifumunaa kuri Nzaambi.

Mukaanda kuri bari Kolosayi 2:7

bu lwayeki lwamene myaansi, lwatuungu mu nde, na lwasyaamusu mu kanyi, bunu bu bari baluyikisa, bvutuleenu matoondo ha yulu matoondo.

1 Tim 2:15

Ngo nde sa kaba wabvuuka mu ntoono mbutulu, mbuti namitini kuba mu kanyi, mu ntiilu, na mu bungisi, kunsa nkulukulu.

2 Tim 3:8

Bunu Yanese bo na Yamberese babanwaanisa Moose, bunubwo se baatu bamaba bakwenwaanisa ngwanwa, madyeele ma bo mabiiya, na bo babwa mu mitariri kanyi.

Mukaanda kuri Tito 1:13

Kimbaangi kimaki kiri kyangwanwa. Mu dyaambu didyo, ye yelemini kubaseembe mu makwa, mpisi baba bakuma mu kanyi,

Mukaanda kuri Tito 1:16

Bo bakweleele ti bayaari Nzaambi, ngo mu biyiriki bo bakwemutuna. Bo bayeki nkeensu na bangaa-tungu, bakoono kuyirika ntoono ti yimosi yayibwete.

Mukaanda kuri Tito 2:2

Babakala ba binuni baba na ndiilu na nwiinu byayelemene, baba bakiinsuma, basoongolo, bakuma mu kanyi, mu ntiilu, na mu kifiki.

Mukaanda kuri Bahebeleho 12:15

Seenee madyeele, mpisi muutu kahele kubisa bweese bwa Nzaambi, na kuhele kuba mwaansi wankari wumene mu kukotoso kisaangila, na kubiyisa baatu balaka.

Mukaanda kuri Bahebeleho 4:1

Ngo tuseenee madyeele, lusiilulu lwa kukoto mu mpuumunu yaandi bu lwakiri, muutu mu beenu kahele kumono kuri ti, nde wasaala ku lumperi.

Mukaanda kuri Bahebeleho 6:8

Ngo mbuti bwo kubuta mpaanga na minkangi, lo bwahele na mufunu, na hasii hantele lo buri kunsa mpopi, na manunu kubuyoko mbaawu.

Mukaanda wa Yakobo 4:4

Bangaa-kimpala! Buri beenu lwahele kuyaaba ti kinduku na nsi ngo kitaatu na Nzaambi? Mpisi wunde wutiiri kuba nduku nsi, lo kitukiri mutaatu Nzaambi.

1 Pet 5:9

Mutungukileenu na keketee mu kanyi, bu luyaari kuri ti bampaangi beenu se, bari mu kwekuunda mpasi dzodzimosi ha nsi.

Nyabusulu ya Yowane 2:5

Hango, baambuka mwooyo mu ha wuri wabwiilila, yiinga dyeele na bvutukila biyiriki byaaku byatete; mbuti ka bubwo ko, lo me sa nyiisa kuri ye, na sa nyiinga kibeendu kya kitetukulu kya mwiinda waaku, mbuti ye wahele kuyiinga dyeele.