1 Yow 5:6 - Musamu Wamubwete 2013

⁶ Yesu Kiristo ngo wunde wayisiri na maampa na makila, kari na mani maampa kitsu ko, ngo na maampa na makila; Mpeeve ngo muteeri kimbaangi, bukuri Mpeeve ngo ngwanwa.

1 Yow 5:6 ပူးပေါင်းရင်းမြစ်များ

Musamu wamubwete watina Matayi 26:28

Bukuri mamama ngo makila maami, ma lulelusunu matsaamuka mu balaka, mu ntoono mpemusunu ya masumu.

Musamu wamubwete watina Matayi 3:16

Yesu na kumubotoko na kutoomboko ku nkoto; na mono, mayulu madzibuma [mu ntoono ya nde], na nde wamono Mpeeve ya Nzaambi yakulumuka, bunu beembe [na] yayisa ha yulu nde.

Musamu wamubwete watina Malako 14:24

Nde wabaleele ti: «Mamama ngo makila maami ma lulelusunu, matsaamuka mu ntoono balaka.

Musamu wamubwete watina Luka 22:20

Wasa bunubwo se mu mbasa, bu kamana kudya, waleele ti: «Mbasa yimayi, ngo lulelusunu lwamoono mu makila maami, matsaamuka mu beenu.

Musamu wamubwete watina Yowane 14:17

Mpeeve ya ngwanwa yiri, nsi lo yahele kubangisina kuyitaambula, bukuri nsi yahele kuyimono, na yahele kuyiyaaba; ngo kasi beenu luyiyaari, bukuri yo yiri ha kakati dya beenu, na sa yanamitina kuba mu beenu.

Musamu wamubwete watina Yowane 14:6

Yesu waleele kuri nde ti: «Me ngo nzila, ngwanwa na bumwooyo; kuri muutu wukweende kuri Taata, mbuti ka mu me ko.

Musamu wamubwete watina Yowane 15:26

«Mbasi-tsuku, dikwiisa Mukakiri wuri ku Taata, Mpeeve Yangwanwa yifumuna kuri Taata, wunyiluheeke me, nde sa kateele me kimbaangi,

Musamu wamubwete watina Yowane 16:13

Mu ntaangu yi kakwiisa, Mpeeve Yangwanwa, sa kalutwaalisa kunsa ngwanwa yoyinso, bukuri nde kadzoonsolo mu nde-meene ko, ngo sa kadzoonsolo mu momanso ma kari kayuka, na sa kaluyaabisa, misamu mikwiisa.

Musamu wamubwete watina Yowane 3:5

Yesu wabvutula ti: «Ngwanwa mu ngwanwa, me nyikuleele ti, mbuti muutu wahele kubutuka mu maampa na mu Mpeeve, lo kabangusina kukoto mu Kimfumu kya Nzaambi ko.

Musamu wamubwete watina Yowane 4:10

Yesu wabvutula, wamuleele ti: «Mbuti ye beeyaari kikabu kya Nzaambi, na wunde wuri mu kukuleele ti: Ha me maampa ma kunwa, nkani ye ketyee kumuloombo maampa, na nde ketyee kuha ye maampa ma mwooyo.»

Musamu wamubwete watina Yowane 4:14

ngo kasi wunde wunwa maampa ma nyimuha me, lo kabweese kubaka mpwiisu Maampa ko mu mantaangu momanso; ngo maampa ma nyimuha me, sa makituka mu nde kitekulu kipala maampa ma kidziingu kyahele manunu.»

Musamu wamubwete watina Yowane 6:55

Bukuri muswinyi waami byandya byangwanwa, na makila maami malu mangwanwa.

Biyiriki bya Bantumu 8:36

Bu baba mu kweyende mu nzila, batubuka hari maampa. Mpokoro muutu waleele ti: "Mono maampa moma, nki bi kakisila ye mu kubotoko me?" [

Mukaanda kuri bari Loma 3:25

Nde, Nzaambi kari kayakisa bunu kikori mu makila maandi mu nzila ya kanyi, mu kusoongo nsungumunu yaandi bu kahemisini masumu matekisiri,

Mukaanda kuri bari Efeso 1:7

Mu nde, beetu turi na nkuululu mu makila maandi, na mpemusunu ya lumvuki, bunu buri busina bwa bweese bwaandi,

Mukaanda kuri bari Kolosayi 1:4

Beetu twayukiri badzoonsolo mu kanyi di luri na dyo mu Kiristo Yesu, na mu ntiilu yi luri na yo mu bangisi bobanso,

1 Tim 3:16

Diri dyayabakana ti, mpaanu dza kinzaambi dziri dzadzinene: Kiristo, wamonikini mu muswinyi, Mpeeve wasoongiri kuri ti nde wasuunguma, bambasi bamumono, bamuyabikisa kuri makaanda, bamusiila kanyi mu nsi, bamunata ku yulu mu nkeembu.

