1 Yow 3:22 - Musamu Wamubwete 2013

²² na mpisi ma tuloombo, tumataambula kuri nde, bukuri beetu tukebaa ntumu dzaandi, na tuyirikaa mamabwe ha busu bwaandi.

1 Yow 3:22 ပူးပေါင်းရင်းမြစ်များ

Musamu wamubwete watina Matayi 17:5

Bu kaba wakiri mu kudzoonso, mono tuti dya buungi dyabafuka mu mposi yaandi, na mono, mbeembu mosi yayukukuna mu tuti, yaleele ti: «Wumawu ngo mwaana waami wa mutima, mu nde me nyimonaa kiminu, muywiileenu!»

Musamu wamubwete watina Matayi 21:22

Momanso ma luloombo beenu mu lusaambulu, bu lusiiri kanyi sa lumataambula.»

Musamu wamubwete watina Malako 11:24

Hango-nkuumbu, me nyiluleeriri ti, momanso ma lusambikila na ma luloombo, siilee kanyi ti lumwaa mataambula, lo sa mayirima kuri beenu.

Musamu wamubwete watina Yowane 14:13

na mamo ma luloombo mu nkuumbu ya me, me sa nyayirika mo, mpisi heki Taata kaba wakeembusu mu Mwaana.

Musamu wamubwete watina Yowane 15:10

Mbuti beenu lukebiri ntumu dzaami, lo beenu sa lwanamitina kuba kunsa ntilu yaami; mu ntiilu yaami; bunu bu nyiri nyakebe me ntumu dza Taayi dyaami, na na nyanamitina kuba kunsa ntiilu yaandi mu ntiilu yaandi.»

Musamu wamubwete watina Yowane 15:7

Mbuti beenu lunamitina kuba mu me, na maampu maami Na maampu maami mamitina kuba mu beenu, lo loombeenu bi lutiiri, na sa lwataambula.

Musamu wamubwete watina Yowane 6:29

Yesu wabvutula waleele kuri bo ti: «Kisalu kya Nzaambi kiri kuri ti beenu lusa kanyi mu wunde wu kari kaheeke.»

Musamu wamubwete watina Yowane 8:29

Wunde wampeeke, wuri kintwaari na me; nde wahele kusiisa me, me mukaka, bukuri me kooyirikaa ma katiiri nde, mu mantaangu momanso.»

Musamu wamubwete watina Yowane 9:31

Beetu tuyaari ti, Nzaambi kakooyukilaa bangaa-masumu ko, ngo mbuti wuri na kinzaambi, na wuyirikaa kutya kwa nde, lo nde wumuywiilaa.

Biyiriki bya Bantumu 17:30

Nzaambi wahele kubweese kutsima mantaangu ma bunzimbu bwa baatu, mu lumalu nde wuloombo kuri baatu ba mansi momanso ti bayiinga madyeele.

Biyiriki bya Bantumu 20:21

Me nyaloombo kuri Bayudayo na kuri Bahelene mu nyiingulu madyeele mu Nzaambi na kusiila kanyi mu Mfumu yeetu Yesu.

Mukaanda kuri bari Filipo 4:18

Me nyataambula byobinso, na nyiri na byabuukula, me nyaluula bu nyataamburi bi lwampeekiri kuri Epaforodito, biri bunu mananaasi ma mfuku yayibwete, kikabu kya kudzusa kyataambulu na kyabweeye kuri Nzaambi.

Mukaanda kuri bari Kolosayi 1:10

kuri ti beenu lwedyaatila mu nzelu yayelemene mu Mfumu, mu kubweeye kuri mu myominso, mu kubuta bimbutu mu mpisi kiyiriki kyakibwete, na kubuuka mu nyaabulu ya Nzaambi.

Mukaanda kuri Bahebeleho 13:21

kaluha makwa ma kuyirika myominso myamibwete, mu kukukisa kutya kwaandi, kayirika mu beetu mamo mamabwete, ha busu bwa Yesu Kiristo, kuri nde kuba nkeembu mu bibvu ngo bibvu. Amene!

Mukaanda wa Yakobo 1:5

Ngo mbuti muutu mu beenu wahele na madyeele, lo kaloombo kuri Nzaambi, wuhaanaa kuri bobanso kwa mungengi, na kwahele biŋaŋunu, na sa kamuha mo.

Mukaanda wa Yakobo 4:3

Beenu lukweloombo na lwahele kutaambula, bukuri luloombaa kwakubi, mu nzala kuyukutisa mantiilu meenu.

Mukaanda wa Yakobo 5:16

Lomboseneenu mampemisi beenu na beenu, na sambisineenu beenu na beenu, mpisi lutaambula butsiina. Lusaambulu lwa muutu wasuunguma, luri na makwa malaka na lukoosalaa.

1 Yow 2:3

Mu dimadi beetu tubakulaa ti twayeki twamuyaaba, mbuti tukebaa ntumu dzaandi.

1 Yow 5:14

Dzimadzi ngo nsiitu dzi turi na dzo mu nde, mbuti tumuloombiri kitotolo, bunu buri kutya kwaandi, lo nde wutuywiilaana.