1 Yow 2:11 - Musamu Wamubwete 2013

¹¹ Wunde wubelaa mpaangi yaandi, lo wuri kunsa mampimbisi, wukwedyaatila kunsa mampimbisi, na wahele kuyaaba ku kakweyende, bukuri mampimbisi mamudzusa miisu.

1 Yow 2:11 ပူးပေါင်းရင်းမြစ်များ

Musamu wamubwete watina Yowane 12:35

Haho Yesu waleele kuri bo ti: «Buungi bwakiri ha kakati dya beenu, mu mwaa-ntaangu yantele. Yendee lwedyaata bu lwakiri na buungi, mpisi heki luhele kukimuka kuri lweki kunsa mampimbisi; bukuri wunde wukweyende kunsa mampimbisi wahele kuyaaba ku kakweende.

Musamu wamubwete watina Yowane 12:40

«Nde wabadzusiri miisu, na wabakubisiri mitima, mpisi heki bahele kumono mu miisu, bahele kubakula mu mutima, bahele kuyiinga dyeele, na me nyibatsinikisa.»

2 Kol 3:14

Ngo kasi bo bari kunsa lubu. Natee mu kiluumbu ki, bo bu bataangaa lulelusunu lwalukulu, lo nsaanda yiyo yahele kuyisika, bukuri yo kuyisikila mu Kiristo.

2 Kol 4:4

mu baatu bahele na kanyi, bari nzaambi ya nsi yi wayeki wabiiyisa madyeele ma bo, mpisi bahele kutalila buungi bwa Musamu Wamubwete, wa nkeembu ya Kiristo, nde wuri kifwaani kya Nzaambi.

Mukaanda kuri Tito 3:3

Mukwongo, mu ntaangu yayikulu beetuneenu se twaba biwulu, bangaa-nko, badziimbila, twaba mu bunkutu bwa nyiimunu na biminu bya bitsuumbu-bitsuumbu, twaba kwelutisa ntaangu mu mamabi na mu musoki, twaba baatu bari babele na bakwebelesene bo na bo.

2 Pet 1:9

ngo muutu wahele na mamo, lo wafwa miisu, bunu pe wahele kwemono biri ku la, wayeki wadzimbikina nsyemukunu mu masumu maandi mamakulu.

1 Yow 1:6

Mbuti tuleelaa ti turi kintwaari na nde, ngo tudyaatila kunsa mampimbisi, lo tufuta mpya, na ka twasalilaa ngwanwa ko;

1 Yow 2:10

Wunde wutyaanaa mpaangi yaandi, lo wasa kikuundi kunsa buungi, na mu nde mpwaani ya kubwa mu masumu yo pe.

1 Yow 2:9

Wunde wuleelaa ti wuri kunsa buungi, ngo wubelaa mpaangi yaandi, lo natee lu nde wuri kunsa mampimbisi.

1 Yow 3:15

Mpisi wunde wubelaa mpaangi yaandi, lo nde mudzusi, na beenu luyaa ti mpisi mudzusi, lo kidziingu kya mantaangu momanso kyahele kusa kikuundi mu nde.

1 Yow 4:20

Mbuti muutu wuleele ti: «Me ntiiri Nzaambi», ngo wubelaa mpaangi yaandi, lo nde ngaa-mpya. Mukwongo, wunde wuhelaa kutya mpaangi yaandi yikamono, lo katsiitsa kutya Nzaambi ko, wu kahele kumono.

Nyabusulu ya Yowane 3:17

Bukuri ye wuri mu kweleele ti: "Me nyiri kisina, mwaabaka busina, nyahele na nzala kitotolo ti kimosi". Ngo ye wahele kuyaaba ti ye wuri ngaa-manyoongi, wa kubakila ngebe, wuri muwelu, ye wafwa miisu na wuri mpene.