2 Kol 11:4 - Musamu Wamubwete 2013

⁴ Mukwongo, mbuti muutu wiisiri kuri beenu, wuluyaabisiri Yesu dikimi diri beetu twasii yaabisa ko, bunu pe lutaamburi mpeeve yasoboko na yiyo yi lwataamburi, bunu pe Musamu Wamubwe wasoboko na wunde wu lwataamburi, lo beenu mya bubwo ngo miri lukuundaa.

2 Kol 11:4 ပူးပေါင်းရင်းမြစ်များ

Musamu wamubwete watina Malako 7:9

Nde wabweese kubaleele ti: «Beenu luyaari nkati kunyaafunaa mangisi ma Nzaambi, mu kukebe kikulu kya beenu-meene!

Biyiriki bya Bantumu 4:12

Mvuukulu yahele mu mukimi; bukuri kwahele nkuumbu yikimi ha butoto, yi bari baha kuri baatu, yiri lo mu yo, beetu tubvuukiri.»

Mukaanda kuri bari Loma 8:15

Bukuri beenu lwahele kutaambula mpeeve ya bunkutu, mu kuri ti lubweese kuba na boomo: ngo kasi beenu lwataambula Mpeeve, yisa kuri ti luba baala ba Nzaambi, mu yo beetu tukoobikisaa ti: «Aba, Taata!»

1 Kol 3:11

Mukwongo, kuri muutu wutsiitsa kutunga lufulu lukimi ko, ha teke lufulu lweki haho, ngo Yesu Kiristo.

2 Kol 11:1

Mbuti beenu lo lukuundiri mwaa-bulawuku bwa me, lo katee kukuunda me.

2 Kol 2:12

Me nyatubuka ku Torowasi, mu kweyaabisa Musamu Wamubwete wa Kiristo, na Mfumu wanzibukila mweelu,

Mukaanda kuri bari Ngalatya 3:2

Yaabiseenu me ntoono mosi: Mpeeve yi luri lwataambula, haho mu biyiriki bya mangisi, hoti mu ma luri lwayuka ma kanyi?

1 Tim 1:3

Bunu bu nyabee kuleele, ha nyabee kweende me ku Makedonya, dzakala ku Efeso, mpisi heki wedika babamosi, yaa beyikisa nyikusulu dzikimi ko,

1 Tim 2:5

Mukwongo, Nzaambi mosi kitsu yiri, na munkabu-kati se mosi kitsu wuri, ha kakati dya Nzaambi na baatu, munkabu-kati wunde muutu kari, ngo Kiristo Yesu.