1 Yow 3:12 - Musamu Wamubwete 2013

¹² Yaa tuba bunu Kayini ko, waba ngaa-bubi, na wadzusiri mpaangi yaandi. Heki mu nkya ntoono kamudzusiri? Bukuri biyiriki bya Kayini byaba byabibi, na bya mpaangi yaandi byaba byasuunguma.

1 Yow 3:12 ပူးပေါင်းရင်းမြစ်များ

Musamu wamubwete watina Matayi 13:19

«Mpisi wuyuka maampu ma Kimfumu, ngo wahele kubakula, lo muutu wuri, ngaa-bubi bu kiisiri, dzikiri ma bakuninyee mu mutima waandi. Wunde ngo wuri bunu luteembu lwa nzila lubwiiri nsaangi.

Musamu wamubwete watina Matayi 13:38

nseke ngo nsi; nsaangi dzadzibwete ngo baala ba Kimfumu, lukengisi ngo baala ba Ngaa-bubi,

Musamu wamubwete watina Matayi 23:35

mpisi heki makila momanso ma basuunguma, matsaamukini ha butoto, kuholosono mu Abele ngaa-kusuunguma, natee mu Dzakariya, mwaana Barakya, wulwadzusiri ha kakati dya kihekiri kyangisi na dziku, mabwa ha yulu beenu.

Musamu wamubwete watina Matayi 27:23

Ngoforo waleele ti: «Nkya mamabi kari kayirika?» Bo bahamisa kubikisa baleele ti: «Kaba wakomunu ha kuruwa.»

Musamu wamubwete watina Matayi 5:37

Nzoonsulu yaaku yiba mbuti "heehe", lo "heehe", mbuti "pele", lo "pele"; mi babweese kuleele ha yulu haho, lo mya Ngaa-bubi.»

Musamu wamubwete watina Luka 11:51

kuholosono mu makila ma Abele natee mu makila ma Dzakariya wu badzusiri ha kakati dya dziku na nzo yangisi. Heehe, me nyiluleele kuri beenu ti kiseendu kimaki sa kyafuta momanso mamo.

Musamu wamubwete watina Yowane 10:32

Yesu waleele kuri bo ti: «Biyiriki byalaka byabibwe byafumuna kuri Taata, me nyalusoongiri. Mu nkya kiyiriki mu byo, beenu lusaka kudzusila me mu matari?»

Musamu wamubwete watina Yowane 8:40

Ngo mu lumalu, beenu lusaka me kudzusa, me muutu nyiluleeriri ngwanwa yi nyiri nyayuka kuri Taata. Abalaami kasii yirika, mamo ko.

Musamu wamubwete watina Yowane 8:41

Beenu luri mu kwesa biyiriki, bya taayi dyeenu.» Hango bo baleele kuri nde ti: «Beetu turi baala babutuka kunsa buyala ko, beetu Taayi dimosi turi na dyo, wunu Nzaambi.»

Biyiriki bya Bantumu 7:52

Nkya mubikiri wuri bataayi beenu bahele kukwaamisa? Bo badzusiri batekisiri kudzoonsolo mu nyisulu wasuunguma, mu lumalu mu wunde beenu lwakitukiri bayariki na badzusi.

1 Tes 2:14

Mukwongo, bampaangi, beenu lweki minsombisiri mya mabuundu ma Nzaambi, mari mu nkoonsi ya Yudaya, masiila kanyi mu Kiristo Yesu, bukuri beenu se lwabamini kuri ba beenu-meene ba luri nsi mosi, mu misamu myomimosi mya bamini mabuundu mamo kuri Bayudayo.

Mukaanda kuri Bahebeleho 11:4

Mu kanyi, Abele kaheeri kuri Nzaambi kikabu kya kudzusa kibvuriri bubwete ti na kya Kayini. Mu kanyi didyo, nde bari bamuteelele kimbaangi ti nde wasuunguma, Nzaambi nde-meene wata kimbaangi mu bikabu byaandi. Mu kanyi didyo nde kakiri mu kwedzoonso ti bukuri wayeki wafwa.

Mukaanda kuri Bahebeleho 12:24

bebele na Yesu munkabu-kati wa lulelusunu lwamoono, na makila ma nyakunu mabvuriri kudzoonso kwakubwe, ti na makila ma Abele.

1 Pet 4:4

Mu didyo, bo bamono dyo dyankimukunu, ti beenu lwahele kubweese kweba kintwaari na bo, kunsa mawaamba ma buyala, ngo bari mu kwelusaana.

1 Yow 3:8

Wunde wuyirikaa masumu, lo wa dyabulu, bukuri kuholosono kunu mbandukulu dyabulu watobiri masumu. Mu dimadi Mwaana Nzaambi kamonikini, mpisi katsyaamuna biyiriki bya dyabulu.

Mukaanda Yuda 1:11

Kyaari kuri bo, bukuri banemi nzila ya Kayini, bo bayekimini mu mpumukunu ya Balaami mu ntoono mufutu, na bafuukiri kunsa tungu dya Kore.

Nyabusulu ya Yowane 17:6

Me nyamono mukyeetu wakolo mu makila ma bangisi, na mu makila ma bambaangi ba Yesu. Me nyakimuka mu kiteesu kya makwa ha nyamumwiini.