1 Tim 6:11 - Musamu Wamubwete 2013

¹¹ Ngo ye muutu Nzaambi, bata misamu mimyo. Yende wesaka nsungumunu, kinzaambi, kanyi, ntiilu, nkindusulu-mutima, bundeembu.

1 Tim 6:11 ပူးပေါင်းရင်းမြစ်များ

Mukaanda kuri bari Loma 14:19

Hango-nkuumbu, hemese tusakee mamo ma kiyeengi, na ma ntuungulu ya beetu na beetu.

1 Kol 10:14

Hango-nkuumbu, banduku baami ba mutima, ya lwekokosolo ku bakwesaambila biteki ko.

1 Kol 14:1

Namitinee kusalila ntiilu, beenee na kuheme mu bikabu bya kimpeeve, mbiki ti mu mbikululu.

1 Kol 6:18

Bateenu buyala. Mpisi masumu, mari muutu wumayirika, lo mari ku mbasi nyutu. Ngo wusa buyala, wuyirikaana masumu mu nyutu ya nde-meene.

1 Tim 1:14

Ngo bweese bwa Mfumu yeetu bwabuukila, ha kimosi na kanyi na ntiilu yiri mu Kiristo Yesu.

1 Tim 4:12

Muutu yaa kasaana butuuti bwa ye ko, ngo soongo kifwaani kuri bangaa-kanyi, mu nzoonsulu, mu ndyaatulu, mu ntiilu, mu kanyi, na mu bungisi.

1 Tim 5:10

wayabakana mu biyiriki byabibwete, wayeki wabuukisa baala, wataambula banzeense, waswaaka miilu mya bangisi, wabakisa bari mu ngebe, na wasa mutima mu mpisi kiyiriki kyakibwete.

1 Tim 6:20

Ye Timoteho, kebe maampu ma bari bakuha, yende webata nzoonsulu dza bungooyi dza mukangala, na nkalikisi dza madyeele mampya,

2 Tim 2:21

Ngo mbuti muutu tsyeemisini nyutu yaandi mu mamabi mamo, lo nde sa kaba lukoombo lwa lukiinsu, lwawuunguku, luri mufunu kuri Mfumu, mu kulusalila mu mpisi ma bayirikaa mamabwete.

2 Tim 2:22

Yitika mantiilu ma butuuti, saka nsungumunu, kanyi, ntiilu, na kiyeengi mu kintwaari na babo bayingukilaa Mfumu mu mutima watsyeemeke.

2 Tim 3:10

Ngo ye wanemi kwakubwete nyikusulu dzaami, ndyaatulu yaami, bitaasi byaami, kanyi dyaami, nkindusulu-mutima yaami, ntiilu yaami, kifiki kyaami,

2 Tim 3:17

mpisi heki muutu Nzaambi kaba wayirima, na kabaka biri mufunu mu nyirikulu momanso mamabwete.

Mukaanda kuri Bahebeleho 12:14

Namitinee kwesa kiyeengi na bobanso, na kweba kunsa bungisi, buri, mbuti buheriri, lo kuri muutu ti mosi ko wumono Mfumu.

1 Pet 3:11

kalooso mamabi na kayirika mamabwete, kesaka kiyeengi na kanamitina kusalila mu kyo.