2 Kol 11:10 - Musamu Wamubwete 2013

¹⁰ Yiyo ngwanwa ya Kiristo yiri mu me, kuri muutu wudika me ko mu kuba na kimweese kikyo mu mankoonsi ma Akaya.

2 Kol 11:10 ပူးပေါင်းရင်းမြစ်များ

Biyiriki bya Bantumu 18:12

Ngalyono waba kimonikisi kya nsi ya Loma ku Akaya; Bayudayo bayukusina batelemise kitaatu mu Pawulo, na bamunata ku nzo ya miyalu,

Biyiriki bya Bantumu 18:27

Nde bu kaba katya kweende ku Akaya, bampaangi bamusyaamisa na batinina kuri bantumu mu kuri ti bamutaambula, nde bu katubuka wamonoko mufunu walaka kuri babo basii kanyi mu bweese.

Mukaanda kuri bari Loma 1:9

Mukwongo, Nzaambi mbaangi yaami, nde wu nyisalilaa me mu mpeeve yaami, mu nyabusulu Musamu Wamubwete wa Mwaana waandi: me nyibambukilaa beenu mwooyo kwahele kuhoto,

Mukaanda kuri bari Loma 16:5

Heenee se mboto kuri dibuundu dikookutukinaa mu nzo bo. Heenee mboto kuri Epayineto, nduku yaami ya mutima, nde wuri watete mu Asya, mu kusiila kanyi mu Kiristo.

Mukaanda kuri bari Loma 9:1

Me ngwanwa nyiri mu kudzoonso mu Kiristo, nyahele kufuta mpya, nsimunu yaami yinteelele kimbaangi, mu Mpeeve Yangisi,

1 Kol 16:15

Me nyilusyaamisa bampaangi: beenu luyaa kuri ti baatu ba mu nzo Estefana, ngo batete bayiingiri madyeele mu Akaya; na bo bayekele manyutu mu kisalu kya bangisi.

2 Kol 1:1

Pawulo, ntumu Kiristo Yesu mu kutya kwa Nzaambi, na Timoteho mpaangi, kuri dibuundu dya Nzaambi diri ku Korinto, na kuri bangisi bobanso bari mu Akaya dyodinso.

2 Kol 1:23

Nzaambi mbaangi yaami, me nyilaba maalu mu kidziingu kya me-meene ti: me nyasii bweese kwiisa ku Korinto ko, mu kulubatisa misamu.

2 Kol 10:15

Beetu twahele kusa kimweese kya mansaalisi mu bisalu bya ŋani, ngo beetu turi na nsiitu ti kanyi dya beenu dihamisaana, lo kisalu kya beetu se sa kyahamisa kubuuka bunu buri kiteesu ki turi twatsima,

2 Kol 11:12

Ma nyiri mu kuyirika, me sa mbweese kumayirika, mpisi me nyisila mpwaani, kuri babo batiiri kubaka mpwaani ya kusa kimweese bunu beetu.

2 Kol 11:31

Nzaambi, Taayi dya Mfumu Yesu, nde wasakumunu mu mibvu ngo mibvu, yaari kuri ti me nyahele kusa mpya.

2 Kol 12:19

Kuholosono na kidzika, beenu kutsima ti beetu manyutu turi mu kukalila ha busu bweenu. Ngo ha busu bwa Nzaambi, mu Kiristo, beetu turi mu kudzoonso; na myominso mimyo, banduku ba mutima mu ntoono ya kulutuunga.

2 Kol 9:2

Mukwongo, me nyaari kifiki kya beenu, na mu kyo me nyiri na kimweese mu beenu kuri bari Makedonya. Bari ku Akaya beki bayirima kuholosono mubvu wayooko, na kuheme kwa beenu kwaheeri nsyamusunu kuri balaka mu bo.

Mukaanda kuri bari Ngalatya 1:20

Ma nyiri mu kutinina beenu, nkati ha busu bwa Nzaambi, me nyahele kusa mpya.

Mukaanda kuri bari Ngalatya 2:20

Me nyiri mwooyo, ngo kari me ko, kasi Kiristo wuri mwooyo mu me. Mi nyikwemono me lumalu, mu kidziingu kya me mu muswinyi, me nyikwenata myo mu kanyi di nyiri na dyo mu Mwaana Nzaambi, wantya na wayekiri nyutu yaandi mu ntoono me.

1 Tes 2:10

Beenu luri bambaangi, Nzaambi se mbaangi: ndyaatulu beetu yaba yangisi, yasuunguma, na yahele maseembu ha busu bwa beenu basiila kanyi.

1 Tes 2:5

Bunu bu luyaari, beetu twasii salila mu nzoonsulu dza lupyelu ko, bunu pe mu buungu dya ntiki-mboongo ko, Nzaambi mbaangi.

1 Tim 2:7

Mu kimbaangi kikyo me bari bansuusa mu kuba dingisi na ntumu, mu kweyikisa makaanda mu nzila ya kanyi na ya ngwanwa; me ngwanwa nyiri mu kuleele, nyahele kufuta mpya.