1 Yow 1:5 - Musamu Wamubwete 2013

⁵ Wumawu ngo mukeensu wu turi twayuka kuri nde, na wu turi mu kuyaabisa kuri beenu: Nzaambi ngo buungi, na mu nde, mwahele mampimbisi ti mamosi.

1 Yow 1:5 ပူးပေါင်းရင်းမြစ်များ

Musamu wamubwete watina Yowane 1:19

Kimaki ngo kimbaangi kya Yowane, mu ntaangu yiri Bayudayo ba ku Yerusalemi baheekiri [kuri nde] bangaanga-nzaambi, na bisari bya Nzo-nzaambi mu kumufuula ti: «Ye na wuri?»

Musamu wamubwete watina Yowane 1:4

Mu mo mwaba kidziingu, na kidziingu kyaba buungi bwa baatu;

Musamu wamubwete watina Yowane 1:9

Buungi bubwo bwaba bwangwanwa, buhaanaa nsyeemunu kuri mpisi muutu, bu bwiisiri ha nsi.

Musamu wamubwete watina Yowane 8:12

Haho Yesu wabweese kudzoonso kuri bo waleele ti: «Me ngo buungi bwa nsi, wunde wunama me, kari ndyaatila kunsa mampimbisi ko, ngo sa kabaka buungi bwa kidziingu.»

Musamu wamubwete watina Yowane 9:5

Mu ntaangu yiri me nyiri ha nsi, lo me buungi bwa nsi.»

1 Kol 11:23

Mukwongo, me nyataamburi kuri Mfumu, mimyo mi nyiri nyatubula kuri beenu ti: Mfumu Yesu, mu butsuku bu baba muyekele, nde waholo mpa

1 Tim 6:16

Kuri wunde wuri, wunu nde kitsu wuri kafwaana ko, wadzakala kunsa buungi buri bwa kukokosolo pe, wuri muutu ti mosi kamumwii ko, na katsiitsa kumumono ko, kuba lukiinsu na mpinu dzahele manunu. Amene.

Mukaanda wa Yakobo 1:17

Mpisi kikabu kyakibwete, na mpisi kimbwanga kyayirima, lo kya ku yulu, kifumunaa kuri taayi dya buungi, kuri nde kwahele nsobokoso na mposi yayiinga kibeendu ko.

1 Yow 3:11

Wumawu ngo mukeensu wu luri lwayuka kuholosono kunu mbandukulu: Twetilisineenu beetu na beetu.

Nyabusulu ya Yowane 21:23

Bvula dyaba dyahele na nzala ntaangu, bunu pe na nzala ngoondo, mu kuri ti kuba buungi mu bvula; bukuri nkeembu Nzaambi yaba muha buungi, na Mwaana kimeeme ngo mwiinda waandi.

Nyabusulu ya Yowane 22:5

Butsuku bubweese kuba ko; na babweese kuba na nzala buungi bwa mwiinda na bwa ntaangu ko, bukuri Mfumu Nzaambi sa kasa buungi kuri bo, na sa batuma mu bibvu ngo bibvu.