1 Yow 3:14 - Musamu Wamubwete 2013

¹⁴ Beetu tuyaari ti, twayeki twayisika mu lufwa mu kuluta mu bumwooyo, bukuri beetu tutyaanaa bampaangi. Wunde wahele kutya bampaangi, lo wafwa kwakinkulu.

1 Yow 3:14 ပူးပေါင်းရင်းမြစ်များ

Musamu wamubwete watina Matayi 25:40

Mbyaasi sa kabvutula, sa kaleele kuri bo ti: "Mu ngwanwa me nyiluleele ti: Mamo ma lwayirikiri kuri mosi, mu bampaangi bamaba, babvuriri buntele, lo kuri me lwayirikiri."»

Musamu wamubwete watina Luka 15:24

bukuri mwaana me wumawu, wabee wafwa, ngo bweesiri kuba wamwooyo, wabeeri wadziimbila, ngo bweesiri kumonoko." Bo babeke kukeembe.»

Musamu wamubwete watina Luka 15:32

Bu bee bwayelemene mu kusa munkeembu na kumono kiminu, bukuri mpaangi ye yi wabee wafwa na bweesiri kuba wamwooyo; wabee wadziimbila ngo bweesiri kumonoko!"»

Musamu wamubwete watina Luka 7:5

bukuri nde tiiri kaanda dyeetu, na watutuungula se na nzo-nkutukunu.»

Musamu wamubwete watina Yowane 13:35

Mu bubwo, bobanso bayaaba ti, beenu luri bayiki baami; mbuti beenu lwatilisina beenu na beenu.»

Musamu wamubwete watina Yowane 15:12

Lutumu lwa me ngo lu: tilisinee beenu na beenu, bunu bu nyiri nyalutiila me.

Musamu wamubwete watina Yowane 15:17

Ma nyilutuma me mamama, tilisinee beenu na beenu.»

Musamu wamubwete watina Yowane 5:24

«Ngwanwa mu ngwanwa me nyiluleele ti: wunde wuyuka maampu ma me, na wusa kanyi mu wunde wampeeke, lo wuri na kidziingu kyahele manunu. Nde wahele kwiisa ku mutsuundu, ngo wayeki wayisika mu lufwa mu kuluta ku bumwooyo.

2 Kol 5:1

Mukwongo, beetu tuyaari ti, mbuti nzo yeetu ya musaampu ya ha butoto ha yitsyaamukini, lo turi na nzo ya mantaangu momanso kuri Nzaambi mu mayulu, yahele kuba yatuungu mu myooko mya baatu.

Mukaanda kuri bari Ngalatya 5:22

Kasi kimbutu kya Mpeeve ngo: ntiilu, kiminu, kiyeengi, nkindusulu-mutima, mbweeyulu-mutima, nzala-baatu, kanyi,

Mukaanda kuri bari Efeso 1:15

Hango-nkuumbu, me se bu nyayukiri badzoonsolo mu ntoono kanyi dyeenu mu Mfumu Yesu, na ntiilu yeenu mu bangisi bonso,

Mukaanda kuri bari Efeso 2:1

Beenu lwaba lwafwa mu ntoono lumvuki lweenu, na mu masumu meenu,

Mukaanda kuri bari Efeso 2:5

bu twaba twafwa mu lumvuki, nde watuha mwooyo mu Kiristo. Mu bweese beenu luri lwabvuukila.

Mukaanda kuri bari Kolosayi 1:4

Beetu twayukiri badzoonsolo mu kanyi di luri na dyo mu Kiristo Yesu, na mu ntiilu yi luri na yo mu bangisi bobanso,

1 Tes 4:9

Mu dyaambu dya ntiilu ya kimpaangi, beenu luri na nzala kuri ti ba lutinina ko, bukuri beenu-meene lwayeki lwayika kuri Nzaambi bwa kutilisina beenu na beenu.

Mukaanda kuri Bahebeleho 13:1

Hemese ntiilu ya kimpaangi yinamitina kuba.

1 Pet 1:22

Beenu lwatsyeemese miheebulu myeenu mu kutumuma kuri ngwanwa, mu dyaambu dya ntiilu ya kimpaangi, yahele na bumpitu-bumpyoongo. Tilisineenu beenu na beenu kwalaka mu mutima watsyeemeke,

1 Pet 3:8

Ha mambisa haho, yukusunee beenu-banso, kabusinee mpasi, tyeenee bampaangi, beenee bangaa-ngebe, beene bakuluka,

2 Pet 1:7

ha yulu kinzaambi, nzala-baatu, ha yulu nzala-baatu, ntiilu.

1 Yow 2:3

Mu dimadi beetu tubakulaa ti twayeki twamuyaaba, mbuti tukebaa ntumu dzaandi.

1 Yow 3:23

Lumalu ngo lutumu lwaandi: ti beetu tusa kanyi mu Mwaana waandi, Yesu Kiristo, na tutilisinee beetu na beetu, bunu bu kari katuha lutumu.

1 Yow 4:12

Kuri muutu ko wumwaamono Nzaambi. Mbuti tutilisinaa beetu na beetu, lo Nzaambi wusanaa kikuundi mu beetu, na ntiilu yaandi mu beetu yayeki yakuka.

1 Yow 5:13

Me nyalutinini mamo mpisi luyaaba ti, beenu lusiila kanyi mu nkuumbu Mwaana Nzaambi, luri na kidziingu kya mantaangu momanso.

1 Yow 5:2

Beetu tuyaaba ti tutiiri baala ba Nzaambi, mu ntaangu yi tukootyaanaa Nzaambi, na yi tusalilaa ntumu dzaandi.