2 Kol 12:1 - Musamu Wamubwete 2013

¹ Buri me nsa kimweese? Kwahele mufunu! Ngo me nzoonsulu mu mitariri mamono-miisu, na manyabusulu ma Mfumu.

2 Kol 12:1 ပူးပေါင်းရင်းမြစ်များ

Musamu wamubwete watina Yowane 16:7

Ngo me nyiluleele ngwanwa; kuri ndaandu kuri beenu ti me nyeende. Bukuri, mbuti me nyahele kweende, lo Mukariri kakwiisa kuri beenu ko. Ngo mbuti me nyeensi, lo me sa nyamuheeke kuri beenu.

Musamu wamubwete watina Yowane 18:14

Kayafa nde ngo wabaha ndoongi kuri Bayudayo ti: «Bu bvuriri bubwete, ti muutu mosi kafwa mu ntoono kaanda.»

Biyiriki bya Bantumu 18:9

Butsuku bu mosi, Mfumu waleele mu mamono-miisu kuri Pawulo ti: "Yaa ba na boomo ko, kasi dzoonso, na yaa wura ko,

Biyiriki bya Bantumu 23:11

Mu butsuku bwaba nama, Mfumu wamonoko kuri nde waleele ti: «Ba na kibakala, bukuri, bunu bu teerye kimbaangi mu mitariri me ku Yerusalemi, bunubwo se ye yelimini, kweeta kimbaangi ku Loma.»

1 Kol 10:23

Myominso miri miswa, ngo myominso myahele mufunu; myominso miri miswa, ngo myominso myahele kutuunga.

1 Kol 14:6

Ngo mu lumalu bampaangi, mbuti me nyiisaa kuri beenu, kuludzoonsolo mu mandiinga, lo nkya mufunu me nyiba na nde kuri beenu, mbuti nyahele kudzoonso mu kutubula nyaabusulu, bunu pe nyaabulu, bunu pe mbikululu, bunu pe nyikusulu?

1 Kol 6:12

Me nyiri na miswa mu myominso, kasi myominso myahele mufunu; Me nyiri na miswa mu myominso, kasi nyiri ntambukila kuba kunsa lutumu lwa mpisi kiba ko.

2 Kol 12:11

Me nyeki kilawuku bukuri beenu lwankwikisiri. Mukwongo me nyaketi kubaka ntumunu kuri beenu, bukuri me nyahele kubvula buntele, na bantumu ba beenu babanene babo, mu ntoono ti mosi, ti hayuku nyiri wabuunu.

2 Kol 12:5

Mu muutu wa bubwo, lo me nsiiri kimweese, ngo mu me-meene me nyahele kusa kimweese mbuti ka mu buyonsi bwaami ko.

2 Kol 12:7

Mu ntoono manyabusulu mankimukunu. Hango-nkuumbu, mu kuri ti me mpele kuba na masiiku, me bankotoso lunseende mu nyutu, mbasi ya Satana yikwendata, mpisi heki me mpele kuba na masiiku.

2 Kol 12:9

Ngo nde wandeele ti: «Bweese bwa me bwakuka mu ye, bukuri mpinu dzaami dzimonokinaa kunsa buyonsi.» Ngo me mvuriri kutya kusa kimweese mu buyonsi bwaami, mpisi heki mpinu dza Kiristo dzidzakala mu me.

2 Kol 8:10

Me nyiluha kitsimi kya mu mimyo: mukwongo, myayelemene mu beenu mimami, beenu lwaba batete kari munu mu kutolo lubakusu ko, ngo na mu kubaka kitsimi kya bubwo, kuholosono mu mubvu wayooko.

Mukaanda kuri bari Ngalatya 1:12

Nyahele se kutaambula nde kuri muutu; kuri muutu ti mosi se ko wanyikisa nde, ngo me nyataambula nde mu nyabusulu ya nde-meene Yesu Kiristo.

Mukaanda kuri bari Ngalatya 2:2

Me nyatoomboko kukwo, bunu bwaba nyaabusulu, me nyabaangula kuri bo Musamu Wamubwete, wu nyiri mu kweyikisa ha kakati dya makaanda; nyabaangula se mu buwungu-buwungu kuri bakuutu ba kibvumi, mu kubata kuri ti kisalu ki nyiri mu kusala, bunu pe ki mwaamana kusala kikwiisa kuba kyamungengi.

Mukaanda kuri bari Efeso 3:3

Me nyataambula mpaanu mu nyabusulu, bunu bu nyatekisiri kulutinina mu bukufi.

1 Tes 4:15

Mukwongo, mi turi mu kuleele beetu, bunu buri maampu ma Mfumu, mimami: beetuneenu tuba twakiri mwooyo natee mu nyisulu Mfumu, ka tuba ku mankula ma babo bafwa ko.

1 Yow 5:20

Ngo kasi tuyaari ti, Mwaana Nzaambi wayisa, na watuha madyeele mu kuyaaba Wangwanwa; na turi kunsa Wangwanwa, mu Mwaana waandi, Yesu Kiristo. Nde wuri Nzaambi yangwanwa, na kidziingu kya mantaangu momanso.