1 Yow 4:9 - Musamu Wamubwete 2013

⁹ Bumabu ntiilu ya Nzaambi yiri yayabakana ha kakati dya beetu: nde waheeke Mwaana waandi ndemosi mu nsi, mpisi heki tuba mwooyo mu nde.

1 Yow 4:9 ပူးပေါင်းရင်းမြစ်များ

Musamu wamubwete watina Malako 12:6

Waba wasaala kuri nde wunu mwaana wa mutima kitsu. Wamuheeke wampotulu kuri bo, mu kuri ti: "Bo bee babvumina mwaana me."»

Musamu wamubwete watina Luka 4:18

«Mpeeve ya Mfumu yiri mu me, bukuri nde wankila maasi, mu kunata Musamu Wamubwete kuri bawelu. Nde wampeeke mu kubikisa bunsaalisi, kuri bari mu maboroko, na nsinukunu kuri bafwa miisu, kubvutula bari mu nkwaamusunu kunsa bunsaalisi,

Musamu wamubwete watina Yowane 10:10

Ngaa-kwiibi nde kwiisa mu kunu kuri ti, kayiba, kakeke na kadzusa. Ngo me nyayisa mu kuri ti, bimeeme biba na kidziingu kya buukula.

Musamu wamubwete watina Yowane 14:6

Yesu waleele kuri nde ti: «Me ngo nzila, ngwanwa na bumwooyo; kuri muutu wukweende kuri Taata, mbuti ka mu me ko.

Musamu wamubwete watina Yowane 3:16

Bukuri bumabu Nzaambi watya nsi, nde waha Mwaana waandi ndemosi, kuri heki, mpisi wunde wumusiila kanyi, kahele kufuuka, ngo kabaka kidziingu kyahele manunu.

Musamu wamubwete watina Yowane 3:18

Mpisi wusa kanyi mu nde, lo wahele kuba watsuundusu; ngo kasi wuhele kusa kanyi mu nde, lo weki watsuundusu, bukuri nde wahele kusa kanyi mu nkuumbu ya Mwaana Nzaambi ndemosi.

Musamu wamubwete watina Yowane 5:23

mpisi heki bobanso bakiinsa Mwaana bunu bu bakiinsa Taayi. Wunde wahele kukiinsa Mwaana, lo wahele kukiinsa se Taayi dyamuheeke.»

Musamu wamubwete watina Yowane 6:29

Yesu wabvutula waleele kuri bo ti: «Kisalu kya Nzaambi kiri kuri ti beenu lusa kanyi mu wunde wu kari kaheeke.»

Musamu wamubwete watina Yowane 6:51

Me ngo mpa ya mwooyo yafumuna ku yulu; mbuti muutu diiri mpa yiyo, lo nde sa kaba mwooyo mu bibvu ngo bibvu. Na mpa yi nyiha me, ngo muswinyi waami, mu ntoono kidziingu kya nsi.»

Musamu wamubwete watina Yowane 6:57

Bunu buri Taata wampeeke wuri mwooyo, na me nyiri mwooyo mu nde; bunu bubwo se wunde wudya me, sa kaba mwooyo mu me.

Musamu wamubwete watina Yowane 8:29

Wunde wampeeke, wuri kintwaari na me; nde wahele kusiisa me, me mukaka, bukuri me kooyirikaa ma katiiri nde, mu mantaangu momanso.»

Musamu wamubwete watina Yowane 8:42

Yesu waleele kuri bo ti: «Mbuti Nzaambi beeri Taayi dya beenu, nkani beenu luketyee kutya me, bukuri me nyapalila mu Nzaambi, na kuri nde me mfumini, me nyahele kwiisikila mu me-meene, ngo nde wampeeke.

Musamu wamubwete watina Yowane 9:3

Yesu wabvutula ti: «Kari nde ko, kari se taayi na nguri ko, mu kuri ti biyiriki bya Nzaambi biba byamonoko mu nde.

Mukaanda kuri bari Loma 8:32

Nde wuri kasii wuungula Mwaana wa nde-meene ko, kasi wamuyekiri mu ntoono beetu-banso, lo dyaburi kahele kutuha byobinso kintwaari na nde?

Mukaanda kuri Bahebeleho 1:5

Mukwongo, Nzaambi wahele kuleele ti kuri mosi mu bambasi ti: «Ye wuri Mwaana me, lumalu me nyikubutiri.» Na wahele bweese kuleele ti: «Me sa nyaba Taayi kuri nde, na nde sa kaba Mwaana kuri me.»

1 Yow 3:16

Mu didyo, beetu twayeki twayaaba ntiilu, bukuri Kiristo waheeri kidziingu kyaandi mu ntoono beetu, na beetu se tuyelemini kuha kidziingu kyeetu mu ntoono bampaangi.

1 Yow 4:10

Ntiilu yiri bumabu: ka kuri ko ti beetu twatiiri Nzaambi, ngo kasi nde watutya, na waheeke Mwaana waandi, bunu kikori mu masumu meetu.

1 Yow 4:16

Beetu twayaaba, na twasa kanyi mu ntiilu yiri na Nzaambi mu beetu. Nzaambi ngo ntiilu; mpisi wunde wasa kikuundi mu ntiilu, lo wasa kikuundi mu Nzaambi, na Nzaambi wasa kikuundi mu nde.

1 Yow 5:11

Kimbaangi kikyo ngo ki: Nzaambi watuha kidziingu kya mantaangu momanso, na kidziingu kikyo kiri mu Mwaana waandi.

1 Yow 5:13

Me nyalutinini mamo mpisi luyaaba ti, beenu lusiila kanyi mu nkuumbu Mwaana Nzaambi, luri na kidziingu kya mantaangu momanso.