2 Kol 11:29 - Musamu Wamubwete 2013

²⁹ Na wuri na buyonsi, kuri lo me se nyahele kuba na buyonsi? Na wubwa kuri lo me mutima wahele kusa mambaawu?

2 Kol 11:29 ပူးပေါင်းရင်းမြစ်များ

Musamu wamubwete watina Matayi 11:6

Kiminu kuri wunde wuhele kubumina makya mu me.»

Musamu wamubwete watina Yowane 2:17

Bayiki baandi babaambuka mwooyo ti diri dyatinu ti: «Ho! Kuheme ku nyiri na me mu nzo yaaku kwankalimina.»

Mukaanda kuri bari Loma 12:15

Monee kiminu na babo bari mu kiminu, dilee na babo bari mu kudila.

Mukaanda kuri bari Loma 15:1

Beetuneenu turi na makwa, tuyelemini kukuunda bubolo bwa babo bahele na makwa, na kuhele kweyirika mabweeye kuni kuri beetu-meene.

1 Kol 11:22

Buri beenu lwahele na manzo ma kudiila na ma kunwiina? Hoti beenu dibuundu dya Nzaambi luri mu kwesaana, na nsoni luri mu kudzusaa bahele na kitotolo? Me nyiluleele ti kwe? Nyi lusiika? Me nyahele kulusiika mu mimyo.

1 Kol 12:26

Mu didyo, kinamu kimosi kibaanaa kimono mpasi, lo binamu byobinso bimono mpasi; na kinamu kimosi kibaanaa kyakeembusu, lo binamu byobinso bimono kiminu.

1 Kol 15:36

Ye dzeeke dya muutu! Bibyo bi wukuna ye lo biri menene ko, mbuti byahele kufwa;

1 Kol 8:13

Hango-nkuumbu, mbuti kyandya kibumisa mpaangi yaami makya, lo ngwanwa me mbweese kudya toongo mu mantaangu momanso ko, mpisi heki me mpelele kubumisa mpaangi yaami makya.

1 Kol 8:9

Seenee madyeele, kuri heki miswa mi luri na myo, mihele kubumisa makya kuri bari na buyonsi.

1 Kol 9:22

Me nyayeki kuri bari na buyonsi bunu me nyiri na buyonsi, mpisi heki me mbaka babo bari na buyonsi; me nyayeki myominso kuri bobanso, mpisi heki mu nzelu ngo nzelu, me mvuukisa babamosi.

2 Kol 13:9

Mukwongo, beetu tumonaa kiminu mpisi ntaangu yiri, beetu turi na buyonsi kasi beenu luri na makwa; mi turi mu kusambikilaa beetu miri ti beenu lubaanguka.

Mukaanda kuri bari Ngalatya 2:14

Kasi me monaana ti, bahele kwedyaatila kunsa ngwanwa ya Musamu Wamubwete, me nyaleele kuri Kefa ha busu bwa bobanso ti: «Mbuti ye Muyudayo, wahele kwedyaatila bunu Muyudayo kasi bunu muutu wahele kuba Muyudayo, lo dyaburi ye wutsiitsa kukwiikisa bahele kuba Bayudayo mu kuba na mbeelu Bayudayo?»

Mukaanda kuri bari Ngalatya 6:2

Yendeenu lwenatisina binati beenu na beenu, mu bubwo, beenu lukukisa Mangisi ma Kiristo.

Nyabusulu ya Yowane 2:2

Me nyaari biyiriki bya ye, kisalu na kifiki kyaaku. Me nyaari ti ye wakuunda bababi ko, na ye watsiitsiri babo bakweleele bo-meene ti bo bantumu, ngo bo bari bantumu ko, na ye wamwii ti bangaa-mpya bari.

Nyabusulu ya Yowane 2:20

Ngo di nyiri nyabele ye, di wuri wahemese mukyeetu wuri nkuumbu Yedzabele, wu kweleele ti nde mubikiri, wukweyikisa na wukwedziimbisa bisari byaami, kuri bakwesa buyala, na bakwedya toongo twaha mu kikabu kuri biteki.