1 Yow 2:13 - Musamu Wamubwete 2013

¹³ Me nyitinina kuri beenu bataata, bukuri beenu lwayeki lwamuyaaba kuholosono kunu mbandukulu. Me nyitinina kuri beenu bituuti, bukuri beenu lwabwiisiri Ngaa-bubi.

1 Yow 2:13 ပူးပေါင်းရင်းမြစ်များ

Musamu wamubwete watina Matayi 11:27

«Me Taata wampa byobinso. Kuri muutu ti mosi wuyaari Mwaana, mbuti ka Taata ko. Kuri se muutu ti mosi wuyaari Taata, mbuti ka Mwaana ko, na kuri wunde wuri Mwaana tiiri kamuyaabisa.»

Musamu wamubwete watina Matayi 13:19

«Mpisi wuyuka maampu ma Kimfumu, ngo wahele kubakula, lo muutu wuri, ngaa-bubi bu kiisiri, dzikiri ma bakuninyee mu mutima waandi. Wunde ngo wuri bunu luteembu lwa nzila lubwiiri nsaangi.

Musamu wamubwete watina Matayi 13:38

nseke ngo nsi; nsaangi dzadzibwete ngo baala ba Kimfumu, lukengisi ngo baala ba Ngaa-bubi,

Musamu wamubwete watina Matayi 5:37

Nzoonsulu yaaku yiba mbuti "heehe", lo "heehe", mbuti "pele", lo "pele"; mi babweese kuleele ha yulu haho, lo mya Ngaa-bubi.»

Musamu wamubwete watina Luka 10:22

Me Taata wampa byobinso. Kuri muutu ti mosi wuyaari Mwaana, mbuti ka Taata ko. Kuri se muutu ti mosi wuyaari Taata, mbuti ka Mwaana ko, na kuri wunde wuri Mwaana tiiri kamuyaabisa.»

Musamu wamubwete watina Yowane 14:7

Mbuti beenu luyaari me, lo sa lwayaaba se Taata. Kuholosono kilookolo kimaki, beenu lumwaamuyaaba, na lumwaamumono.»

Musamu wamubwete watina Yowane 14:9

Yesu waleele kuri nde ti: «Me dzakiri na beenu mu mantaangu malaka, na ye wahele kuyaaba me, Filipo? Wunde wumono me, lo Taata kamwiini. Dyaburi ye wuleele ti: "soongo beetu Taata"?

Musamu wamubwete watina Yowane 16:3

Sa bayirika mamo, bukuri bahele kuyaaba Taata, na me.

Musamu wamubwete watina Yowane 16:33

Me nyiluleeriri misamu mimyo, mpisi heki luba na kiyeengi mu me. Beenu luri na mpasi ha nsi, ngo lwaatee kibakala, me nyabwiisiri nsi!»

Musamu wamubwete watina Yowane 17:21

mpisi heki bobanso baba mosi, bunu buri ye Taata mu me, na me se mu ye, mpisi heki bo se baba mu beetu, kuri heki nsi yisa kanyi, ti ye wampeeke.

Musamu wamubwete watina Yowane 17:3

Kidziingu kya mantaangu mpmanso ngo kimaki: bayaaba ye, Nzaambi yomosi kitsu yangwanwa, na wunde wu wuri waheeke, Yesu Kiristo.

Musamu wamubwete watina Yowane 8:19

Ngo bo bamuleele ti: «Taayi dya ye wuri kuri?» Yesu wabvutula ti: «Beenu lwahele kuyaaba me, na lwahele kuyaaba se Taayi dya me. Mbuti lubee luyaa me, nkani luketyee kuyaaba se Taayi dya me.»

2 Kol 4:6

Bukuri Nzaambi waleeriri ti: «Mu mampimbisi, buungi sa bwaseme!» Nde wasemini mu mitima myeetu, mu kusoongo nteendele ya nyaabulu nkeembu Nzaambi, ku busu bwa Yesu Kiristo.

1 Tim 5:1

Yaa seembe wa kinuni mu kibakala ko, ngo musyaamisa bunu ti taayi, hololo minkuula bunu bampaangi,

Mukaanda kuri Tito 2:6

Syaamisa minkuula se bwobumosi, baba basokomo

1 Yow 1:1

Mamo maba munu mbandukulu, ma turi twayuka, ma turi twamono mu miisu myeetu, ma turi twakengese na ma turi twabelemene mu myooko myeetu, mu ntoono maampu ma kidziingu,

1 Yow 2:1

Mwaa-baala baami, me nyilutinina mamama, mpisi luhele kubwa mu masumu. Ngo mbuti muutu bwiiri mu masumu, lo turi na Nkariri kuri Taata, ngo Kiristo Yesu, ngaa-kusuunguma.

1 Yow 2:12

Me nyitinina kuri beenu mwaa-baala, bukuri masumu ma beenu mayeki mahemusunu, mu ntoono nkuumbu yaandi.

1 Yow 2:14

Me nyatinini kuri beenu mwaa-baala, bukuri beenu lwayeki lwayaaba Taata. Me nyatinini kuri beenu bataata, bukuri beenu lwayeki lwamuyaaba kuholosono kunu mbandukulu. Me nyatinini kuri beenu bituuti bukuri beenu luri bangaa-makwa, na maampu ma Nzaambi masa kikuundi mu beenu, na beenu lwabwiisiri Ngaa-bubi.

1 Yow 3:12

Yaa tuba bunu Kayini ko, waba ngaa-bubi, na wadzusiri mpaangi yaandi. Heki mu nkya ntoono kamudzusiri? Bukuri biyiriki bya Kayini byaba byabibi, na bya mpaangi yaandi byaba byasuunguma.

1 Yow 4:4

Mwaa-baala, beenu luri ba Nzaambi, na beenu lwabwiisiri babikiri bampya; bukuri wunde wuri mu beenu, bvuriri makwa na wunde wuri mu nsi.

1 Yow 5:18

Tuyaari ti mpisi wabutuka kuri Nzaambi, lo kayirikaa masumu ko, bukuri Mwaana Nzaambi wumukebaa, na Ngaa-bubi kari mbelemene nde ko.

1 Yow 5:20

Ngo kasi tuyaari ti, Mwaana Nzaambi wayisa, na watuha madyeele mu kuyaaba Wangwanwa; na turi kunsa Wangwanwa, mu Mwaana waandi, Yesu Kiristo. Nde wuri Nzaambi yangwanwa, na kidziingu kya mantaangu momanso.

Nyabusulu ya Yowane 12:11

Bo bamubwiisiri, mu ntoono makila ma Mwaana kimeeme, na mu ntoono maampu ma kimbaangi kya bo; bo basii tya kukalila miwuumunu myaaku ha busu bwa lufwa ko.

Nyabusulu ya Yowane 2:7

«Wunde wuri na makutu kayuka, mamo madzoonsiri Mpeeve kuri dibuundu. Kuri wunde wuluuluka, me sa nyimuha muti wa mwooyo wa kudya, wuri mu paradiso dya Nzaambi.»