2 Kol 1:22 - Musamu Wamubwete 2013

²² nde se watusa kinyemu kyaandi, na wasuusa bidiimbu bya Mpeeve munsa mitima myeetu.

2 Kol 1:22 ပူးပေါင်းရင်းမြစ်များ

Musamu wamubwete watina Yowane 3:33

Wunde wataambula kimbaangi kya nde, wasiingisa ti Nzaambi ngaa-ngwanwa.

Musamu wamubwete watina Yowane 6:27

Salee, kari mu ntoono byandya bibolaa ko, ngo mu ntoono byandya binamitinaa mu kidziingu kyahele manunu, mbasi-tsuku biluha Mwaana muutu, bukuri nde Taayi Nzaambi, kari kasa kinyemu kyaandi.»

Mukaanda kuri bari Loma 4:11

Nde wataamburi kidiimbu kya nteendulu bubakala, bunu kinyemu kya ndulukulu yi kataamburi mu kanyi, ha kaba wakiri wahele kuteende bubakala, mpisi heki kaba taayi dya bobanso basaa kanyi, bakiri bubakala kuteende pe, kuri heki bo se, babamono bunu basuunguma.

Mukaanda kuri bari Loma 8:23

Kari yini nsi yo yikaka ko, ngo na beetu se tumwaabaka mintekesele mya Mpeeve; beetu se mu beetu-meene, tukwekuuma mu kwekiingila ntaangu ya kuba baala ba Nzaambi, na ya nkuululu manyutu meetu.

Mukaanda kuri bari Loma 8:9

Beenu lwahele kuba mu muswinyi, ngo luri mu Mpeeve, mbuti heki Mpeeve Nzaambi yadzakala mu beenu. Mbuti muutu wahele na Mpeeve ya Kiristo, lo nde kari wa Kiristo ko.

2 Kol 5:5

Wunde watuyirika mu kutaambula mamo ngo Nzaambi, nde watuha bidiimbu bya Mpeeve.

Mukaanda kuri bari Efeso 4:30

Yaa lunyoongoso Mpeeve Yangisi ya Nzaambi ko, mu yo beenu bari balusa kidiimbu mu kiluumbu kya nkuululu.

1 Tes 4:8

Hango-nkuumbu, mpisi wunde wubisa nyikusulu dzimadzi, lo kari muutu kabisiri ko, ngo Nzaambi wuhaanaa Mpeeve yaandi Yangisi kuri beenu.

2 Tim 2:19

Diri dyangwanwa ti lufulu lwa sa Nzaambi lwa makwa lwateleme, luri na kinyemu kyatina ti: «Mfumu yaari baatu baandi, na wunde wutaangunaa nkuumbu Mfumu, yelemini kutatuka na mamabi.»

Nyabusulu ya Yowane 2:17

«Wunde wuri na makutu mu kuyuka, kayuka mamo madzoonsiri Mpeeve kuri mabuundu!» «Kuri wuluuluka, me sa nyamuha maana, yasweeku; na sa nyaha kuri nde tari dyahembeke, na ha yulu tari dyatinu nkuumbu yamoono, yiri muutu ti mosi kayaa ko, mbuti ka wutaambula dyo ko.»

Nyabusulu ya Yowane 7:3

yaleele ti: «Yaa lumonoso butoto, mubu, na miti mpasi ko, natee ku tumana kusa beetu binyemu, mu mambuunsu ma bisari bya Nzaambi yeetu.»

Nyabusulu ya Yowane 9:4

Badika bambambala kukwaamisa bitiiti biri ha butoto, makaya mankaaka na miti, ngo bakwaamisa bani baatu bahele na kinyemu kya Nzaambi mu mambuunsu.