2 Kol 12:14 - Musamu Wamubwete 2013

¹⁴ Yimayi ngo mbala yatatu, me mwaayirima mu kwiisa kuri beenu, ngo nyahele kwiisa kuludiila manene; bukuri me bi nyiri na nzala byo kari bitotolo bya beenu ko, ngo beenu-meene. Mukwongo, kari baala bayelemini kuwungukila babuti bitotolo ko, ngo babuti bayelemini kuwungukila baala bitotolo.

2 Kol 12:14 ပူးပေါင်းရင်းမြစ်များ

Biyiriki bya Bantumu 20:33

Me nya sii saka mboongo, bunu pe woolo, bunu pe binkuta bya muutu ko.

1 Kol 10:24

Muutu yaa kesaka ndaandu yini ya nde-meene ko, ngo kesaka se ya mukimi.

1 Kol 10:33

ngo beenee bunu me, wuri mu myominso, nyisakaa kubweeye kuri bobanso. Me nyahele kusaka ndaandu ya wunu me-meene kitsu, ngo ndaandu ya balaka, mpisi baba babvuukusu.

1 Kol 11:34

Mbuti muutu wuri na nzala, lo kadya ku nzo, mpisi luhele kukutukunaa mu kubwa mu mutsuundu. Mu misiiri ngo miri, me sa nyirika ha nyikwiisa.

1 Kol 16:5

Me sa nyiisa kuri beenu ha nyilutila ku Makedonya; bukuri me ku Makedonya nyilutila.

1 Kol 4:19

Ngo mbuti Mfumu tiiri, me sa mwasila na kwiisa kuri beenu, na sa nyaaba nki bangaa-masiiku babo bari bakuka mu kuyirika, nkani ka mi bakwedzoonso bo mimyo ko.

1 Kol 9:12

Mbuti bakaka bari na miswa mu beenu, buri beetu lo twahele kubvula miswa? Kasi beetu twasii salila miswa mimyo ko, ngo beetu twakuundiri momanso, mpisi tuhele kutelemese bikaku mu Musamu Wamubwete wa Kiristo.

1 Kol 9:18

Hango museendu me nki nde? Mu kuha kwa mungengi, Musamu Wamubwete wu nyikweyaabisa, mu kuhele kusalila miswa mi nyiri na myo mu Musamu Wamubwete.

1 Kol 9:19

Bukuri me nyiri mu bunsaalisi kuri bobanso, ngo kasi, me-meene nyataambula kuba nkutu ya bobanso, mpisi heki me mbaka baatu balaka.

2 Kol 1:15

Mu nsiitu dzidzo, me nyabee nyatya kutekesele kwiisa kuri beenu, mpisi heki lutaambula bweese mu lwadzoolo.

2 Kol 11:9

Ha nyaba kuri beenu, bu nyaba na nzala lubakusu, me nyasii diila muutu manene ko; ngo me nyataambula lubakusu kuri bampaangi bafumini ku Makedonya; mu myominso me nyabisiri kuri ti beenu lumbuungula, na sa nyanamitina kubisa ntoono yiyo.

2 Kol 12:13

Mukwongo, nki beenu luri lwabaka biri mwaa-byantele, ti na biri na mabuundu makaka, buti ka kuri ti, me nyahele kuludiila manene ko? Hemesenee me mu bubayi bubwo.

Mukaanda kuri bari Ngalatya 4:19

Baala baami, me nyiri mu kubweese kumono misoongo mya mbutulu, natee kuyirima Kiristo munsa beenu.

Mukaanda kuri bari Filipo 4:1

Mu didyo, bampaangi baami ba mutima, ba ntiiri kwalaka, beenu luri kiminu kyaami na lukoongolo lwaami; ngo banduku ba mutima, beenee na keketee mu Mfumu.

Mukaanda kuri bari Filipo 4:17

Kari kuri ti me nyisaka bi bankabula ko, ngo me nyisaka kuri ti ndaandu yiba yabuukula kuri beenu.

1 Tes 2:11

Beenu luyaari se ti, beetu twaba kuhololo mosi mosi mu beenu bunu bu hololaana taayi baala baandi.

1 Tes 2:8

Mu musoongo wu turi na nde mu beenu, beetu turi na kiminu mu kuluha, kari wunu Musamu Wamubwete wa Nzaambi ko, ngo na kidziingu kya beetu-meene se, bukuri beenu luri bampaangi ba mutima.