2 Kol 1:1 - Musamu Wamubwete 2013

¹ Pawulo, ntumu Kiristo Yesu mu kutya kwa Nzaambi, na Timoteho mpaangi, kuri dibuundu dya Nzaambi diri ku Korinto, na kuri bangisi bobanso bari mu Akaya dyodinso.

2 Kol 1:1 ပူးပေါင်းရင်းမြစ်များ

Biyiriki bya Bantumu 16:1

Ha mambisa haho, Pawulo watubuka ku Derbe, tumi ku Listara. Kukwo kwaba muyiki mosi, nkuumbu Timoteho, mwaana mukyeetu wa Muyudayo wuri na kanyi, ngo kasi taayi waba Muhelene.

Mukaanda kuri bari Loma 15:26

Mukwongo, bari Makedonya na bari Akaya, bamwiini ti buri bwabubwete, mu kusoongo kintwaari mu ntoono bawelu bangisi ba ku Yerusalemi.

Mukaanda kuri bari Loma 16:21

Timoteho, mbaasi yaami ya kisalu, wuluheekiri mboto; Lukyo, Yasoni na Sosipatoro bari kaanda dyaami se, baluheekiri mboto.

Mukaanda kuri bari Loma 16:5

Heenee se mboto kuri dibuundu dikookutukinaa mu nzo bo. Heenee mboto kuri Epayineto, nduku yaami ya mutima, nde wuri watete mu Asya, mu kusiila kanyi mu Kiristo.

1 Kol 10:32

Yaa lwebumisa baatu makya ko, ti Bayudayo, ti Bahelene, ti dibuundu dya Nzaambi,

1 Kol 16:10

Mbuti Timoteho wiisiri kuri beenu, lo talee, yaa kaba na boomo ko kuri beenu; bukuri nde wuri mu kwesala kisalu kya Mfumu bunu me.

1 Kol 16:15

Me nyilusyaamisa bampaangi: beenu luyaa kuri ti baatu ba mu nzo Estefana, ngo batete bayiingiri madyeele mu Akaya; na bo bayekele manyutu mu kisalu kya bangisi.

1 Kol 16:24

Me nyilutiiri beenu-banso mu Kiristo Yesu.

1 Kol 6:11

Babamosi mu beenu bubwo baba, kasi lwayeki lwaswaaku, lwayeki lwataambula bungisi, lwayeki lwalulukusu mu nkuumbu ya Mfumu Yesu Kiristo, na mu Mpeeve ya Nzaambi yeetu.

2 Kol 1:19

Bukuri, Mwaana Nzaambi, Yesu Kiristo wu turi twayaabisa kuri beenu, me na Silvano na Timoteho, nde kasii kuba: «heehe» na «pele» ko.

2 Kol 1:23

Nzaambi mbaangi yaami, me nyilaba maalu mu kidziingu kya me-meene ti: me nyasii bweese kwiisa ku Korinto ko, mu kulubatisa misamu.

2 Kol 11:10

Yiyo ngwanwa ya Kiristo yiri mu me, kuri muutu wudika me ko mu kuba na kimweese kikyo mu mankoonsi ma Akaya.

2 Kol 9:2

Mukwongo, me nyaari kifiki kya beenu, na mu kyo me nyiri na kimweese mu beenu kuri bari Makedonya. Bari ku Akaya beki bayirima kuholosono mubvu wayooko, na kuheme kwa beenu kwaheeri nsyamusunu kuri balaka mu bo.

Mukaanda kuri bari Ngalatya 1:1

Me Pawulo ntumu, kari bu tiiri baatu bunu pe muutu ko, ngo bu tiiriri Yesu Kiristo na taayi Nzaambi wamufulukisa mu bafwa.

Mukaanda kuri bari Ngalatya 3:26

Mukwongo, beenu-banso luri baala ba Nzaambi, mu kanyi mu Kiristo Yesu,

Mukaanda kuri bari Efeso 1:1

Me Pawulo, ntumu Yesu Kiristo, mu kutya kwa Nzaambi, kuri bangisi bari ku Efeso, na kuri bakwiikama mu Kiristo Yesu,

Mukaanda kuri bari Filipo 1:1

Pawulo na Timoteho, bankutu ba Yesu Kiristo, kuri bangisi mu Kiristo Yesu bari ku Filipo, bari kintwaari na bakuutu ba dibuundu na bisari:

1 Tes 1:1

Pawulo, Silvano na Timoteho, kuri dibuundu dya Tesalonika, mu Taata Nzaambi na mu Mfumu Yesu Kiristo: bweese na kiyeengi biba na beenu.

1 Tes 3:2

na kuheeke mpaangi yeetu Timoteho, nde wukwesala kintwaari na Nzaambi mu Musamu Wamubwete wa Kiristo, mu kulukumisa na kulusyaamisa mu kanyi dyeenu,

2 Tes 1:1

Pawulo, Silvano na Timoteho kuri dibuundu dya bari Tesalonika, mu Nzaambi Taayi dyeetu, na mu Mfumu Yesu Kiristo.

1 Tim 1:1

Pawulo, ntumu Yesu Kiristo, bunu buri lutumu lwa Nzaambi mubvuukisi weetu, na lwa Yesu Kiristo, nsiitu yeetu.

2 Tim 1:1

Me Pawulo, ntumu Kiristo Yesu, mu kutya kwa Nzaambi, bunu buri lusiilulu lwa kidziingu kya mu Kiristo Yesu,

Mukaanda kuri Tito 1:1

Me Pawulo, nkutu Nzaambi, ntumu Yesu Kiristo mu mitariri kanyi dya basoolu ba Nzaambi, na mu mitariri nyaabulu ngwanwa bunu buri kinzaambi,

Film 1:1

Me Pawulo, boroko dya Kiristo Yesu, na mpaangi Timoteho, kuri Filemone, mbaasi yeetu ya mutima na ya kisalu,

Mukaanda kuri Bahebeleho 13:23

Yaabee ti mpaangi yeetu Timoteho bamupalisiri mu boroko, mbuti wasiri na kwiisa kuri me, lo sa twiisa beetu na nde mu kulumono.