1 Tim 6:19 - Musamu Wamubwete 2013

¹⁹ bari mu kwekutikisa busina ha lufulu lwalubwete mu bo-meene, mpisi heki mu ntaangu yikwiisa, babaka kidziingu kyangwanwa.

1 Tim 6:19 ပူးပေါင်းရင်းမြစ်များ

Musamu wamubwete watina Matayi 19:21

Yesu waleele kuri nde ti: «Mbuti ye tiiri kuba wakuka, lo yende, yarika bi wuri na byo, ha kuri bawelu, na ye sa baka busina mu mayulu, na wasa nama me.»

Musamu wamubwete watina Luka 12:33

Yarikeenu bitotolo byeenu, na kabuleenu kuri bawelu; yirikeenu bimpokoro bya mboongo byahele kufuuka, na sweekeenu ku mayulu, busina bwahele kuwa. Kukwo kuri ngaa-kwiibi lo wahele kukokosolo, na bisekisi byahele kudya.

Musamu wamubwete watina Luka 16:25

Abalaami waleele kuri nde ti: "Mwaana me, baambuka mwooyo ti ye wataamburi byabibwe bya ye, ha wabee mu bumwooyo, na Ladzaro nde se wamwii manyoongi. Ngo mu lumalu, nde wuri mu mboondulu hamaha, kasi ye wuri mu kubama.

Musamu wamubwete watina Luka 16:9

Ngo me nyiluleele ti: «Sakee banduku, mu busina bwa bubayi, mpisi heki mu ntaangu yiri lweki tikila, bo balutaambula mu nzo ma bibvu ngo bibvu.

Musamu wamubwete watina Luka 18:2

Waleele ti: «Kwaba mularimi mosi ha bvula dimosi; nde kaba bataa Nzaambi ko, na kaba bvuminaa muutu ko.

Musamu wamubwete watina Luka 18:22

Yesu bu kayuka bubwo, waleele kuri nde ti: «Kwakiri kitotolo kimosi, kiheriri kuri ye: byobinso bi wuri byo, yarika na kabula mboongo kuri bawelu, ye sa baka busina mu mayulu, na wasa nama me.»

Mukaanda kuri bari Ngalatya 5:6

Bukuri, mu Yesu Kiristo, kuteende bubakala bunu pe kuhele kuteende bubakala ka biri mufunu ko, ngo biri mufunu, kanyi disoongaana biyiriki mu ntiilu.

Mukaanda kuri bari Efeso 3:17

Nde kadzakisa Kiristo kunsa mitima myeenu mu kanyi, na luba lwamene myaansi na lwatuunguma kunsa ntiilu,

Mukaanda kuri bari Filipo 3:12

Pele, me nyahele kuleele ti mwaabakila bunu pe mwaatubuka ha ndilu, ngo nyiri mu kudzumuna mu nsiitu ya kwekwaata, bukuri me se Kiristo Yesu wayeki wankwaata.

Mukaanda kuri bari Filipo 3:14

nyiri mu kudzumuna mu kutubuka ha ndilu, mu kubaka kimbwanga kya mbila ya ku yulu, ya Nzaambi mu Kiristo Yesu.

1 Tim 6:12

Nwaana nwaanunu yayibwete ya kanyi, kwaata kidziingu kya mantaangu momanso ki bari bakuteelele mbila, na ki wuri wateele kimbaangi kyakibwete ha busu bwa bambaangi balaka.

2 Tim 1:1

Me Pawulo, ntumu Kiristo Yesu, mu kutya kwa Nzaambi, bunu buri lusiilulu lwa kidziingu kya mu Kiristo Yesu,

2 Tim 2:19

Diri dyangwanwa ti lufulu lwa sa Nzaambi lwa makwa lwateleme, luri na kinyemu kyatina ti: «Mfumu yaari baatu baandi, na wunde wutaangunaa nkuumbu Mfumu, yelemini kutatuka na mamabi.»

1 Pet 1:4

mu ntoono saala diri dyabiiyaa ko, dyabviimfukaa ko, na dyakitukaa ko, di bari balusweekele mu mayulu,