1 Yow 2:28 - Musamu Wamubwete 2013

²⁸ Na mu lumalu, mwaa-baala, seenee kikuundi mu nde. Mpisi heki, mbuti nde monikini, lo tubeeneenu na nsiitu, na tuhelee kufwa nsoni la na nde, mu ntaangu ya nyisulu yaandi.

1 Yow 2:28 ပူးပေါင်းရင်းမြစ်များ

Musamu wamubwete watina Matayi 16:27

Mukwongo, Mwaana muutu weki mu kwiisa mu munkeembu wa taayi dyaandi, kintwaari na bambasi baandi; haho, nde kabvutula kuri muutu-muutu, bunu buri biyiriki byaandi.

Musamu wamubwete watina Matayi 16:28

Mu ngwanwa me nyiluleeriri ti: Babamosi mu bateleme hamaha, bafwa ko, natee bakiri mono Mwaana muutu wiisiri mu Kimfumu kyaandi.»

Musamu wamubwete watina Malako 8:38

Mukwongo, wunde wuba na nsoni mu me, na mu maampu maami, mu kiseendu kimaki, kya kimpala na kya masumu, lo Mwaana muutu se, ha kakwiisa nde na bambasi bangisi mu nkeembu Taayi dyaandi, sa kamumwiina nsoni.»

Musamu wamubwete watina Luka 17:30

Bunubwo se, mbasi-tsuku buba mu kiluumbu, kiyabukina Mwaana muutu.»

Mukaanda kuri bari Loma 9:33

bunu bu diri dyatinu ti: «Mono, me nyisuusa mu Syoni, tari dya mbumukunu makya, lweende dya mbwiisulu makubu. Ngo wunde wusiila kanyi mu nde, kafwa nsoni ko.»

1 Kol 1:7

kuri lo beenu luri ti na kikabu kimosi ki luri kyo pe ko, buluri mu kwekiingila monokunu ya Mfumu yeetu Yesu Kiristo.

1 Kol 15:23

ngo muutu-muutu ha kibeendu kyaandi, Kiristo ngo watete, tumi bari mu Kiristo, mu ntaangu ya nyisulu yaandi.

Mukaanda kuri bari Efeso 3:12

Mu kanyi mu nde, beetu turi na bunsaalisi bwa kudzoonso na kukokosolo kuri Nzaambi mu nsiitu dzodzinso.

Mukaanda kuri bari Kolosayi 3:4

Mu ntaangu mbasi-tsuku yi monokono Kiristo, nde wuri kidziingu kyeenu, beenu se kintwaari na nde sa lwamonokono mu nkeembu.

1 Tes 2:19

Mukwongo, beenu luri nsiitu yeetu, kiminu kyeetu, bunu pe lukoongolo lweetu lwa ndulukulu, ha busu bwa Mfumu yeetu Yesu mu ntaangu ya nyisulu yaandi.

1 Tes 3:13

Hemese nde kakumisa mitima myeenu, mpisi heki beenu luba bangisi na bahele maseembu ha busu bwa Taayi dyeetu Nzaambi, mu ntaangu ya nyisulu Mfumu yeetu Yesu kintwaari na bangisi baandi bobanso. [Amene].

1 Tes 5:23

Hemese Nzaambi ya kiyeengi nde-meene, kalusa bangisi mu kiteesu kyakuka, na bumuutu bwa beenu bwobunso, kiluunsi, muheebulu na nyutu, biba byakebu kwahele maseembu, mu nyisulu Mfumu yeetu Yesu Kiristo.

1 Tim 6:14

kebe lutumu kwahele kuba mviindu, na kwahele kuba mi bakuseembele, natee ha kwiisa kumonokono Mfumu yeetu Yesu Kiristo.

2 Tim 4:8

Mu lumalu, ba mwaampungukila mpu ya nsungumunu, mbasi-tsuku yi nyakisa Mfumu, mutsuundisi wasuunguma, mu kiluumbu kikyo; kari kunu kuri me ko, ngo kuri bobanso se batiiri monokunu yaandi.

Mukaanda kuri Tito 2:13

mu kwekiingila nsiitu yayibwete, na monokunu nkeembu ya Nzaambi wadzaangama, na ya Mubvuukisi weetu Yesu Kiristo.

Mukaanda kuri Bahebeleho 9:28

bunubwo se, Kiristo bamuha mu kikabu mbala mosi, mu kuyusula masumu ma fundu-fundu dya baatu, na kumonokono lwadzoolo kwahele masumu, kuri babo bamukiinga, mpisi kabaha mvuukulu.

1 Pet 1:7

Mpisi heki nsiitsulu ya kanyi dyeenu, yibvuriri ntalu, ti na woolo dyatsyeemese mu mbaawu kasi difuukaana, yibaka ndaandu ya nsiikulu, ya nkeembu na ya lukiinsu, mu ntaangu yiyabakana Yesu Kiristo.

1 Pet 5:4

Tumi ha monokono mukuutu batari, beenu lutaambula lukoongolo lwa nkeembu luri lwabiiya ko.

1 Yow 2:1

Mwaa-baala baami, me nyilutinina mamama, mpisi luhele kubwa mu masumu. Ngo mbuti muutu bwiiri mu masumu, lo turi na Nkariri kuri Taata, ngo Kiristo Yesu, ngaa-kusuunguma.

1 Yow 3:2

Banduku ba mutima, mu lumalu turi baala ba Nzaambi, na bubwo mbasi-tsuku bu tubeenee bwakiri kumonokono pe. Tuyaari kuri ti: mbuti nde monokini, lo beetu sa twafwanikina na nde, bukuri sa twamumono bunu bu kari.

1 Yow 3:21

Banduku ba mutima, mbuti mutima weetu wahele kutubwiisa, lo turi na nsiitu mu Nzaambi,

1 Yow 4:17

Mu didyo, ntiilu yiri yakuka ha kakati dya beetu, mpisi heki tubeeneenu na nsiitu mu kiluumbu kya mutsuundu, bukuri bunu bu kari nde, bunubwo se beetu turi mu nsi yimayi.

1 Yow 5:14

Dzimadzi ngo nsiitu dzi turi na dzo mu nde, mbuti tumuloombiri kitotolo, bunu buri kutya kwaandi, lo nde wutuywiilaana.

Nyabusulu ya Yowane 1:7

Mono, nde wuri mu kwiisa mu matuti, mpisi muutu sa kamumono, na babo bamutobiri dyoongi. Makaanda momanso ma ha butoto sa makoto mu manyoongi mu ntoono nde. Heehe! Amene!