1 Yow 2:16 - Musamu Wamubwete 2013

¹⁶ bukuri byobinso biri mu nsi, nyiimunu dza muswinyi, nyiimunu dza miisu na masiiku mu bya kidziingu, biri bya Taata ko, ngo kasi bya nsi.

1 Yow 2:16 ပူးပေါင်းရင်းမြစ်များ

Musamu wamubwete watina Matayi 4:8

Dyabulu wabweese kumunata ku yulu mulaandu nkati wadzaangama kwalaka, wamusoongo bimfumu byobinso bya nsi na nkeembu ya byo.

Musamu wamubwete watina Matayi 5:28

Ngo me nyileele ti: mpisi wunde wutala wa mukyeetu mu kumunyiima, lo mwaata kimpala na nde kunsa mutima waandi.

Musamu wamubwete watina Luka 4:5

Dyabulu wamunata ku nkati yulu, wamusoongo bimfumu bya nsi yiri baatu, mu kilookolo kimosi,

Mukaanda kuri bari Loma 13:14

ngo kasi lwaateenu Mfumu Yesu Kiristo, na yaa lweyirika ma tiiri muswinyi ko, mu kuhele kuyukutisa nyiimunu.

1 Kol 10:6

Misamu mimyo ngo kifwaani kuri beetu, kuri heki tuhele kuba bakwenyiima mamabi, bunu bwaba kwenyiimaana bo.

Mukaanda kuri bari Ngalatya 5:17

Bukuri muswinyi wukwenyiima mari kitaatu na Mpeeve; ngo Mpeeve se wukwenyiima mari kitaatu na muswinyi; mukwongo, bo batelemese kitaatu, wamosi mu wakaka, mpisi heki luhele kubangisina kuyirika ma lutiiri.

Mukaanda kuri bari Ngalatya 5:24

Babo bari ba Kiristo [Yesu], bayeki bakomono muswinyi na mantiilu, na nyiimunu dzaandi.

Mukaanda kuri bari Efeso 2:3

Beetu-banso se twaba kintwaari na bo, na twaba kwedyaatilaana mu ntaangu yayikulu, bunu buri nyiimunu dza muswinyi weetu, mu kweyirika matiiri muswinyi na bitsimi byeetu byabibi. Mu mbeelu yeetu, twaba baala bayelemene kubwiilikila nkesi dza Nzaambi bunu bakaka.

Mukaanda kuri Tito 2:12

Bwo buri mu kwetuyikisa, mpisi heki bu tubisiri bungooyi na nyiimunu dza nsi, twenata kidziingu kya ntaangu ya lumalu, mu kusokomo, mu nsungumunu na mu kinzaambi,

Mukaanda kuri Tito 3:3

Mukwongo, mu ntaangu yayikulu beetuneenu se twaba biwulu, bangaa-nko, badziimbila, twaba mu bunkutu bwa nyiimunu na biminu bya bitsuumbu-bitsuumbu, twaba kwelutisa ntaangu mu mamabi na mu musoki, twaba baatu bari babele na bakwebelesene bo na bo.

Mukaanda wa Yakobo 3:15

Madyeele ma bubwo, makoofumunaa ku yulu ko, ngo kasi ma nsi, ma kimuutu na ma mampeeve mamabi.

Mukaanda wa Yakobo 4:16

Beenu mu lu, lukwesa kimweese mu masiiku meenu; mpisi kimweese kya bubwo lo kyakibi.

1 Pet 1:14

Bunu baala bari na bintambukulu, yaa lunama kifwaani kya nyiimunu dza ntaangu yayikulu ko, yi lwaba lwakiri kunsa lubu.

1 Pet 2:11

Banduku ba mutima, me nyilusyaamisa bunu minzakikiri miri ku bunzeense, mu kukaanga mutima, mu kuhele kubwa mu nyiimunu dza muswinyi, dzikwenwaanisa muheebulu.

2 Pet 2:10

mbiki ti babo batiiri kweyukutisa muswinyi, mu nyiimunu dzasumuka, na bakwenyaafuna bumfumu. Babo ngo bangaa-nzala-kubila, bangaa-masiiku, bahele na boomo mu kwesaana biluunsi bya nkeembu,

2 Pet 2:18

Mukwongo, bakwedzoonso misamu myaminene myahele mufunu, bari mu kwekoondo mu nyiimunu dza muswinyi, mu buyala, babo babvuukila ha wuri dya mukuungi dya baatu bawumuka.