1 Tim 6:12 - Musamu Wamubwete 2013

¹² Nwaana nwaanunu yayibwete ya kanyi, kwaata kidziingu kya mantaangu momanso ki bari bakuteelele mbila, na ki wuri wateele kimbaangi kyakibwete ha busu bwa bambaangi balaka.

1 Tim 6:12 ပူးပေါင်းရင်းမြစ်များ

2 Kol 6:7

mu maampu ma ngwanwa, mu mpinu dza Nzaambi; mu kuba na binwaanunu bya nsungumunu, bya kooko kwalubakala na bya kooko kwalumoso,

2 Kol 9:13

Bamonaa bubwe bwa kisalu kikyo, bo sa bakeembese Nzaambi, mu ntoono kutumuma ku luri mu kusoongo beenu, mu Musamu Wamubwete wa Kiristo, na mu kukabula lubakusu lweenu kintwaari na bo, na baatu bobanso.

Mukaanda kuri bari Filipo 1:30

mu kwenwaana kikiindu kyokimosi ki luri lwamono mu me, na ki luri mu kweyuka natee lumalu ti me nyiri mu kwenwaana.

Mukaanda kuri bari Kolosayi 3:15

Hemese kiyeengi kya Kiristo, ki bari baluteelele mbila mu nyutu mosi, kituma mitima mya beenu. Beeneenu bayaari kubvutula matoondo.

1 Tes 2:12

Beetu twaba kweluboondaana, kwelusyaamisaana, na kweluyingukilaana mu kuba na ndyaatulu yitiiri Nzaambi, nde wuri mu kuluteele mu kimfumu na mu nkeembu yaandi.

2 Tes 2:14

Mu didyo, Nzaambi kari kaluteele mbila mu Musamu Wamubwete wu turi twaluyikisa, mu kubaka nkeembu ya Mfumu yeetu Yesu Kiristo.

1 Tim 1:18

Ntumunu yi nyiri mu kuha kuri ye mwaana waami Timoteho, bunu buri mbikululu dzi bari batekesele kuleele mu ntoono ye, kuri ti, mu dzo, ye nwaana nwaanunu yayibwete,

1 Tim 1:19

bu wuri na kanyi na nsimunu yayibwete. Nsimunu yiyo babamosi bayeki bayilooso, na mu mitariri kanyi bo bayeki bapatuka mu maampa.

1 Tim 4:14

Yaa nyaafuna kikabu kya bweese kiri mu ye ko, ki bari bakuha mu mbikululu, mu ntetukulu myooko mya kintwaari kya bakulu ba babakala.

1 Tim 6:13

Me nyikuloombiri ha busu bwa Nzaambi, nde wuhaanaa kidziingu kuri bitotolo byobinso, na ha busu bwa Kiristo Yesu, wateeri kimbaangi kyakibweete ha busu bwa Pontyo Pilato:

1 Tim 6:19

bari mu kwekutikisa busina ha lufulu lwalubwete mu bo-meene, mpisi heki mu ntaangu yikwiisa, babaka kidziingu kyangwanwa.

2 Tim 1:9

Nde watubvuukisa, na watuteele mbila yangisi, kari mu ntoono biyiriki byeetu ko, ngo kasi bunu buri bitaasi bya nde-meene na bweese bu kari katuha mu Kiristo Yesu, tekesele mantaangu mahela kuwa.

2 Tim 2:2

Myominso mi wuri wayuka kuri me, ha busu bwa bambaangi balaka, yaabisa myo kuri baatu bakwiikama, bakuka mu kuyikisa myo se kuri bakaka.

2 Tim 4:7

Me nyanweeni kikiindu kyakibwete, me mwaamana kudzumuna ntiinu, na nyakebe kanyi.

Mukaanda kuri Bahebeleho 13:23

Yaabee ti mpaangi yeetu Timoteho bamupalisiri mu boroko, mbuti wasiri na kwiisa kuri me, lo sa twiisa beetu na nde mu kulumono.

Mukaanda kuri Bahebeleho 3:14

Bukuri beetu turi bakweyeende kintwaari na Kiristo, mbuti tukebiri na keketee kibeendu kyeetu ku mbandukulu natee ku manunu.

Mukaanda kuri Bahebeleho 6:18

mpisi heki mu misamu myoolo miri myayiingaa ko, miri lo Nzaambi wahele kusa mpya, tutaambuleenu nsyamusunu dzalaka, mu kukwaata na keketee nsiitu dzi bari batutaasila;

1 Pet 3:9

yaa lwebvutula mamabi mu mamabi ko, bunu pe kitari mu kitari ko. Ngo kasi yendee lwesakumuna, bukuri mu bubwo bari baluteele mbila, mpisi heki lutaambula lusakumunu ngo saala.

1 Pet 5:10

Nzaambi ya mabweese momanso, waluteele mbila mu kukoto mu nkeembu yaandi yahele manunu mu Kiristo Yesu, bu lumwiini mpasi mu mwaa-ntaangu, sa kabweese kalutelemese nde-meene, sa kalukumisa, sa kaluha makwa na sa kalusa na keketee.

1 Yow 2:25

Na lu ngo lusiilulu lu kari kalusiila, kidziingu kya mantaangu momanso.

Mukaanda Yuda 1:3

Banduku ba mutima, me mbeeri kwaandi na musoongo walaka mu kulutinina, mu dyaambu dya mvuukulu yeetu ya kintwaari, ngo mwiini mufunu mu kulutinina, mpisi nyilusyaamisa mu kunwaana mu ntoono kanyi, di bari bayakisa kwakinkulu kuri bangisi.

Nyabusulu ya Yowane 3:3

Hango nkuumbu, baambuka mwooyo mu bu wataambula na bu wayukila, kebe na yiinga dyeele. Mbuti wahele kuba naana, sa nyiisa bunu ngaa-kwiibi, na wuyaaba ko mu nkya kilookolo me nyikwiisa kuri yeenu.