1 Tim 5:8 - Musamu Wamubwete 2013

⁸ Mbuti muutu wahele kwebuungula ba nde-meene, mbiki ti ba mu nzo yaandi, lo nde tunini kanyi dyaandi na bvuriri mutima-bubi ti na mungooyi.

1 Tim 5:8 ပူးပေါင်းရင်းမြစ်များ

Musamu wamubwete watina Matayi 18:17

Mbuti bisiri mu kubaywiila, lo leele dyo kuri dibuundu. Na mbuti bisiri se kuywiila dibuundu, lo hemese kuba kuri ye bunu munzeense, bunu pe mutori-mpaku.»

Musamu wamubwete watina Matayi 7:11

Ngo mbuti, beenu bangaa-bubi, luyaari kuha bikabu byabibwete kuri baala beenu, lo Taayi dya beenu dya ku yulu, buri kahele kuha bitotolo bibvuriri bubwete kuri babo bamuloombo.»

Musamu wamubwete watina Yowane 15:22

Mbuti me nyasii kwiisa ko, na nyahele kubadzoonsolo, nkani bahele kuyirika masumu. Ngo mu lumalu, lo bo basii na mpemisi ko mu masumu maaku.

1 Kol 6:6

Ngo mpaangi mosi lo wusa muyalu na mpaangi yakaka, na mimyo ha busu bwa bangooyi?

2 Kol 12:14

Yimayi ngo mbala yatatu, me mwaayirima mu kwiisa kuri beenu, ngo nyahele kwiisa kuludiila manene; bukuri me bi nyiri na nzala byo kari bitotolo bya beenu ko, ngo beenu-meene. Mukwongo, kari baala bayelemini kuwungukila babuti bitotolo ko, ngo babuti bayelemini kuwungukila baala bitotolo.

2 Kol 6:15

Nkya nyukusunu yiri ha kakati dya Kiristo na Belyari, bunu pe nki byantwaari ha kakati dya ngaa-kanyi na mungooyi?

Mukaanda kuri bari Ngalatya 6:10

Mu didyo, ha twakiri na ntaangu, tuyirikeenu mamabwe kuri baatu bobanso, ngo bvula-bvula kuri baturi kintwaari mu kanyi.

2 Tim 2:12

mbuti tukuundiri mpasi kintwaari na nde, lo sa twatuma kintwaari na nde se; mbuti tumutunini, lo nde se sa katutuna;

2 Tim 3:5

bamonokono ti bangaa-kinzaambi, kasi bakwetuna mpinu dza kinzaambi. Tekele ba bubwo mbisa.

Mukaanda kuri Tito 1:16

Bo bakweleele ti bayaari Nzaambi, ngo mu biyiriki bo bakwemutuna. Bo bayeki nkeensu na bangaa-tungu, bakoono kuyirika ntoono ti yimosi yayibwete.

2 Pet 2:1

Kwaba babikiri bampya kunsa baatu, bunubwo se, sa kwaba bayikisi bampya, ha kakati dya beenu. Bo sa bakotoso mu madyeele nyikusulu dza nzimbusulu, na sa batuna Mfumu yabakuula, bo sa basakisa mfukusulu ya bo-meene na sisuu.

Mukaanda Yuda 1:4

Mukwongo, baatu babamosi bayolomikini mu nsweeki, bari kuholosono na kidzika, batekesele kubatina mankuumbu mu mutsuundu wunde. Bo ngo bangooyi, bakwekitula bweese bwa Nzaambi yeetu mu buyala, na bakwetuna wunde wuri ndemosi Mutumi na Mfumu yeetu, Yesu Kiristo.

Nyabusulu ya Yowane 2:13

Me nyaari ku wubaanaa ye, kukwo kuri mboloko Satana, ye wakwaata mu makwa nkuumbu yaami, na wahele kutuna kanyi dya mu me, ti mu biluumbu bya Antipa, mbaangi yaami, mpaangi yaami yakwiikama, wubari badzusa kuri beenu, kwa tuunga Satana.

Nyabusulu ya Yowane 3:8

Me nyaari biyiriki bya ye; mono, me nyikusuusiri ha busu bwa mweelu wadzibulu, kuri muutu ti mosi ko wakuka mu kukaanga nde; bukuri ye mwaa-mpinu wuri na dzo, kasi wakebe maampu maami, tumi se wahele kutuna nkuumbu yaami.