1 Yow 1:2 - Musamu Wamubwete 2013

² kidziingu kikyo kyamonikini, beetu twakimono, turi mu kuta kimbaangi, tuluyaabisa kidziingu kyahele manunu, kyaba kuri Taata na kyamonikini kuri beetu.

1 Yow 1:2 ပူးပေါင်းရင်းမြစ်များ

Musamu wamubwete watina Yowane 1:18

Kuri muutu wu mwaamono Nzaambi ko; ngo Mwaana ndemosi wuri Nzaambi, wuri munsa Taayi, nde kooyaabisa.

Musamu wamubwete watina Yowane 1:4

Mu mo mwaba kidziingu, na kidziingu kyaba buungi bwa baatu;

Musamu wamubwete watina Yowane 10:28

Me nyiha kidziingu kyahele manunu kuri byo, byo biri mfwiilu ko kwakinkulu, na kuri muutu wubipfula mu myooko mya me ko.

Musamu wamubwete watina Yowane 14:6

Yesu waleele kuri nde ti: «Me ngo nzila, ngwanwa na bumwooyo; kuri muutu wukweende kuri Taata, mbuti ka mu me ko.

Musamu wamubwete watina Yowane 15:27

na beenu se, sa lwateele me kimbaangi, bukuri kuholosono kunu mbandukulu, beenu luri kintwaari na me.»

Musamu wamubwete watina Yowane 16:28

Me nyapalila mu Taata, na nyayisa ha nsi; me nyeki bweese kuyisika ha nsi, na kweende kuri Taata.»

Musamu wamubwete watina Yowane 17:3

Kidziingu kya mantaangu mpmanso ngo kimaki: bayaaba ye, Nzaambi yomosi kitsu yangwanwa, na wunde wu wuri waheeke, Yesu Kiristo.

Musamu wamubwete watina Yowane 17:5

Mu lumalu, Taata keembese me, ha teke ye-meene, mu nkeembu yi nyaba na yo ha teke ye, tekesele nsi yiyirima.

Musamu wamubwete watina Yowane 19:35

Wunde wamwiini, wata kimbaangi, na kimbaangi kyaandi kiri kyangwanwa. Nde yaari ti mamo, ma kaleele mangwanwa, mpisi beenu lusiila kanyi.

Musamu wamubwete watina Yowane 21:14

Lumonokunu lulwo lwaba lwatatu, Yesu kamonokini kuri bayiki, kuri mwaafuluka mu bafwa.

Musamu wamubwete watina Yowane 3:13

Kuri muutu watoomboko ku yulu ko, mbuti kari wunde wakulumuki mu yulu ko, Mwaana muutu.

Musamu wamubwete watina Yowane 7:29

Me ngo wuri nyimuyaari, bukuri me nyafumuna kuri nde, na nde wampeeke.»

Musamu wamubwete watina Yowane 8:38

Ma nyidzoonsolo ma nyiri nyamono kuri Taata, ngo kasi beenu, ma luyirika ma luri lwayuka kuri taayi dyeenu.»

Biyiriki bya Bantumu 1:22

kubaandika kunu mbotokulu Yowane, natee mu kiluumbu kikyo ki kayisikiri ha kakati dya beetu, mosi mu babo, kaba mbaangi ya mfulukulu yaandi, kintwaari na beetu."

Biyiriki bya Bantumu 10:41

ngo kari kuri baatu bobanso ko, ngo kasi kuri beetu, bambaangi bari Nzaambi watekisiri kusoolo, beetu twadiiri na twanwiini kintwaari na nde, ha mambisa ma mfulukulu yaandi mu bafwa;

Biyiriki bya Bantumu 2:32

Yesu didyo, Nzaambi wamufulukisa mu bafwa, na beetu bobanso turi bambaangi ba myo.

Biyiriki bya Bantumu 3:15

Beenu lwadzusiri mfumu bumwooyo, ngo Nzaambi wamufulukisi mu bafwa, beetu turi bambaangi ba nde.

