2 Kol 12:21 - Musamu Wamubwete 2013

²¹ Me nyibata kuri ti, ha nyibweese kwiisa, Nzaambi kankulula ha busu bwa beenu, na me nkoto bufwiiri, mu ntoono balaka bayirikiri masumu mu ntaangu yayikulu, na bahele kuyiinga madyeele mu kuhoto kuyirika, mya nsumukunu, mya kimpala na mya buyala.

2 Kol 12:21 ပူးပေါင်းရင်းမြစ်များ

Mukaanda kuri bari Loma 13:13

Twedyaatileenu bunu buyelemini mu mwiini-ngeembe: kwahele ndiilu ya mawaamba, nkolulu malu, kimpala, buyala, mayumu na musoki,

Mukaanda kuri bari Loma 9:2

ti me nyiri na ngebe dzalaka, na nyiri mu kwebama kunsa mutima waami mpisi ntaangu.

1 Kol 5:1

Bari mu kweleele ti, ha kakati dya beenu kuri buyala; buyala buri, ti ha kakati dya bangooyi kwahele mya bubwo; kuri lo muutu wakitula mukasi taayi weki mukasi nde.

2 Kol 10:6

na tuba twayirima mu kuseembe babo bahele kutumuma, mu ntaangu yiri beenu-banso lumwaamana kutumuma.

2 Kol 12:7

Mu ntoono manyabusulu mankimukunu. Hango-nkuumbu, mu kuri ti me mpele kuba na masiiku, me bankotoso lunseende mu nyutu, mbasi ya Satana yikwendata, mpisi heki me mpele kuba na masiiku.

2 Kol 13:2

Me nyaleeriri ha busu bwa beenu, mu luyisu lwadzoolo, na lumalu se nyibweese kuleele kuri nyahele ha busu bwa beenu, kuri bayirikiri masumu mu ntaangu yaluta, na kuri bobanso bakaka ti, mbuti me bweesiri kwiisa lukimi lo nyiluhemese ko,

2 Kol 8:24

Yirikee kusoongo, ha busu bwa mabuundu, kidiimbu kya ntiilu yeenu, na kimweese kyeetu mu beenu kuri bo.

Mukaanda kuri bari Ngalatya 5:19

Biyiriki bya muswinyi byayabakana, ngo bi: kimpala, nsumukunu, buyala,

Mukaanda kuri bari Kolosayi 3:5

Ngo hoteenu kusalila bifu bya nsi: buyala, nsumukunu, mantiilu mamabi, nyiimunu dzadzibi, na ntiki-mboongo yiri nsambukulu-biteki.

Mukaanda kuri Bahebeleho 13:4

Hemese makweele maba makiinsa kuri bobanso, na mbuka ya makweele yaa yiba yasumunu ko, bukuri Nzaambi sa katsuundisa biyala na bangaa-kimpala.

2 Pet 2:18

Mukwongo, bakwedzoonso misamu myaminene myahele mufunu, bari mu kwekoondo mu nyiimunu dza muswinyi, mu buyala, babo babvuukila ha wuri dya mukuungi dya baatu bawumuka.

Mukaanda Yuda 1:23

hakaka, bvuukisee babamosi mu kubapalisa kunsa mbaawu, bakilee se bakaka ngebe mu boomo, mu kubele se na kinkuta kyasumunu kuri muswinyi.

Mukaanda Yuda 1:7

Bunu buri Sodoma na Ngomora na mabvula ma badyengekele, masariri buyala bunu bo, mu kiteesu kyokimosi, na banemi bari na manyutu ma kinzeri kikimi, bo bari mu kifwaani kya baatu babwiilikila maseembu ma mbaawu ya mantaangu momanso.

Nyabusulu ya Yowane 21:8

Nkani kuri babo bari na boomo, bahele kukwiikama, bangaa-bubi, badzusi, biyala, bangaa-makundu, misaambiri mya biteki, na bobanso bangaa-mpya, saala dya bo ngo dyaanga dya mbaawu ya mile, lulwo ngo lufwa lwadzoolo.»

Nyabusulu ya Yowane 22:15

Bambwa, bangaa-makundu, biyala, badzusi, misaambiri mya biteki, na mpisi wunde wutyaanaa mpya, na wusalilaa mpya, ku mbasi baba.

Nyabusulu ya Yowane 22:20

Wunde wuri mu kuta kimbaangi mu mimyo, wuleele ti: «Heehe, mwaa-ntaangu yantele yisiiri, me nyiisiri!» Amene! Mfumu Yesu, wasa!