2 Kol 12:9 - Musamu Wamubwete 2013

⁹ Ngo nde wandeele ti: «Bweese bwa me bwakuka mu ye, bukuri mpinu dzaami dzimonokinaa kunsa buyonsi.» Ngo me mvuriri kutya kusa kimweese mu buyonsi bwaami, mpisi heki mpinu dza Kiristo dzidzakala mu me.

2 Kol 12:9 ပူးပေါင်းရင်းမြစ်များ

Musamu wamubwete watina Matayi 28:18

Yesu bu kokosolo, waleele kuri bo ti: «Lutumu lwolunso baheeri kuri me, ku mayulu na ha butoto.

Musamu wamubwete watina Matayi 28:20

mu kubayikisa kukebe momanso ma nyabee lutumana. Na mono, me nyiri kintwaari na beenu, mu biluumbu byobinso, natee ku manunu ntaangu.»

Musamu wamubwete watina Luka 21:15

bukuri me-meene, sa nyaluha mi ludzoonso na madyeele, kuri lo bataatu ba beenu, babangusina kulutungukila ko, na kuhaakula mi luleele ko.

1 Kol 10:13

Nsindukulu dzi lubwanikina na dzo, dzahele kuba dzaluta kiteesu, ngo dzayelemene mu baatu. Nzaambi wakwiikama, nde kaha miswa ko ti beenu luba lwasindukulu mu kiteesu kibvuriri makwa na beenu, ngo kunsa nsindukulu, nde sa kuluha mpwaani ya kupalila, kuri lubangisina kukuunda.

1 Kol 15:10

Mu bweese bwa Nzaambi, me nyiri bu nyiri, na bweese bwaandi ku nyiri me, bwasii ba bwabuunu ko, kasi me nyabvula kusala na bobanso, ngo kari me ko, kasi bweese bwa Nzaambi buri mu me.

1 Kol 2:3

Na ha busu bwa beenu, me nyaba na buyonsi, na boomo, na mantekete.

1 Kol 2:5

mpisi heki kanyi dya beenu di hele kuba kunsa madyeele ma baatu, ngo diba kunsa mpinu dza Nzaambi.

2 Kol 11:30

Ngo mbuti mu kusa kimweese, lo me nsiiri kimweese mu misamu mitariri buyonsi bwaami.

2 Kol 12:1

Buri me nsa kimweese? Kwahele mufunu! Ngo me nzoonsulu mu mitariri mamono-miisu, na manyabusulu ma Mfumu.

2 Kol 12:10

Hango-nkuumbu, me nyimono kiminu mu buyonsi, mu bitari, mu mbamusunu, mu nkwamusunu na kinkuukulu mu ntoono Kiristo; bukuri me mbaanaa nyiri na buyonsi, lo haho ngo ha nyiri na makwa.

2 Kol 12:15

Me ngo wuri, nyiri na kutya mu kuha bi nyiri na byo, na sa nyaha kidziingu kyaami mu ntoono miheebulu mya beenu. Habaanaa me nyiri na ntiilu yalaka mu beenu, buri lo beenu ntiilu yantele luba na yo mu me?

2 Kol 12:5

Mu muutu wa bubwo, lo me nsiiri kimweese, ngo mu me-meene me nyahele kusa kimweese mbuti ka mu buyonsi bwaami ko.

Mukaanda kuri bari Efeso 3:16

Nde, mu Mpeeve yaandi, kaluha makwa mu muutu wa kunsa-kati, bunu buri busina bwa nkeembu yaandi mu mpinu.

Mukaanda kuri bari Filipo 4:13

Me lo nyakuka mu myominso, mu wunde wumpaana makwa.

Mukaanda kuri bari Kolosayi 1:11

Mu bubwo beenu luba na mpinu mu myominso bunu buri makwa ma nkeembu yaandi, mu kuba na kifiki na kukiindisa mutima mu myominso. Mu kiminu,

1 Tim 1:14

Ngo bweese bwa Mfumu yeetu bwabuukila, ha kimosi na kanyi na ntiilu yiri mu Kiristo Yesu.

Mukaanda kuri Bahebeleho 11:34

badzimisa mambaawu mamakwa, babvuuka mu lufwa lwa mu saabala, babweese kubaka makwa ha mambisa ma buyonsi, basoongo bunkanyi mu mudziingu, bayitikisa mikaangu mya bayongolo mya banzeense.

Mukaanda kuri Bahebeleho 4:16

Hango, tukokosoleenu na nsiitu yoyinso ha teke mboloko ya bweese, mpisi tutaambulee ngebe, na bweese mu kubaka lubakusu mu ntaangu yayelemene.