Mukaanda kuri Tito 3:5

nde watubvuukisa, kari mu ntoono biyiriki byansuungumunu, bi twaba twayirika ko, ngo mu ngebe dzaandi, mu muswaaka wa mbutukulu yamoono, na mu nkitukulu yamoono ya Mpeeve Yangisi.

Mukaanda kuri Bahebeleho 10:29

Heki lo buri beenu lutsima bubeele bunene bwa maseembu, ma baha kuri wunde wusaana Mwaana Nzaambi, wunyaafuna makila ma lulelusunu ma kari kabakala bungisi, na kutuka Mpeeve ya bweese?

Mukaanda kuri Bahebeleho 12:24

bebele na Yesu munkabu-kati wa lulelusunu lwamoono, na makila ma nyakunu mabvuriri kudzoonso kwakubwe, ti na makila ma Abele.

Mukaanda kuri Bahebeleho 13:20

Hemese Nzaambi ya kiyeengi, wafulukisi mu bafwa Mfumu yeetu Yesu, mutari wamunene, mu ntoono makila ma lulelusunu lwa na mu mantaangu momanso,

Mukaanda kuri Bahebeleho 9:14

lo makila ma Kiristo, waheeri nyutu yaandi yahele na kipfuumi, mu Mpeeve ya mantaangu momanso kuri Nzaambi, mabvuriri kutsyeemese nsimunu yeetu mu biyiriki byafwa, mu kusalila Nzaambi yamwooyo.

Mukaanda kuri Bahebeleho 9:7

Mu musaampu wamyoolo, wunu mukuutu bangaanga-nzaambi, waba kotaana mbala mosi mu mubvu, na makila ma kuha kikabu mu ntoono lumvuki lwa nde-meene, na lwa baatu.

1 Pet 1:2

bunu buri nyaabulu yatekesele ya Taata Nzaambi, mu mpeelu bungisi ya Mpeeve, mu ntumumunu na nyakunu makila ma Yesu Kiristo. Bweese na kiyeengi biba byafunusu kuri beenu!

1 Pet 3:21

Kikyo kyaba kifwaani kya mbotokulu, yilubvuukisa mu lumalu, mbotokulu yiyo yiri ya nswaakulu mviindu dza muswinyi ko, ngo ntambukulu Nzaambi mu kitsimi, mu nzila ya mfulukulu Yesu Kiristo,

1 Yow 1:7

mbuti beetu tudyaatila kunsa buungi, lo turi mu kintwaari beetu na beetu, na makila ma Yesu, Mwaana waandi, matutsyeemisaa mu mpisi sumu.

1 Yow 4:10

Ntiilu yiri bumabu: ka kuri ko ti beetu twatiiri Nzaambi, ngo kasi nde watutya, na waheeke Mwaana waandi, bunu kikori mu masumu meetu.

Nyabusulu ya Yowane 1:5

na kuri Yesu Kiristo, Mbaangi yakwiikama, watete wabutuka mu bafwa, na mwaana mfumu ya bambyaasi ba butoto. Kuri nde wututiiri, watukuula mu masumu meetu mu makila maandi,

Nyabusulu ya Yowane 5:9

Baba yimbilaana mukuunga wamoono ti: «Ye wayelemene kuholo mukaanda, na kudzibula binyemu byaandi, bukuri ye bakukekiri, na mu makila maaku, ye wakuula baatu mu ntoono Nzaambi, ba bitsuumbu byobinso, mandiinga momanso, baatu bobanso, na makaanda momanso.

Nyabusulu ya Yowane 7:14

Me nyaleele kuri nde ti: «Mfumu yaami, ye yaari.» Nde waleele kuri me ti: «Bamaba ngo bamwiini mpasi dzalaka, baswaakiri madzweele maaku, na bahembikisi mo mu makila ma Mwaana kimeeme.