1 Yow 5:19 - Musamu Wamubwete 2013

¹⁹ Tuyaari ti beetu turi baatu ba Nzaambi, na nsi yoyinso yiri kunsa bubi.

1 Yow 5:19 ပူးပေါင်းရင်းမြစ်များ

Musamu wamubwete watina Luka 4:6

na wamuleele ti: «Me sa nyakuha lutumu lwolunso lu, na nkeembu ya bimabi bukuri kuri me bari bayiha, na me lo mpeeri yo, kuri wunde wutiiri kuha.

Musamu wamubwete watina Yowane 12:31

Mu lumalu, nsundusulu ya nsi yeki; mu lumalu, mfumu ya nsi yimayi sa bamutuba ku mbasi;

Musamu wamubwete watina Yowane 14:30

Me ka nyibweese kudzoonso kwalaka na beenu ko, bukuri mutumi nsi wiisiri, ngo nde wahele na lutumu ti lumosi mu me,

Musamu wamubwete watina Yowane 16:11

mu mitariri mutsuundu, bukuri Mfumu ya nsi yimayi weki watsuundusu.»

Musamu wamubwete watina Yowane 17:15

Me nyahele kuloombo kuri ti, ye wubayisila mu nsi, ngo kuri ti ye wubakebe mu Ngaa-bubi.

Mukaanda kuri bari Loma 8:16

Mpeeve yo-meene, yita kimbaangi kuri kiluunsi kyeetu, ti beetu turi baala ba Nzaambi.

2 Kol 1:12

Mukwongo, kimweese kyeetu ngo kimbaangi kya nsimunu yeetu, beetu twadyaatiri ha nsi, na ha busu bwa beenu, mu nkulukulu na mu nsyemukunu ya Nzaambi, kari mu madyeele ma kimuutu ko, ngo mu bweese bwa Nzaambi.

2 Kol 4:4

mu baatu bahele na kanyi, bari nzaambi ya nsi yi wayeki wabiiyisa madyeele ma bo, mpisi bahele kutalila buungi bwa Musamu Wamubwete, wa nkeembu ya Kiristo, nde wuri kifwaani kya Nzaambi.

2 Kol 5:1

Mukwongo, beetu tuyaari ti, mbuti nzo yeetu ya musaampu ya ha butoto ha yitsyaamukini, lo turi na nzo ya mantaangu momanso kuri Nzaambi mu mayulu, yahele kuba yatuungu mu myooko mya baatu.

Mukaanda kuri bari Ngalatya 1:4

Yesu Kiristo wayekiri nyutu yaandi mu ntoono masumu ma beetu, mpisi heki katukuula mu ntaangu yayibi yimayi, bunu buri kutya kwa Nzaambi wuri Taayi dyeetu.

Mukaanda kuri bari Efeso 2:2

mu mo, beenu lwaba kwedyaatilaana mu ntaangu yayikulu, bunu buri bifu bya nsi yimayi, bunu buri lutumu lwa mfumu mpinu dza kingye-kingye, mpeeve yiyo yiri mu kwesala mu lumalu, ha kakati dya baala ba tungu.

2 Tim 1:12

Mu ntoono yiyo se, me nyiri mu kumono mpasi dzimadzi, ngo nyahele na nsoni, bukuri me nyaari mu nani me nyiri nyasa kanyi, na nyabakula ti, nde wakuka mu kukebe maampu ma kari kampa, natee mu kiluumbu kikyo.

Mukaanda kuri Tito 3:3

Mukwongo, mu ntaangu yayikulu beetuneenu se twaba biwulu, bangaa-nko, badziimbila, twaba mu bunkutu bwa nyiimunu na biminu bya bitsuumbu-bitsuumbu, twaba kwelutisa ntaangu mu mamabi na mu musoki, twaba baatu bari babele na bakwebelesene bo na bo.

Mukaanda wa Yakobo 4:4

Bangaa-kimpala! Buri beenu lwahele kuyaaba ti kinduku na nsi ngo kitaatu na Nzaambi? Mpisi wunde wutiiri kuba nduku nsi, lo kitukiri mutaatu Nzaambi.

1 Yow 3:14

Beetu tuyaari ti, twayeki twayisika mu lufwa mu kuluta mu bumwooyo, bukuri beetu tutyaanaa bampaangi. Wunde wahele kutya bampaangi, lo wafwa kwakinkulu.

1 Yow 3:24

Wunde wukebaa ntumu dzaandi wasa kikuundi mu Nzaambi, na Nzaambi wasa kikuundi mu nde. Mu dimadi beetu tuyaabilaa ti, Nzaambi wasa kikuundi mu beetu, mu Mpeeve yi kari katuha.

1 Yow 5:10

Wunde wusiilaa kanyi mu Mwaana Nzaambi, wuri na kimbaangi mu nde-meene. Wunde wuhelaa kusiila kanyi mu Nzaambi, lo wusanaa kuri ti Nzaambi kaba ngaa-mpya, bukuri wahele kutaambula kimbaangi kya Nzaambi, ki kari kata mu Mwaana waandi.

1 Yow 5:13

Me nyalutinini mamo mpisi luyaaba ti, beenu lusiila kanyi mu nkuumbu Mwaana Nzaambi, luri na kidziingu kya mantaangu momanso.

1 Yow 5:15

Na mbuti tuyaari ti nde wutuywiilaa, lo tuyaari se ti tutaambulaa bibyo bi tumuloombaa.

1 Yow 5:18

Tuyaari ti mpisi wabutuka kuri Nzaambi, lo kayirikaa masumu ko, bukuri Mwaana Nzaambi wumukebaa, na Ngaa-bubi kari mbelemene nde ko.

1 Yow 5:20

Ngo kasi tuyaari ti, Mwaana Nzaambi wayisa, na watuha madyeele mu kuyaaba Wangwanwa; na turi kunsa Wangwanwa, mu Mwaana waandi, Yesu Kiristo. Nde wuri Nzaambi yangwanwa, na kidziingu kya mantaangu momanso.

Nyabusulu ya Yowane 12:9

Batuba ha butoto Maŋataŋo mamanene, nyoko yayikulu, yi bateele ti dyabulu na Satana, wunde wudziimbisa nsi yansiina, bamutuba ha butoto, bambasi baandi se babatuba kintwaari na nde.

Nyabusulu ya Yowane 20:3

Mbasi yamutuba ku lubila, yakaanga na yasa kinyemu, mpisi heki maŋataŋo kahele kubweese kwewumuna makaanda, natee kukuka fuunda dya mibvu. Ha mambisa haho, bayelemini kumupatula mu mwaa-ntaangu yantele.