2 Kol 10:18 - Musamu Wamubwete 2013

¹⁸ Mukwongo, kari wunde wusalaa mu ntumunu ya nde-meene bateela kimbaangi ko, ngo wunde wasala mu ntumunu ya Mfumu.

2 Kol 10:18 ပူးပေါင်းရင်းမြစ်များ

Musamu wamubwete watina Luka 16:15

Nde waleele kuri bo ti: «Beenu lukwesoongo ha busu bwa baatu ti lwasuunguma, ngo kasi Nzaambi yaari mitima mya beenu. Mukwongo, bibyo biri baatu bamono ti byadzaangama, ha busu bwa Nzaambi biri byanyaafuna.»

Musamu wamubwete watina Yowane 12:43

Bukuri bo babvuriri kutya munkeembu wa baatu ti na munkeembu wa Nzaambi.

Biyiriki bya Bantumu 2:22

"Bari Isaheli, yukeenu maampu mamama: Yesu wa ku Nadzareti, Nzaambi wamusooriri mu kuyirika bimaangu, mya nkimukunu na bidiimbu mu ntoono beenu. Nzaambi wayirika byo mu nde ha kakati dya beetu, bunu bu luyaari beenu-meene

Mukaanda kuri bari Loma 14:18

Wunde wusalila Kiristo mu kiteesu kikyo, lo wabweeye kuri Nzaambi, na wataambulu kuri baatu.

Mukaanda kuri bari Loma 16:10

Heenee mboto kuri Apele, nde wasoongiri bimbaangi byaandi mu Kiristo. Heenee mboto kuri babo bari mu nzo Aristobulo.

Mukaanda kuri bari Loma 2:29

ngo Muyudayo, wa mansweeki; na nteendulu bubakala, ya mutima mu Mpeeve, nkani ka ya mu mukaanda ko. Wa bubwo wutaambula ndumusu ya Nzaambi nkani ka ya baatu ko.

1 Kol 11:19

Mukwongo, nkabunu se yiyelemini kuba ha kakati dya beenu, mpisi heki bakuma mu nsindukulu, bamonoko ha kakati dya beenu.

1 Kol 4:5

Hango, yaa lutsuundisa muutu ko, tekesele ntaangu yitubuka, natee Mfumu wiisiri. Nde mbasi-tsuku wuyaabisa mansweeki mari ku mampimbisi, na kusoongo bitsimi bya mitima. Haho, mpisi muutu kataambula masiiku kuri Nzaambi.

2 Kol 10:12

Beetu ka tutsiitsa kuba nsiisa, bunu pe kusaka nsobokoso, dzi turi na dzo na baatu bamosi, bakweha ntumunu mu bo-meene ko. Baatu babo bahele kubakula, bukuri bo bakweteese bambaasi mu kiteesulu kya bo-meene, na bakwesaka nsobokoso ha kakati dya bo-meene.

2 Kol 13:7

Ngo beetu tusaambila Nzaambi, mpisi beenu luhele kuyirika ntoono ti mosi yayibi; kari mu kuri ti beetu twaswiikama tumonokono ko, ngo mu kuri beenu luyirika mamabwe, ti hayuku beetu turi bunu twahele kuswiikama.

2 Kol 3:1

Buri tubweese kubaandika kusaka lutumu mu beetu-meene? Hoti bunu babamosi, turi na nzala mukaanda wa ntumunu wa kulusoongo, bunu pe kululoombo?

2 Kol 5:12

Beetu twahele na nzala kubweese kuba, na ntumunu mu beetu-meene kuri beenu, ngo tutiiri kuluha mpwaani, ya kuba na kimweese mu ntoono beetu, mpisi heki luba na mvutu ya kuha kuri babo bakwesa kimweese kya ku mbasi, nkani ka kya mitima ko.

2 Kol 6:4

Ngo kasi mu myominso, beetu tutiiri kumonokono beetu-meene bunu bisari bya Nzaambi, kunsa kifiki kyalaka, mu mpasi, mu manyoongi, mu kinkuukulu,

2 Tim 2:15

Sa makwa ye-meene, mu kumonokono ha busu bwa Nzaambi, bunu muutu wu bamwaatsiitsa, bunu kisari kihele kufwa nsoni, kikweyikisa maampu mangwanwa mu nyikusulu dzasuunguma.

1 Pet 1:7

Mpisi heki nsiitsulu ya kanyi dyeenu, yibvuriri ntalu, ti na woolo dyatsyeemese mu mbaawu kasi difuukaana, yibaka ndaandu ya nsiikulu, ya nkeembu na ya lukiinsu, mu ntaangu yiyabakana Yesu Kiristo.