1 Yow 3:24 - Musamu Wamubwete 2013

²⁴ Wunde wukebaa ntumu dzaandi wasa kikuundi mu Nzaambi, na Nzaambi wasa kikuundi mu nde. Mu dimadi beetu tuyaabilaa ti, Nzaambi wasa kikuundi mu beetu, mu Mpeeve yi kari katuha.

1 Yow 3:24 ပူးပေါင်းရင်းမြစ်များ

Musamu wamubwete watina Yowane 10:38

Ngo mbuti me nyiri mu kubiyirika, ti hayuku lwahele kusiila kanyi mu me, lo seenee kanyi mu biyiriki, mpisi heki beenu lubakula na luyaaba ti Taata wuri mu me, na me nyiri mu Taata.»

Musamu wamubwete watina Yowane 14:17

Mpeeve ya ngwanwa yiri, nsi lo yahele kubangisina kuyitaambula, bukuri nsi yahele kuyimono, na yahele kuyiyaaba; ngo kasi beenu luyiyaari, bukuri yo yiri ha kakati dya beenu, na sa yanamitina kuba mu beenu.

Musamu wamubwete watina Yowane 17:21

mpisi heki bobanso baba mosi, bunu buri ye Taata mu me, na me se mu ye, mpisi heki bo se baba mu beetu, kuri heki nsi yisa kanyi, ti ye wampeeke.

1 Kol 3:16

Buri beenu lwahele kuyaaba ti beenu luri nzo-Nzaambi, na ti Mpeeve Nzaambi yadzakala mu beenu?

1 Kol 6:19

Buri beenu lwahele kuyaaba ti, nyutu beenu, ngo Nzo-nzaambi Mpeeve Yangisi, yiri mu beenu, yi luri lwataambula kuri Nzaambi, na lwahele kubweese kuba ba beenu-meene?

2 Kol 6:16

Nkya nyukusunu yiri ha kakati dya Nzo ya Nzaambi na biteki? Bukuri beetuneenu turi Nzo ya Nzaambi yamwooyo, bunu bwaleele Nzaambi ti: «Me sa nzakala ha kakati dya bo, na me sa nyeyende na bo, Me sa mba Nzaambi bo, na bo sa baba baatu baami.»

1 Tes 4:8

Hango-nkuumbu, mpisi wunde wubisa nyikusulu dzimadzi, lo kari muutu kabisiri ko, ngo Nzaambi wuhaanaa Mpeeve yaandi Yangisi kuri beenu.

2 Tim 1:14

Kebe maampu mamabwete mawuunguku mu ye, kuri Mpeeve Yangisi yidzakalaa mu beetuneenu.

1 Yow 2:24

Mamo ma lwayukiri kuholosono kunu mbandukulu, hemese masa kikuundi mu beenu. Mbuti mamo ma lwayukiri kuholosono kunu mbandukulu, masii kikuundi mu beenu, lo beenu se sa lwasa kikuundi mu Mwaana na mu Taata.

1 Yow 2:3

Mu dimadi beetu tubakulaa ti twayeki twamuyaaba, mbuti tukebaa ntumu dzaandi.

1 Yow 2:5

Wunde wukebaa maampu maandi, lo ngwanwa mu nde, ntiilu ya Nzaambi yayeki yakuka. Mu didyo, beetu tuyaabilaa ti turi mu nde.

1 Yow 2:6

Wunde wuleelaa ti wasa kikuundi mu nde, lo yelemini kudyaatila se, bunu bu kadyaatiri nde.

1 Yow 3:22

na mpisi ma tuloombo, tumataambula kuri nde, bukuri beetu tukebaa ntumu dzaandi, na tuyirikaa mamabwe ha busu bwaandi.

1 Yow 4:7

Banduku ba mutima, tutilisinee beetu na beetu, bukuri ntiilu yiri ya Nzaambi. Mpisi wuri na ntiilu wabutuka kuri Nzaambi na yaari Nzaambi.