1 Yow 2:5 - Musamu Wamubwete 2013

⁵ Wunde wukebaa maampu maandi, lo ngwanwa mu nde, ntiilu ya Nzaambi yayeki yakuka. Mu didyo, beetu tuyaabilaa ti turi mu nde.

1 Yow 2:5 ပူးပေါင်းရင်းမြစ်များ

Musamu wamubwete watina Luka 11:28

Nde wabvutula ti: «Kiminu lo kibvuriri kuri babo bayukaa maampu ma Nzaambi na bamasalilaana!»

Musamu wamubwete watina Yowane 14:21

«Wunde wuri na ntumu dzaami, na wukebaa dzo, lo wunde tiiri me. Wunde wutya me, Taayi dyaami sa kamutya. Na me sa nyamutya na sa nyamonokono kuri nde.»

Musamu wamubwete watina Yowane 14:23

Yesu wabvutula, waleele kuri nde ti: «Mbuti muutu tiiri me, lo sa kakebe Maampu maami; na Taayi dyaami sa kamutya, na kuri nde sa tweende, na beetu sa twadzakala kuri nde.

Musamu wamubwete watina Yowane 15:5

Me ngo mudzi bviinya, beenu ngo midzi myantele. Wunde wunamitina kuba mu me, na me mu nde, sa kabuta bimbutu byalaka, bukuri kwahele me, lo lubangusina kusa kitotolo ko.

Musamu wamubwete watina Yowane 6:56

Wunde wudya muswinyi waami, na wunwa makila maami, wasa kikuundi mu me, na me mu nde.

Mukaanda kuri bari Loma 8:1

Ngo mu lumalu, kwasaala mbwiilu mu mutsuundu ko, kuri babo bari mu Kiristo Yesu.

1 Kol 1:30

Nde wasa kuri ti beenu luba mu Kiristo Yesu, wuri wayeki nyaabulu yeetu yifumuna kuri Nzaambi, nsungumunu, bungisi na nkuululu,

2 Kol 5:17

Hango-nkuumbu, mbuti muutu wuri mu Kiristo, lo nde kiyiriki kyamoono; byabikulu byayeki byaluta, byamoono byayiingina.

2 Kol 5:21

Wunde waba wahele na masumu, nde wamusa ngaa-masumu mu ntoono beetu, mpisi heki mu nde, tubeenee nsungumunu ya Nzaambi.

Mukaanda wa Yakobo 2:22

Wumono ti, kanyi dyaba salisinaa na biyiriki byaandi, na mu biyiriki, kanyi dyatubuka mu kiteesu kyakuka.

1 Yow 3:24

Wunde wukebaa ntumu dzaandi wasa kikuundi mu Nzaambi, na Nzaambi wasa kikuundi mu nde. Mu dimadi beetu tuyaabilaa ti, Nzaambi wasa kikuundi mu beetu, mu Mpeeve yi kari katuha.

1 Yow 4:17

Mu didyo, ntiilu yiri yakuka ha kakati dya beetu, mpisi heki tubeeneenu na nsiitu mu kiluumbu kya mutsuundu, bukuri bunu bu kari nde, bunubwo se beetu turi mu nsi yimayi.

1 Yow 4:18

Boomo bwahele mu ntiilu; ngo kasi ntiilu yangwanwa yiyisilaa boomo, bukuri munsa boomo muri maseembu. Wunde wahele na boomo wayeki wakuka mu ntiilu.

1 Yow 5:2

Beetu tuyaaba ti tutiiri baala ba Nzaambi, mu ntaangu yi tukootyaanaa Nzaambi, na yi tusalilaa ntumu dzaandi.

1 Yow 5:20

Ngo kasi tuyaari ti, Mwaana Nzaambi wayisa, na watuha madyeele mu kuyaaba Wangwanwa; na turi kunsa Wangwanwa, mu Mwaana waandi, Yesu Kiristo. Nde wuri Nzaambi yangwanwa, na kidziingu kya mantaangu momanso.

2 Yow 1:6

Ntiilu yiri kuri ti, twedyaatileenu bunu buri ntumu dzaandi. Lutumu lu luri lwataambula kuholosono munu mbandukulu, kuri ti beenu lwedyaatila mu nde.

Nyabusulu ya Yowane 12:17

Maŋataŋo wabakila mukyeetu nkesi, na wayende mu kweesa mudziingu kuri baala ba wa mukyeetu basaala, babo bakebaa mangisi ma Nzaambi, na basimbikila kimbaangi kya Yesu.

Nyabusulu ya Yowane 14:12

Haho ngo, ha bamono kifiki kya bangisi, bakebaa ntumunu dza Nzaambi na kanyi mu Yesu.