2 Kol 11:23 - Musamu Wamubwete 2013

²³ Bisari bya Kiristo bari? Me nzoonsulu bunu kilawuku, mu kuleele ti me mvuriri na bo; mu bisalu bya makwa, me mvuriri na bo; mu maboroko, me mvuriri na bo; mu nkuba kubwilikila, me mvuriri na bo; na me mvuriri kuba mu nsisi dza lufwa mu ntaangu ngo ntaangu.

2 Kol 11:23 ပူးပေါင်းရင်းမြစ်များ

Biyiriki bya Bantumu 14:19

Bayudayo bafumini ku Antyoke na ku Ikonyo bu bayisa, bu basinda mampuumbu ma baatu, na bu balata Pawulo mu matari, bo bamukoko ku mbasi bvula, bu batsima ti kampe wafwa.

Biyiriki bya Bantumu 20:23

Mpeeve Yangisi yiri mu kunswiikisila ti, mu bvula ngo bvula bikonyi na mpasi biri mu kunkiingila.

Biyiriki bya Bantumu 21:11

na wayisa kuri beetu. Bu kaholo musweele Pawulo, wakaanga miilu na myooko mya nde-meene, na waleele ti: Mpeeve wuleele bumabu ti: muutu ngaa-musweele wu, Bayudayo sa bamukaanga bikonyi bumabu ku Yerusalemi, na kumuyekele mu myooko mya bangooyi.

Biyiriki bya Bantumu 25:14

Bo badzakala kukwo biluumbu byalaka; Festo wayala mampolo kuri mbyaasi, mu mi tariri Pawulo, waleele ti: "Boroko dimosi Felikisi kasiisiri.

Biyiriki bya Bantumu 27:1

Bu baholo nzeengulu dza kunata beetu ku Italya, baha Pawulo na maboroko makimi kuri mukuutu nkama bayongolo, nkuumbu yaandi Yulyo, mu mukaangu bayongolo wa Oguste.

Biyiriki bya Bantumu 28:16

Mu ntaangu yi twakoto mu Loma, baha miswa kuri Pawulo mu kuba kwa nde-kaka na muyongolo waba kemukebaana.

Biyiriki bya Bantumu 28:30

Pawulo wadzakala mibvu myoolo mu nzo ya kufutila. Nde waba taambulaana bobanso baba kweemumonaa.

Biyiriki bya Bantumu 9:16

bukuri, me sa nyamusoongo mamo mayelemini kuri nde, mu kumono mpasi mu nkuumbu yaami."

Mukaanda kuri bari Loma 8:36

Bunu bu diri dyatinu: «Mu ntoono ye, beetu turi ha busu bwa lufwa mpisi kiluumbu. Beetu bayeki batuhololo bunu bimeeme, bi bari mu kunata ku nzo yi bapaakulaa bibulu.»

1 Kol 15:10

Mu bweese bwa Nzaambi, me nyiri bu nyiri, na bweese bwaandi ku nyiri me, bwasii ba bwabuunu ko, kasi me nyabvula kusala na bobanso, ngo kari me ko, kasi bweese bwa Nzaambi buri mu me.

1 Kol 3:5

Heki Apolo nki? Pawulo nki? Bisari biri beenu mu byo luri lwataambula kanyi, bunu bwaheeriri Mfumu kuri muutu-muutu.

1 Kol 4:1

Mu didyo, baatu bayelemini kutuhololo bunu bisari bya Kiristo, na bakebi ba mpaanu dza Nzaambi.

1 Kol 4:11

Natee mu kilookolo kimaki, beetu tukwefwa nzala na mpwiisu, turi mpene, bakwetulata, tukweyiima,

1 Kol 4:9

Mukwongo, me bu nyimono, lo bunu ti Nzaambi wamonokoso beetuneenu bantumu bunu ti baatu bampotulu, bunu babari bakesele mukanu wa lufwa, bukuri twayeki bunu baatu babari mu kuseyesele ha busu bwa nsi, ha busu bwa bambasi, na ha busu bwa baatu.

2 Kol 10:7

Yirikee kutala bitotolo bunu bu biri. Mbuti muutu wumono dyo ti nde wuri wa Kiristo, lo kayirika kuyaaba ti nde bukari wa Kiristo beetu se turi ba Kiristo.

2 Kol 11:5

Mukwongo, me nsimini ti nyahele kubvula buntele, na bantumu ba beenu babanene babo, mu ntoono ti mosi.

2 Kol 3:6

nde watuha makwa mu kuba bisari bya lulelusunu lwamoono, kari mu kisoni ko, ngo Mpeeve, bukuri kisoni kidzusaa, kasi Mpeeve yihaanaa bumwooyo.

