2 Kol 10:4 - Musamu Wamubwete 2013

⁴ Bukuri binwaanunu bituri mu kwenwaanina kikiindu, biri bya kimuutu ko; ngo kasi bya mpinu dza Nzaambi, byakuka mu kutsyaamuna bisweemunu bya makwa. Beetu tukwetsyaamuna nzoonsulu dzadzibi,

2 Kol 10:4 ပူးပေါင်းရင်းမြစ်များ

Biyiriki bya Bantumu 7:22

Moose wayika [kunsa] madyeele momanso ma bari Ngipiti, nde waba na mpinu mu maampu, na mu biyiriki byaandi.

Mukaanda kuri bari Loma 13:12

Butsuku bweki la, bwiisi bweki bebele mu kukya. Ngo tulooseenu biyiriki bya mampimbisi, na tulwaatee binwaanunu bya buungi.

Mukaanda kuri bari Loma 6:13

Yaa lusalila binamu byeenu, bunu bisalulu bya bubayi mu kuyirika masumu ko. Ngo kasi beenu-meene salileenu Nzaambi, bunu baatu bamwooyo bafulukusu mu bafwa, na salileenu binamu byeenu, bunu binwaanunu bya nsungumunu mu kusalila Nzaambi.

1 Kol 2:5

mpisi heki kanyi dya beenu di hele kuba kunsa madyeele ma baatu, ngo diba kunsa mpinu dza Nzaambi.

1 Kol 9:7

Na wayeki sala kisalu kya buyongolo mu mboongo dza nde-meene? Na wayeki kuna bviinya kwahele kudya bimbutu? Bunu pe na wayeki buungula bangoombo kwahele kudya toongo bunu pe kunwa beene dya ngoombo?

2 Kol 10:8

Mukwongo, ti bukuri me nyasii mwaa-kimweese mu bumfumu bwa tuha Mfumu, mu kulutuunga nkani ka mu kulutsyaamuna ko, lo me nyiri na nsoni mu mimyo ko.

2 Kol 13:10

Hango-nkuumbu, bu nyiri la na beenu me nyilutinina misamu mimyo, mpisi heki ha nyiba ha busu bwa beenu, me mpele kusalila kibakala, bunu buri lutumu lwa mpa Mfumu, mu kutuunga nkani ka mu kutsyaamuna ko.

2 Kol 3:5

Ka kuri ti lo tuyirikiri kitotolo mu makwa ma beetu-meene ko, ngo makwa meetu mafumunaa kuri Nzaambi,

2 Kol 4:7

Beetu tukwenata busina bumabu, mu bisa bya tubuumbu, mpisi heki mpinu dza kiteesu kyalutila, dziba dza Nzaambi nkani ka dza beetu ko.

2 Kol 6:7

mu maampu ma ngwanwa, mu mpinu dza Nzaambi; mu kuba na binwaanunu bya nsungumunu, bya kooko kwalubakala na bya kooko kwalumoso,

1 Tes 5:8

Ngo beetuneenu turi baatu ba mwiini, tubeeneenu na ndiilu na nwiinu byayelemene twahele kukolo malu, twalwaata kanyi na ntiilu bunu kinkuta kya mu ntulu kya mukaanda kibulu, na twalwaata nsiitu ya mvuukulu bunu mpu ya kitari.

1 Tim 1:18

Ntumunu yi nyiri mu kuha kuri ye mwaana waami Timoteho, bunu buri mbikululu dzi bari batekesele kuleele mu ntoono ye, kuri ti, mu dzo, ye nwaana nwaanunu yayibwete,

2 Tim 2:3

Ye se taambula mpasi bunu muyongolo wamubwete wa Kiristo Yesu.

Mukaanda kuri Bahebeleho 11:30

Mu kanyi, bibaka bya Yeriko byabwiiri, bamanaa kubidyengekele mu biluumbu nsaamu.