1 Yow 2:4 - Musamu Wamubwete 2013

⁴ Mpisi wunde wuleelaa ti: «Me nyayeki nyamuyaaba», ngo wahele kukebe ntumu dzaandi, lo nde ngaa-mpya, na mu nde ngwanwa yo pe.

1 Yow 2:4 ပူးပေါင်းရင်းမြစ်များ

Musamu wamubwete watina Yowane 8:44

Taayi dya beenu ngo dyabulu, na beenu kutya kuyirika ma tiiri taayi dyeenu. Kuholosono kunu mbandukulu, nde mudzusi kari, na kasii ba kunsa ngwanwa ko, bukuri ngwanwa yahele mu nde. Habaanaa wudzoonso mya mpya, lo nde kusa bunu wudzoonso myamibwe, bukuri nde ngaa-mpya na taayi dya mpya.

Mukaanda kuri Tito 1:10

Mukwongo, bangaa-nko, bangaa-nzoonsolo dzahele mufunu, na bangaa-mawunu balaka bari, mbiki ti ha kakati dya bateende bubakala.

Mukaanda kuri Tito 1:16

Bo bakweleele ti bayaari Nzaambi, ngo mu biyiriki bo bakwemutuna. Bo bayeki nkeensu na bangaa-tungu, bakoono kuyirika ntoono ti yimosi yayibwete.

1 Yow 1:10

Mbuti tuleelaa ti twahele na masumu, lo tusaanaa kuri ti Nzaambi kaba ngaa-mpya, na maampu maandi ka mari mu beetu ko.

1 Yow 1:6

Mbuti tuleelaa ti turi kintwaari na nde, ngo tudyaatila kunsa mampimbisi, lo tufuta mpya, na ka twasalilaa ngwanwa ko;

1 Yow 1:8

Mbuti tuleeriri ti twahele na masumu, lo tuwunukunaa beetu-meene, na ngwanwa ka yiri mu beetu ko.

1 Yow 2:3

Mu dimadi beetu tubakulaa ti twayeki twamuyaaba, mbuti tukebaa ntumu dzaandi.

1 Yow 2:9

Wunde wuleelaa ti wuri kunsa buungi, ngo wubelaa mpaangi yaandi, lo natee lu nde wuri kunsa mampimbisi.

1 Yow 3:6

Mpisi wasa kikuundi mu nde, kayirikaa masumu ko; na mpisi wuyirikaa masumu, lo wakiri kumumono pe, na wakiri se kumuyaaba pe.

1 Yow 4:20

Mbuti muutu wuleele ti: «Me ntiiri Nzaambi», ngo wubelaa mpaangi yaandi, lo nde ngaa-mpya. Mukwongo, wunde wuhelaa kutya mpaangi yaandi yikamono, lo katsiitsa kutya Nzaambi ko, wu kahele kumono.

1 Yow 4:7

Banduku ba mutima, tutilisinee beetu na beetu, bukuri ntiilu yiri ya Nzaambi. Mpisi wuri na ntiilu wabutuka kuri Nzaambi na yaari Nzaambi.