1 Yow 4:20 - Musamu Wamubwete 2013

²⁰ Mbuti muutu wuleele ti: «Me ntiiri Nzaambi», ngo wubelaa mpaangi yaandi, lo nde ngaa-mpya. Mukwongo, wunde wuhelaa kutya mpaangi yaandi yikamono, lo katsiitsa kutya Nzaambi ko, wu kahele kumono.

1 Yow 4:20 ပူးပေါင်းရင်းမြစ်များ

Musamu wamubwete watina Yowane 13:35

Mu bubwo, bobanso bayaaba ti, beenu luri bayiki baami; mbuti beenu lwatilisina beenu na beenu.»

1 Pet 1:8

Beenu lutiiri wunde wuri lwasii kumumono ko, na mu lumalu kwahele kumumono lwasa kanyi mu nde. Beenu luri mu kutirimuka mu kiminu kyahele bwa kuleelele, kya nkeembu,

1 Yow 1:6

Mbuti tuleelaa ti turi kintwaari na nde, ngo tudyaatila kunsa mampimbisi, lo tufuta mpya, na ka twasalilaa ngwanwa ko;

1 Yow 1:8

Mbuti tuleeriri ti twahele na masumu, lo tuwunukunaa beetu-meene, na ngwanwa ka yiri mu beetu ko.

1 Yow 2:11

Wunde wubelaa mpaangi yaandi, lo wuri kunsa mampimbisi, wukwedyaatila kunsa mampimbisi, na wahele kuyaaba ku kakweyende, bukuri mampimbisi mamudzusa miisu.

1 Yow 2:4

Mpisi wunde wuleelaa ti: «Me nyayeki nyamuyaaba», ngo wahele kukebe ntumu dzaandi, lo nde ngaa-mpya, na mu nde ngwanwa yo pe.

1 Yow 2:9

Wunde wuleelaa ti wuri kunsa buungi, ngo wubelaa mpaangi yaandi, lo natee lu nde wuri kunsa mampimbisi.

1 Yow 3:17

Mpisi wunde wuri na lubaku lwa nsi, na mwiini mpaangi yaandi watikila, ngo kaangiri mutima, lo dyaburi ntiilu ya Nzaambi yitsiitsa kuba mu nde?

1 Yow 4:12

Kuri muutu ko wumwaamono Nzaambi. Mbuti tutilisinaa beetu na beetu, lo Nzaambi wusanaa kikuundi mu beetu, na ntiilu yaandi mu beetu yayeki yakuka.