1 Yow 4:7 - Musamu Wamubwete 2013

⁷ Banduku ba mutima, tutilisinee beetu na beetu, bukuri ntiilu yiri ya Nzaambi. Mpisi wuri na ntiilu wabutuka kuri Nzaambi na yaari Nzaambi.

1 Yow 4:7 ပူးပေါင်းရင်းမြစ်များ

Musamu wamubwete watina Yowane 13:34

Me nyiluha lutumu lwamoono: Tilisineenu beenu na beenu; bunu bu nyiri nyalutya me, beenu se tilisineenu beenu na beenu.

Musamu wamubwete watina Yowane 17:3

Kidziingu kya mantaangu mpmanso ngo kimaki: bayaaba ye, Nzaambi yomosi kitsu yangwanwa, na wunde wu wuri waheeke, Yesu Kiristo.

1 Kol 8:3

Ngo mbuti muutu tiiri Nzaambi, lo nde wayabakana kuri Nzaambi.

2 Kol 4:6

Bukuri Nzaambi waleeriri ti: «Mu mampimbisi, buungi sa bwaseme!» Nde wasemini mu mitima myeetu, mu kusoongo nteendele ya nyaabulu nkeembu Nzaambi, ku busu bwa Yesu Kiristo.

Mukaanda kuri bari Ngalatya 4:9

Ngo mu lumalu, bu lumwaayaaba Nzaambi, dibvuriri bubwete diri lumwaayabakana kuri Nzaambi, dyaburi beenu lubweese kubvutuka kuri bitotolo byahele makwa na byabuunu, mu nzala kubweese kuba bankutu kuri byo?

Mukaanda kuri bari Ngalatya 5:22

Kasi kimbutu kya Mpeeve ngo: ntiilu, kiminu, kiyeengi, nkindusulu-mutima, mbweeyulu-mutima, nzala-baatu, kanyi,

2 Tim 1:7

Mukwongo, Nzaambi kasii kutuha mpeeve ya boomo ko, ngo ya mpinu, ya ntiilu na ya bundeembu.

1 Pet 1:22

Beenu lwatsyeemese miheebulu myeenu mu kutumuma kuri ngwanwa, mu dyaambu dya ntiilu ya kimpaangi, yahele na bumpitu-bumpyoongo. Tilisineenu beenu na beenu kwalaka mu mutima watsyeemeke,

1 Yow 2:10

Wunde wutyaanaa mpaangi yaandi, lo wasa kikuundi kunsa buungi, na mu nde mpwaani ya kubwa mu masumu yo pe.

1 Yow 2:29

Mbuti beenu luyaari ti nde wasuunguma, lo yabee se ti mpisi wunde wusalilaa nsungumunu, lo wabutuka mu nde.

1 Yow 2:3

Mu dimadi beetu tubakulaa ti twayeki twamuyaaba, mbuti tukebaa ntumu dzaandi.

1 Yow 2:4

Mpisi wunde wuleelaa ti: «Me nyayeki nyamuyaaba», ngo wahele kukebe ntumu dzaandi, lo nde ngaa-mpya, na mu nde ngwanwa yo pe.

1 Yow 2:7

Banduku ba mutima, me nyahele kulutinina lutumu lwamoono; ngo kasi lutumu lwalukulu lu lwataamburi beenu, kuholosono kunu mbandukulu. Lutumu lwalukulu lulwo ngo maampu ma luri lwayuka.

1 Yow 3:9

Mpisi wunde wabutuka kuri Nzaambi kayirikaa masumu ko, bukuri mumbutu Nzaambi wasa kikuundi mu nde. Nde ka katsiitsa kuyirika masumu ko, bukuri wabutuka kuri Nzaambi.

1 Yow 4:11

Banduku ba mutima, mbuti Nzaambi watutiila mu kiteesu kya bubwo, beetu se tuyelemini kwetilisina beetu na beetu.

1 Yow 4:12

Kuri muutu ko wumwaamono Nzaambi. Mbuti tutilisinaa beetu na beetu, lo Nzaambi wusanaa kikuundi mu beetu, na ntiilu yaandi mu beetu yayeki yakuka.

1 Yow 4:16

Beetu twayaaba, na twasa kanyi mu ntiilu yiri na Nzaambi mu beetu. Nzaambi ngo ntiilu; mpisi wunde wasa kikuundi mu ntiilu, lo wasa kikuundi mu Nzaambi, na Nzaambi wasa kikuundi mu nde.

1 Yow 4:20

Mbuti muutu wuleele ti: «Me ntiiri Nzaambi», ngo wubelaa mpaangi yaandi, lo nde ngaa-mpya. Mukwongo, wunde wuhelaa kutya mpaangi yaandi yikamono, lo katsiitsa kutya Nzaambi ko, wu kahele kumono.

1 Yow 4:8

Wunde wahele na ntiilu, lo ka yaa Nzaambi ko, bukuri Nzaambi ngo ntiilu.

1 Yow 5:1

Mpisi wunde wusa kanyi ti Yesu ngo Kiristo, lo nde wabutuka kuri Nzaambi, na mpisi wunde wutiiri mubuti, lo katya se wabutuka kuri nde.

2 Yow 1:5

Na mu lumalu di nyiloombo kuri ye, Mukyeetu, kari bunu ti lutumu lwamoono, me nyiri mu kutinina kuri ye ko, ngo luni lu turi twataambula, kuholosono munu mbandukulu ti, twetilisineenu beetu na beetu.