2 Kol 4:11

Mukwongo, mantaangu momanso beetuneenu bamwooyo, turi bayekulu mu lufwa mu ntoono Yesu, mpisi heki bumwooyo bwa Yesu, buba bwamonokono mu nyutu yeetu ya lufwa.

2 Kol 6:9

bunu ba bahele kuyaaba koomosoko twayaabakana kwalaka; bunu beki mu kufwa koomosoko turi mwooyo, bunu ba bari mu kulata ngo bahele kubadzusa;

Mukaanda kuri bari Ngalatya 6:17

Mu misiiri ngo miri, muutu yaa kansiila nduungusu ko, mukwongo, me nyiri na bidziminu bya Yesu mu nyutu yaami.

Mukaanda kuri bari Efeso 3:1

Mu ntoono yiyo, me Pawulo, nyiri boroko dya Yesu Kiristo, mu beenu makaanda.

Mukaanda kuri bari Efeso 4:1

Me nyilusyaamisa, me nyiri boroko mu ntoono Mfumu, mu kudyaatila mu kiteesu kyayelemene na mbila yiyo yibari baluteele,

Mukaanda kuri bari Efeso 6:20

Mu Musamu wunde, me nyiri mumonikisi wuri mu bikonyi, mpisi heki me nzoonsolo, mu bunsaalisi bunu bu nyelemini kuyikisa.

Mukaanda kuri bari Filipo 1:13

Mu didyo, boroko dya me mu Kiristo, diri dyayabakana kuri bobanso mu nzo yoyinso ya miyalu, na mu bibeendu byakaka byobinso,

Mukaanda kuri bari Filipo 2:17

Ngo ti hayuku makila ma me bamayitiri ha yulu kikabu kya kuha kuri Nzaambi, mu kisalu kya kanyi dya beenu, lo me nyimono kiminu, nyimono kiminu ha kimosi na beenu-banso.

Mukaanda kuri bari Kolosayi 1:24

Mu lumalu, me nyimono kiminu, kunsa mpasi mu ntoono beenu, na me nyiri mu kukukisa mpasi dza mbamunu Kiristo, mu muswinyi waami, mu ntoono nyutu yaandi, ngo dibuundu.

Mukaanda kuri bari Kolosayi 1:29

Mu bubwo se, me nyiri mu kubama, mu kwenwaana bunu buri makwa maandi, mari mu kwesala mu me, mu mpinu.

1 Tes 3:2

na kuheeke mpaangi yeetu Timoteho, nde wukwesala kintwaari na Nzaambi mu Musamu Wamubwete wa Kiristo, mu kulukumisa na kulusyaamisa mu kanyi dyeenu,

1 Tim 4:6

Wubaangulaana misamu mimyo kuri bampaangi, lo ye sa ba kisari kyakibwete kya Kiristo Yesu, kyadiisulu mu maampu ma kanyi, na mu nyikusulu dzadzibwete, dzi wuri mu kunama kwa kubwete.

2 Tim 1:16

Hemese Mfumu kasa mpemisi mu nzo Onesiforo, bukuri nde wasyaamisini me mu mantaangu momanso, na kasii ba na nsoni ko mu bikonyi bya me,

2 Tim 1:8

Yaa ba na nsoni ko mu kuta kimbaangi mu Mfumu yeetu, bunu pe mu me nyiri mu bikonyi mu ntoono nde. Kasi mono mpasi ha kimosi na me mu ntoono Musamu Wamubwete, bunu buri mpinu dza Nzaambi.

2 Tim 2:9

mu ntoono musamu wunde, me nyiri mu kumono mpasi mu bikonyi, buni muyiriki-mamabi; ngo kasi maampu ma Nzaambi mahele mu bikonyi.

2 Tim 3:11

nkwamusunu na mpasi dzi nyamono me ku Antyoke, ku Ikonyo, ku Listara. Nkya nkwamusunu me nyahele kumono! Ngo mu dzodzinso Mfumu wankuula.

Film 1:9

nyibweese kukuyingukila, mu ntoono ya ntiilu, bunu bu nyiri, me Pawulo mu lumalu kinuni, na se boroko dya Kiristo Yesu,

Mukaanda kuri Bahebeleho 10:34

Mukwongo, beenu lwakabula mpasi dza babo baba mu boroko, na beenu lwataambula mu kiminu, ti baluhosono na bitotolo byeenu, bu lwaba luyaari kuri ti luri na busina bubvuriri bubwete, na buri bwawaana ko.