2 Kol 12:15 - Musamu Wamubwete 2013

¹⁵ Me ngo wuri, nyiri na kutya mu kuha bi nyiri na byo, na sa nyaha kidziingu kyaami mu ntoono miheebulu mya beenu. Habaanaa me nyiri na ntiilu yalaka mu beenu, buri lo beenu ntiilu yantele luba na yo mu me?

2 Kol 12:15 ပူးပေါင်းရင်းမြစ်များ

Mukaanda kuri bari Loma 9:3

Me nyitiisila mu me-meene, kuba kunsa mpopi, na kuba la na Kiristo, mu ntoono bampaangi baami, bampaangi baami ba mu kaanda dya muswinyi,

2 Kol 1:14

bunu bu lumwaabakula kwa ndaambu, ti beetu turi kimweese kya beenu, bunu bu luba beenu se kuri beetu, mu kiluumbu kya Mfumu yeetu Yesu.

2 Kol 1:6

Ngo mbuti beetu turi mu mpasi, lo mu kuri ti beenu lubaka mboondulu na mvuukulu; mbuti turi na mboondulu, lo mu kuri ti beenu lubaka mboondulu, yiluha makwa ma kukuunda mpasi dzodzimosi, dzi turi mu kumono beetu se.

2 Kol 11:11

Bukuri nki? Mu kuri ti me nyahele ku lutya? Nzaambi yaari.

2 Kol 12:14

Yimayi ngo mbala yatatu, me mwaayirima mu kwiisa kuri beenu, ngo nyahele kwiisa kuludiila manene; bukuri me bi nyiri na nzala byo kari bitotolo bya beenu ko, ngo beenu-meene. Mukwongo, kari baala bayelemini kuwungukila babuti bitotolo ko, ngo babuti bayelemini kuwungukila baala bitotolo.

2 Kol 12:9

Ngo nde wandeele ti: «Bweese bwa me bwakuka mu ye, bukuri mpinu dzaami dzimonokinaa kunsa buyonsi.» Ngo me mvuriri kutya kusa kimweese mu buyonsi bwaami, mpisi heki mpinu dza Kiristo dzidzakala mu me.

2 Kol 2:3

Me nyatinini mimyo, mu kubata kuri ti babo baketi kuha me kiminu, bankotoso mu ngebe mu ntaangu yi nyikwiisa. Me nyirikiri kuyaaba ti, kiminu kya me, kya beenu-banso se.

2 Kol 4:12

Mu didyo lufwa luri mu kusala mu beetu, ngo bumwooyo buri mu kusala mu beenu.

2 Kol 7:2

Taambulee beetu mu mitima myeenu; beetu twasii yirikila muutu mamabi ko, twasii maana kuholo bya muutu ko, na twasii diila muutu manene ko.

2 Kol 7:3

Me nyahele kuleele bubwo mu kulukesele mukanu; bukuri me nyatekisiri kuleele ti, beenu luri mu mitima myeetu, ti mu lufwa ti mu bumwooyo.

Mukaanda kuri bari Ngalatya 4:10

Beenu luri mu kwebvumina biluumbu, mangoondo, mantaangu na mamvula.

Mukaanda kuri bari Filipo 2:17

Ngo ti hayuku makila ma me bamayitiri ha yulu kikabu kya kuha kuri Nzaambi, mu kisalu kya kanyi dya beenu, lo me nyimono kiminu, nyimono kiminu ha kimosi na beenu-banso.

Mukaanda kuri bari Kolosayi 1:24

Mu lumalu, me nyimono kiminu, kunsa mpasi mu ntoono beenu, na me nyiri mu kukukisa mpasi dza mbamunu Kiristo, mu muswinyi waami, mu ntoono nyutu yaandi, ngo dibuundu.

1 Tes 2:8

Mu musoongo wu turi na nde mu beenu, beetu turi na kiminu mu kuluha, kari wunu Musamu Wamubwete wa Nzaambi ko, ngo na kidziingu kya beetu-meene se, bukuri beenu luri bampaangi ba mutima.

2 Tim 2:10

Hango-nkuumbu, me nyiri mu kwekiindisa mutima mu myominso, mu ntoono basoolu, mpisi heki bo se babaka mvuukulu yiri mu Kiristo Yesu, na nkeembu ya mantaangu momanso.

Mukaanda kuri Bahebeleho 13:17

Beenee na bintambukulu kuri babo bakwelutwaalisa, na beenee batumuma kuri bo. Mukwongo, bo bakwekebe miheebulu mya beenu, bukuri bo sa batambikisa mabuungu. Seenee bubwo mpisi bo besala kisalu mu kiminu, nkani ka mu kwekuuma ko, bukuri babaa bakwekuuma, lo mimyo myahele ndaandu kuri beenu.