2 Kol 12:11 - Musamu Wamubwete 2013

¹¹ Me nyeki kilawuku bukuri beenu lwankwikisiri. Mukwongo me nyaketi kubaka ntumunu kuri beenu, bukuri me nyahele kubvula buntele, na bantumu ba beenu babanene babo, mu ntoono ti mosi, ti hayuku nyiri wabuunu.

2 Kol 12:11 ပူးပေါင်းရင်းမြစ်များ

Musamu wamubwete watina Luka 17:10

Bwobumosi seenee kuri beenu, bu lumeeni kuyirika momanso ma balutuminyee, lo leelee ti: "Beetu bankutu bahele mufunu, beetu ma tuyirikiryee mani ma tubeeri twayelemene kuyirika."»

1 Kol 13:2

Mbuti me nyiri na kikabu kya kubikula, nyikwebakula mpaanu dzodzinso, nyiri na nyaabulu yoyinso, na nyiri na kanyi dyodinso kuri lo, nyinaanguna na milaandu, ngo nyahele na ntiilu, lo me nyiri wabuunu.

1 Kol 3:22

Kaba Pawulo, Apolo, Kefa, nsi, bumwooyo, lufwa, bitotolo bya ntaangu yimayi, bunu pe bya ku mankula, byobinso bya beenu;

2 Kol 1:6

Ngo mbuti beetu turi mu mpasi, lo mu kuri ti beenu lubaka mboondulu na mvuukulu; mbuti turi na mboondulu, lo mu kuri ti beenu lubaka mboondulu, yiluha makwa ma kukuunda mpasi dzodzimosi, dzi turi mu kumono beetu se.

2 Kol 11:1

Mbuti beenu lo lukuundiri mwaa-bulawuku bwa me, lo katee kukuunda me.

2 Kol 11:5

Mukwongo, me nsimini ti nyahele kubvula buntele, na bantumu ba beenu babanene babo, mu ntoono ti mosi.

2 Kol 12:12

Bidiimbu bisoongo kuri ti me ntumu, byayirimini ha kakati dya beenu mu ntaangu ngo ntaangu: bidiimbu, biyiriki byankimukunu, na bimaangu.

2 Kol 12:6

Mukwongo, mbuti me ngo mbeeri nyatya kusa kimweese, nkani me nketi kuba kilawuku ko, bukuri ngwanwa me nyileele. Me nyibisa kwaami mu kubata kuri ti, baatu bahele kumono me, mu kiteesu kibvuriri na mimyo mi bamono mu me, bunu pe mi bayuka kuri me.

2 Kol 3:1

Buri tubweese kubaandika kusaka lutumu mu beetu-meene? Hoti bunu babamosi, turi na nzala mukaanda wa ntumunu wa kulusoongo, bunu pe kululoombo?

2 Kol 5:13

Mukwongo, mbuti beetu twabeeri madzeeke, lo mu ntoono Nzaambi; ngo mbuti turi na madyeele, lo mu ntoono beenu.

Mukaanda kuri bari Ngalatya 6:3

Mukwongo mbuti muutu wutsima ti wuri mufunu, koomosoko wabuunu, lo nde wuwunukinaana.

Mukaanda kuri bari Efeso 3:8

Kuri me wu bvuriri buntele mu bangisi bobanso, bari baha bweese bumabu, bwa kuyaabisa kuri makaanda busina bwa Kiristo bwahele mbangukulu,