Biyiriki bya Bantumu 5:32

Beetu turi bambaangi ba myominso mimyo, na Nzaambi waha Mpeeve Yangisi kuri babo batumumaa kuri nde."

Mukaanda kuri bari Loma 8:3

Mukwongo, mangisi maketi kubangisina mimyo ko, bukuri maba mahele na makwa mu ntoono muswinyi. Ngo Nzaambi bu kaheeke Mwaana waandi, mu kifwa-fwani kya muutu ngaa-masumu, mu ntoono masumu, wabwiisa masumu mu nyutu ya muswinyi,

Mukaanda kuri bari Ngalatya 4:4

Ngo ntaangu bu yakuka, Nzaambi waheeke Mwaana waandi, wabutuka mu wa mukyeetu, na watumuma mu Mangisi,

1 Tim 3:16

Diri dyayabakana ti, mpaanu dza kinzaambi dziri dzadzinene: Kiristo, wamonikini mu muswinyi, Mpeeve wasoongiri kuri ti nde wasuunguma, bambasi bamumono, bamuyabikisa kuri makaanda, bamusiila kanyi mu nsi, bamunata ku yulu mu nkeembu.

2 Tim 1:10

Bweese bubwo bwayabakana mu lumalu, mu monokunu Mubvuukisi weetu Kiristo Yesu, wunde wasukisa lufwa, na wasa kuri ti mu Musamu Wamubwete bumwooyo buseme na mbolulu yihele kubweese kuba.

Mukaanda kuri Tito 1:2

mu nsiitu dza kidziingu kya bibvu ngo bibvu kiri Nzaambi, nde wahele kuba ngaa-mpya, wasa nsiilulu tekesele mantaangu ma bibvu ngo bibvu.

1 Pet 5:1

Me nyisyaamisa bakulu ba babakala bari ha kakati dya beenu. Me se nyiri mukulu-bakala bunu bo, mbaangi mu mpasi dza Kiristo, na nyiri kintwaari mu nkeembu yiba yayabakana.

1 Yow 1:1

Mamo maba munu mbandukulu, ma turi twayuka, ma turi twamono mu miisu myeetu, ma turi twakengese na ma turi twabelemene mu myooko myeetu, mu ntoono maampu ma kidziingu,

1 Yow 2:25

Na lu ngo lusiilulu lu kari kalusiila, kidziingu kya mantaangu momanso.

1 Yow 3:5

Beenu luyaari kuri ti: Kiristo wamonikini mu kuyusula masumu, na mu nde mwahele masumu.

1 Yow 3:8

Wunde wuyirikaa masumu, lo wa dyabulu, bukuri kuholosono kunu mbandukulu dyabulu watobiri masumu. Mu dimadi Mwaana Nzaambi kamonikini, mpisi katsyaamuna biyiriki bya dyabulu.

1 Yow 4:14

Beetu twakengisiri na tuta kimbaangi ti Taata waheekiri Mwaana, bunu Mubvuukisi nsi.

1 Yow 4:2

Mu dimadi beenu luyaabula Mpeeve ya Nzaambi: mpisi mpeeve yitaambula ti Yesu Kiristo wayisa mu muswinyi, lo yiri ya Nzaambi;

1 Yow 5:11

Kimbaangi kikyo ngo ki: Nzaambi watuha kidziingu kya mantaangu momanso, na kidziingu kikyo kiri mu Mwaana waandi.

1 Yow 5:13

Me nyalutinini mamo mpisi luyaaba ti, beenu lusiila kanyi mu nkuumbu Mwaana Nzaambi, luri na kidziingu kya mantaangu momanso.

1 Yow 5:20

Ngo kasi tuyaari ti, Mwaana Nzaambi wayisa, na watuha madyeele mu kuyaaba Wangwanwa; na turi kunsa Wangwanwa, mu Mwaana waandi, Yesu Kiristo. Nde wuri Nzaambi yangwanwa, na kidziingu kya mantaangu momanso.