Beetu turi bilawuku mu ntoono Kiristo, kasi beenu luri bangaa-madyeele mu Kiristo; beetu turi na buyonsi, kasi beenu luri na makwa; beenu luri bakeembusu kasi beetu turi banyaafunu.
Buri me ntyaanaa bubwo kuyirika, lo budzeeke nyiri mu kusoongo? Hoti ma ntii me mamo, mu kimuutu me nyimatiiriri, mpisi heki mu me muba: «heehe lo heehe» na «pele lo pele»?
Me nyeki kilawuku bukuri beenu lwankwikisiri. Mukwongo me nyaketi kubaka ntumunu kuri beenu, bukuri me nyahele kubvula buntele, na bantumu ba beenu babanene babo, mu ntoono ti mosi, ti hayuku nyiri wabuunu.
Ngo nde wandeele ti: «Bweese bwa me bwakuka mu ye, bukuri mpinu dzaami dzimonokinaa kunsa buyonsi.» Ngo me mvuriri kutya kusa kimweese mu buyonsi bwaami, mpisi heki mpinu dza Kiristo dzidzakala mu me.
Hango-nkuumbu, kubandika lumalu beetu twahele kuyaaba muutu mu muswinyi; na mbuti twayaaba Kiristo mu muswinyi, lo mu lumalu twahele bweese kumuyaabila bubwo.