1 Yow 3:6 - Musamu Wamubwete 2013

⁶ Mpisi wasa kikuundi mu nde, kayirikaa masumu ko; na mpisi wuyirikaa masumu, lo wakiri kumumono pe, na wakiri se kumuyaaba pe.

1 Yow 3:6 ပူးပေါင်းရင်းမြစ်များ

2 Kol 3:18

Beetu-banso bari busu bwahele kufuka nsaanda, nkeembu ya Mfumu yiri mu kuseme mu beetu, bunu ti mu lumweenye, mu kifwaani kikyo turi twakituka mu nkeembu na nkeembu, mu Mfumu wuri Mpeeve.

2 Kol 4:6

Bukuri Nzaambi waleeriri ti: «Mu mampimbisi, buungi sa bwaseme!» Nde wasemini mu mitima myeetu, mu kusoongo nteendele ya nyaabulu nkeembu Nzaambi, ku busu bwa Yesu Kiristo.

1 Yow 2:28

Na mu lumalu, mwaa-baala, seenee kikuundi mu nde. Mpisi heki, mbuti nde monikini, lo tubeeneenu na nsiitu, na tuhelee kufwa nsoni la na nde, mu ntaangu ya nyisulu yaandi.

1 Yow 2:3

Mu dimadi beetu tubakulaa ti twayeki twamuyaaba, mbuti tukebaa ntumu dzaandi.

1 Yow 2:4

Mpisi wunde wuleelaa ti: «Me nyayeki nyamuyaaba», ngo wahele kukebe ntumu dzaandi, lo nde ngaa-mpya, na mu nde ngwanwa yo pe.

1 Yow 3:2

Banduku ba mutima, mu lumalu turi baala ba Nzaambi, na bubwo mbasi-tsuku bu tubeenee bwakiri kumonokono pe. Tuyaari kuri ti: mbuti nde monokini, lo beetu sa twafwanikina na nde, bukuri sa twamumono bunu bu kari.

1 Yow 3:9

Mpisi wunde wabutuka kuri Nzaambi kayirikaa masumu ko, bukuri mumbutu Nzaambi wasa kikuundi mu nde. Nde ka katsiitsa kuyirika masumu ko, bukuri wabutuka kuri Nzaambi.

1 Yow 4:8

Wunde wahele na ntiilu, lo ka yaa Nzaambi ko, bukuri Nzaambi ngo ntiilu.

1 Yow 5:18

Tuyaari ti mpisi wabutuka kuri Nzaambi, lo kayirikaa masumu ko, bukuri Mwaana Nzaambi wumukebaa, na Ngaa-bubi kari mbelemene nde ko.

3 Yow 1:11

Nduku ya mutima, yaa wesombosolo mamabi ko; ngo sombosolo mamabwe. Wunde wusalilaa mamabwe wuri wa Nzaambi, na wunde wusalilaa mamabi, lo kamwii Nzaambi ko.