1 Yow 2:15 - Musamu Wamubwete 2013

¹⁵ Yaa lutya nsi ko, ti bitotolo biri mu nsi. Mbuti muutu tiiri nsi, lo kutya kwa Taata kwahele mu nde;

1 Yow 2:15 ပူးပေါင်းရင်းမြစ်များ

Musamu wamubwete watina Matayi 4:8

Dyabulu wabweese kumunata ku yulu mulaandu nkati wadzaangama kwalaka, wamusoongo bimfumu byobinso bya nsi na nkeembu ya byo.

Musamu wamubwete watina Matayi 6:24

«Kuri muutu ko wuri lo bangusini kusalila bamfumu boolo; mukwongo nde lo sa kabele wamosi, na kutya wakaka; bunu pe sa kakaangama mu wamosi, na kunyaafuna wakaka. Ka lutsiitsa kusalila Nzaambi kiteesu kimosi na mboongo ko.»

Musamu wamubwete watina Luka 16:13

«Kuri kisari kya mu nzo, kiri lo sariri bamfumu boolo ko. Mukwongo, nde lo sa kabele wamosi na kutya wakaka, bunu pe, sa kakaangama mu wamosi na kunyaafuna wakaka. Ka lutsiitsa kusalila Nzaambi na kusalila se busina ko.»

Musamu wamubwete watina Yowane 15:19

Mbuti beenu lwaba ba nsi, nkani nsi yaketi kulutya, bukuri beenu lwaketi kuba ba yo. Ngo bukuri, me nyalusooriri na nyalupalisiri mu nsi, na beenu lwahele kubweese kuba baatu ba nsi, mu ntoono yiyo, nsi yiri mu kulubele.

Mukaanda kuri bari Loma 12:2

Yaa lunama bifu bya ntaangu yimayi ko, ngo kasi beenee bakituka mu nkitukulu ya kiluunsi, mpisi lufyongokono bunu buri kutya kwa Nzaambi, kwakubwete, kwatya na kuri na nyirimunu yakuka.

Mukaanda kuri bari Ngalatya 1:10

Mukwongo, mu lumalu, me nsalila makwa mu kuyirika ma tiiri baatu hoti ma tiiri Nzaambi? Buri haho mbweeyulu kuri baatu nyisaka? Mbuti mbee nyakiri kwesaka mbweeyulu kuri baatu, lo nketyee kuba nkutu Kiristo ko.

Mukaanda kuri bari Efeso 2:2

mu mo, beenu lwaba kwedyaatilaana mu ntaangu yayikulu, bunu buri bifu bya nsi yimayi, bunu buri lutumu lwa mfumu mpinu dza kingye-kingye, mpeeve yiyo yiri mu kwesala mu lumalu, ha kakati dya baala ba tungu.

1 Tim 6:10

Mukwongo, ntiilu ya mboongo ngo mwaansi wa momanso mamabi; babamosi bakaangama mu yo, bayeki badziimbisa kanyi, na bakomono manyutu maaku mu mburi manyoongi.

Mukaanda wa Yakobo 1:27

Nsambukulu ya ngwanwa, na yahele nsumukunu ha busu bwa Taayi Nzaambi, ngo yimayi: kweyilimina bisaani na bafwiilila balumi, kunsa mpasi dzaaku, na kukebe nyutu yaandi mu nsumukunu dza nsi.

Mukaanda wa Yakobo 4:4

Bangaa-kimpala! Buri beenu lwahele kuyaaba ti kinduku na nsi ngo kitaatu na Nzaambi? Mpisi wunde wutiiri kuba nduku nsi, lo kitukiri mutaatu Nzaambi.

1 Yow 3:17

Mpisi wunde wuri na lubaku lwa nsi, na mwiini mpaangi yaandi watikila, ngo kaangiri mutima, lo dyaburi ntiilu ya Nzaambi yitsiitsa kuba mu nde?

1 Yow 4:5

Bo bari ba nsi; mu didyo, bakwedzoonsolo bunu buri nsi, na nsi yikwebaywiila.

1 Yow 5:10

Wunde wusiilaa kanyi mu Mwaana Nzaambi, wuri na kimbaangi mu nde-meene. Wunde wuhelaa kusiila kanyi mu Nzaambi, lo wusanaa kuri ti Nzaambi kaba ngaa-mpya, bukuri wahele kutaambula kimbaangi kya Nzaambi, ki kari kata mu Mwaana waandi.