1 Yow 3:10 - Musamu Wamubwete 2013

¹⁰ Mu didyo, bayaabulaa baala ba Nzaambi, na baala ba dyabulu. Mpisi wunde wuhelaa kusalila nsungumunu kari wa Nzaambi ko; bunubwo se kuri wuhelaa kutya mpaangi yaandi.

1 Yow 3:10 ပူးပေါင်းရင်းမြစ်များ

Musamu wamubwete watina Matayi 13:38

nseke ngo nsi; nsaangi dzadzibwete ngo baala ba Kimfumu, lukengisi ngo baala ba Ngaa-bubi,

Musamu wamubwete watina Luka 6:35

Ngo kasi, tyeeneenu bataatu beenu, yirikeenu mamabwe na soomboseenu kwahele kitsimi kiri ti balubvutikila. Museendu weenu sa kaba wamunene, na sa lwaba baala ba Mwa-yulu, bukuri nde wuri na mutima-bubwete, kuri bari bayaari kutoondo ko, na kuri bangaa-mutima-bubi.

Musamu wamubwete watina Yowane 1:12

Ngo kuri bobanso bamutaambula, nde wabaha lutumu lwa kuba baala ba Nzaambi, kuri babo basa kanyi mu nkuumbu yaandi,

Musamu wamubwete watina Yowane 11:52

kari munu mu ntoono kaanda ko, ngo se mu ntoono baala ba Nzaambi batsamukina, na se kabakutukisa mu kintwaari kimosi.

Musamu wamubwete watina Yowane 8:44

Taayi dya beenu ngo dyabulu, na beenu kutya kuyirika ma tiiri taayi dyeenu. Kuholosono kunu mbandukulu, nde mudzusi kari, na kasii ba kunsa ngwanwa ko, bukuri ngwanwa yahele mu nde. Habaanaa wudzoonso mya mpya, lo nde kusa bunu wudzoonso myamibwe, bukuri nde ngaa-mpya na taayi dya mpya.

Musamu wamubwete watina Yowane 8:47

Wunde wuri wa Nzaambi, wuyukaa Maampu ma Nzaambi; ngo beenu lwahele mu kuyuka, bukuri beenu luri ba Nzaambi ko.»

Biyiriki bya Bantumu 13:10

waleele ti: "Ho ye waluula mu mawunu na mu kwiibi, mwaana dyabulu, mutaatu nsungumunu, buri ye wuhoto ko mu kwetengemese ma nzila [ma] Mfumu masuunguma?

Mukaanda kuri bari Loma 13:8

Yaa lweba na bibiimbu bya baatu ko, mbuti ka kya kutilisina beenu na beenu ko, bukuri wutyaanaa mbaasi, wukukisaa mangisi.

Mukaanda kuri bari Efeso 5:1

Beeneenu minsombisiri mya Nzaambi bunu baala ba mutima;

Mukaanda kuri bari Kolosayi 3:14

Ha yulu momanso mamo, salilee ntiilu ngo musiinga wa nyirimunu yakuka.

1 Tim 1:5

Mufunu ntumunu yimayi, wuri mu kuri ti luba na ntiilu yifumunaa mu mutima watsyeemeke, nsimunu yayibwete, na kanyi dyahele bumpitu-bumpyoongo.

1 Yow 2:29

Mbuti beenu luyaari ti nde wasuunguma, lo yabee se ti mpisi wunde wusalilaa nsungumunu, lo wabutuka mu nde.

1 Yow 3:1

Monee nkya ntiilu Taata kari katutiila, mpisi heki batuteele baala ba Nzaambi, na turi se bo. Hango-nkuumbu, nsi yahele kutuyaaba, bukuri yahele kuyaaba nde.

1 Yow 3:2

Banduku ba mutima, mu lumalu turi baala ba Nzaambi, na bubwo mbasi-tsuku bu tubeenee bwakiri kumonokono pe. Tuyaari kuri ti: mbuti nde monokini, lo beetu sa twafwanikina na nde, bukuri sa twamumono bunu bu kari.

1 Yow 4:21

Lu ngo lutumu lu turi twataambula kuri nde: wunde wutya Nzaambi, lo katya se mpaangi yaandi.

1 Yow 4:6

Beetu turi baatu ba Nzaambi. Wunde wuyaari Nzaambi kootuywiila. Ngo wunde wuri kari wa Nzaambi ko, kakootuywiila ko. Mu didyo, beetu tuyaabilaa Mpeeve ya ngwanwa, na mpeeve ya mawunu.

1 Yow 4:8

Wunde wahele na ntiilu, lo ka yaa Nzaambi ko, bukuri Nzaambi ngo ntiilu.

1 Yow 5:19

Tuyaari ti beetu turi baatu ba Nzaambi, na nsi yoyinso yiri kunsa bubi.

1 Yow 5:2

Beetu tuyaaba ti tutiiri baala ba Nzaambi, mu ntaangu yi tukootyaanaa Nzaambi, na yi tusalilaa ntumu dzaandi.

3 Yow 1:11

Nduku ya mutima, yaa wesombosolo mamabi ko; ngo sombosolo mamabwe. Wunde wusalilaa mamabwe wuri wa Nzaambi, na wunde wusalilaa mamabi, lo kamwii Nzaambi ko.